Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

 Awˬ lawn 6

Liꞈ hpu awˬ tawn hk’a tawˍ lehˆ k’oˆ maˍ piˇ ve

Liꞈ hpu awˬ tawn hk’a tawˍ lehˆ k’oˆ maˍ piˇ ve

Yoˇhanˬ 10:33-36

A yeˇ yuˬ cawˇ ve: Liꞈ hpu g’aw peuˬ leh teˇ pawˆ tiˉ awˬ kaˍ awˬ nu k’oˆ k’ai ve taˇ te. Nawˬ g’aw ve Liꞈ hpu awˬ tawn leh nawˬ k’oˆ tuˬ ve a yeˇ uiˍ ve awˬ ceuˬ teˇ hpaˍ hk’aˬ hk’e te caˉ daꞈ ve na taˍ ve chaw htaꞈ k’oˆ maˍ piˇ sheˍ.

Te tuˬ awˬ hk’aˇ:

  • A yeˇ uiˍ ve tawˇ htaꞈ leuˆ yuˬ ve. Liꞈ hpu g’aw peuˬ hk’awꞈ nawˉ, nawˬ maˍ chehˇ ve awˬ lawn htaꞈ caˉ daꞈ ve a yeˇ uiˍ ve tawˇ k’oˆ piˇ sheˍ. Maˇ heˆ leh hk’aˬ ve teˇ hkawˇ a yeˇ uiˍ ve na taˍ ve chaw shiˍ tuˬ, na hkawˇ yehˇ sheˍ.

  • Hk’aˬ ve teˇ tawn a yeˇ uiˍ ve k’oˆ piˇ ve. Liꞈ hpu awˬ tawn maˇ g’aw sheˍ htaˇ, aˬ htoꞈ ma te Liꞈ hpu chi teˇ tawn g’aw gaˇ ve k’oˆ maˍ piˇ sheˍ. Liꞈ hpu hk’aw cawˬ ve a yeˇ uiˍ ve tawˇ leh nawˬ maˍ chehˇ ve awˬ lawn hk’aˬ hk’e te caˉ daꞈ ve k’oˆ maˍ piˇ sheˍ.

  • Hk’a sha sha-ehˬ yuˬ yehˇ g’a tuˬ k’oˆ piˇ ve. A yeˇ uiˍ ve htaꞈ maˇ caˉ daˬ ve awˬ ceuˬ taˇ k’oˆ. Nawˬ maˍ ve awˬ lawn htaꞈ na taˍ ve chaw hk’aˬ hk’e taw shiˍ ve dawˇ nyi sheˍ. Na taˍ ve chaw na g’a leh yuˬ yehˇ tuˬ ve awˬ hk’aˇ shiˍ tuˬ, loˍ ve awˬ ceuˬ ceh k’oˆ piˇ sheˍ.