Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

 Awˬ lawn 14

A yeˇ uiˍ ve htaꞈ hk’a tawˍ lehˆ tawˆ la tcuh ve

A yeˇ uiˍ ve htaꞈ hk’a tawˍ lehˆ tawˆ la tcuh ve

Heˍbrehˇ 8:1

A yeˇ yuˬ cawˇ ve: Na taˍ ve chaw nawˬ maˍ hkawˇ htaꞈ g’aꞈ mi tuˬ ga piˇ sheˍ. A yeˇ uiˍ ve teˇ ceuˬ peuˬ teˇ ceuˬ nawˬ dawˇ law taˍ ve leh awˬ lawn lonˉ ma htaꞈ hk’aˬ hk’e te caˉ daꞈ ve tehꞈ hk’a tawˍ lehˆ k’oˆ piˇ sheˍ.

Te tuˬ awˬ hk’aˇ:

  • Dawˇ law tuˬ cawˬ ve. Maˍ tuˬ ve awˬ lawn gu htaˇ, na taˍ ve chaw htaꞈ aˬ htoꞈ ma awˬ lawn shiˍ tcuh gaˇ ve le, aˬ htoꞈ ma awˬ lawn yonˍ tcuh gaˇ ve le, aˬ htoꞈ ma te tcuh gaˇ ve le tehꞈ dawˇ law taˍ sheˍ. Dawˇ law taˍ ve hk’e g’a tuˬ, a yeˇ uiˍ ve htaꞈ hk’a dehꞈ gu taˍ sheˍ.

  • Awˬ lawn lonˉ ma htaꞈ a yeˇ yuˬ ve. Tawˇ tanˬ yaw leh peuˬ htaˇ hk’a gaˬ, awˬ lawn lonˉ ma htaꞈ a yeˇ yuˬ tuˬ, a yeˇ uiˍ ve tawˇ leh tcuhˉ kuiˬ shuˍ daꞈ ve tawˇ teˇ hpaˍ htaꞈ yehˇ sheˍ.

  • A yeˇ uiˍ ve htaꞈ hk’a tawˍ lehˆ mawˬ leh na sha tuˬ te ve. Tinˍ taˍ ve awˬ yanˇ hk’aw hk’a dehꞈ maˍ g’a tuˬ, awˬ lawn lonˉ ma htaꞈ caˉ daꞈ ve a yeˇ uiˍ ve awˬ ceuˬ ceh tiˉ leuˆ yuˬ sheˍ. A yeˇ uiˍ ve laiˉ ceuˬ taˇ cawˬ tcuh, teˇ ceuˬ leh teˇ ceuˬ hk’a tawˍ lehˆ k’oˆ maˍ piˇ sheˍ, awˬ nu ve a yeˇ uiˍ ve teˇ ceuˬ htaꞈ maˇ k’oˆ sheˍ htaˇ teˇ hkui jehˇ sheˍ. Teˇ tawn le le caˉ daꞈ piˇ sheˍ.