Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

A shu Yaˬhoˉvaˬ ve A loˍ Awˬ hk’aˇ suh Te Chehˇ ve le

 Awˬ lawn 10

Yehˬ k’a hk’aw Teˇ geh Oˉ k’oˍ pui ve Aˬ htoꞈ ma le

Yehˬ k’a hk’aw Teˇ geh Oˉ k’oˍ pui ve Aˬ htoꞈ ma le

Koˇriˇ-aˇ Awˬ hawˉ hpawˇ

Baˬraˬziˇ

Awˆsaˍteˇriˇ-aˇ

Gi ni-a

Aˬ sho-eˬ htaˇ tanˬ leh yehˬ k’a lehˬ, co ha hpawˇ awˬ g’aˇ cawˬ maˇ la leh teˇ g’aˇ leh teˇ g’aˇ meuˆ daꞈ maˇ la tuˬ awˬ pon, yawˇ hui teˇ geh chehˇ ve awˬ yanˇ fuiˍ teh tuˬ Yaˬhoˉvaˬ heuˆ gaˇ ve yoˬ. (Bon maˍ ve 6:6, 7) Chi hk’e hpehꞈ ve pa taw, yehˬ k’a hk’aw teˇ geh oˉ k’oˍ pui tuˬ, Yaˬhoˉvaˬ ve Shaˉhkiˆhkanˍ ve chaw teˇ shinˉ leh teˇ shinˉ awˬ pon, awˬ yanˇ teˇ yanˇ fuiˍ teh taˍ leh nyi ma gawˬ lehˍ ve awˬ hk’aw lo a shu yawˇ ve yehˬ k’a loˍ ve htaꞈ hawˍ ve Liꞈ hpu awˬ lawn htaꞈ chaˬ nyi ve yoˬ. Teˇ g’aˇ tiˉ chehˇ ve htawˇ, G’uiˬ sha geh jiˆ laˬ tuˬ awˬ yanˇ fuiˍ teh leh nawˬ leuˆ yuˬ taˍ ve Liꞈ hpu awˬ lawn henˇ g’a ve yoˬ.

Yaˬhoˉvaˬ awˬ paˇ lo maˇ maˇ jiˆ k’ai tuˬ ve awˬ yanˇ hpehꞈ ve yoˬ. “G’uiˬ sha geh jiˆ laˬ-oꞈ. Hk’e te k’o, yawˇ nawˬ hui geh jiˆ laˬ tuˬ yoˬ.” (Yaˍkoˆ 4:8) Liꞈ hpu hk’aw yawˇ ve kanˉ leh awˬ hoꞈ awˬ han te hk’aˇ dawˇ hk’aˇ htaꞈ ngaˬ hui hk’a dehꞈ henˇ ve k’o, Yaˬhoˉvaˬ htaꞈ shiˍ daꞈ maˇ la ve yoˬ. Yehˬ k’a hk’aw teˇ geh oˉ k’oˍ pui tuˬ tanˬ te ve awˬ hk’aˇ hk’a sha sha-ehˍ ve teˇ hk’aˇ lehˬ Liꞈ hpu hk’aw teˇ geh g’aw nyi ve yoˬ. G’uiˬ sha ve Kanˉ Te jawˬ ve teˇ ceuˬ teˇ shinˉ le le aꞈ piˇ ve g’aw cawˇ ve kaˇ nanˉ uiˍ teˇ hpaˍ teˇ geh g’aw tuˬ yoˬ hehˉ. Yehˬ yaˇ k’a yaˇ teˇ g’aˇ kaˇ nanˉ uiˍ teˇ maˬ g’aw laˇ leh henˇ yuˬ kuiˬ teˇ hpaˍ dawˇ nyi g’a ve yoˬ.

Yehˬ k’a hk’aw meuˆ daꞈ maˇ la tuˬ ve awˬ yanˇ hpehꞈ ve yoˬ. Awˬ hpawˇ awˬ miˇ ma geh, awˬ pa awˬ e awˬ yaˇ geh, yehˬ k’a hk’aw Liꞈ hpu henˇ ve k’o, meuˆ daꞈ maˇ la tuˬ te ve yoˬ. Chi hk’e oˉ k’oˍ pui ve lehˬ, teˇ shinˉ le le teˇ g’aˇ le le law taˍ ve ha lehˬ ve awˬ yanˇ hpehꞈ piˇ cawˇ ve yoˬ. Awˬ pa awˬ e yaˇ ve a shaꞈ htaꞈ keunˍ ve Shaw nyi kuiˬ leh Tu loˬ liꞈ hk’aw awˬ lawn leuˆ yuˬ leh, oˇ ve htaꞈ teˇ geh chaˬ nyi ve yoˬ. Cawnˇ yehˬ lo yaˇ g’a hpuˇ ve awˬ lawn htaꞈ hk’aˬ hk’e te ga piˇ g’a tuˬ le tehꞈ yaˇ geh nawˬ naꞈ uˉ te daꞈ ve yoˬ. Hpawnˬ daꞈ kuiˬ lo k’a tuˬ ve liꞈ hkawˇ k’a jawˬ ve leh, yehˬ k’a hk’aw oˉ k’oˍ pui peuˬ hk’awꞈ nawˉ caˇ guiˇ tuˬ teˇ geh caˇ ve kaꞈ hpehꞈ tuˬ yoˬ hehˉ.

Teˇ shinˉ le le Yaˬhoˉvaˬ htaꞈ oˉ k’oˍ teˇ geh pui tuˬ fuiˍ teh taˍ ve awˬ yanˇ lehˬ, yehˬ k’a awˬ hk’aw lo teˇ g’aˇ le le G’uiˬ sha ve tawˇ hkawˇ htaꞈ ha lehˬ tuˬ ca mawˬ g’a ve yoˬ. Leh G’uiˬ sha lehˬ nawˬ coˇ caˇ ve htaꞈ bon naꞈ laˇ tuˬ yoˬ. (Chiˇ mvuh ve 1:1-3)

  •  Yehˬ k’a hk’aw oˉ k’oˍ teˇ geh pui tuˬ awˬ pon ngaˬ hui aˬ htoꞈ ma pa taw awˬ yanˇ fuiˍ teh taˍ cawˇ ve le.

  •  Awˬ pa awˬ e lehˬ awˬ yanˇ oˇ ve htaꞈ yehˬ k’a hk’aw teˇ g’aˇ le le pyawˍ tcuh tuˬ awˬ pon hk’aˬ hk’e te g’a tuˬ le.