Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

 Awˬ lawn 5

Ngaˬ hui Hkriꞈ yaˇ Hpawnˬ daꞈ Kuiˬ lo Nawˬ Aˬ htoꞈ ma G’a mawˬ G’a hpuˇ ve le.

Ngaˬ hui Hkriꞈ yaˇ Hpawnˬ daꞈ Kuiˬ lo Nawˬ Aˬ htoꞈ ma G’a mawˬ G’a hpuˇ ve le.

Aˬjiˬtiˇnaˇ

Siˬyaˬleˬyonˍ

Behˬlaˬjiˬ-anˬ

Maˬleˇsaˇ

Yawˇ hui co ha hpawˇ nyi ma awˬ g’aˇ g’a kuiˬ leh, beˆ maˍ laˇ hkawˇ maˇ cawˬ tehꞈ dawˇ ve pa taw, chaw laiˉ g’aˇ lehˬ hpawnˬ daꞈ kuiˬ bon hpawˇ maˇ k’awꞈ k’ai ve yoˬ. Oˇ hk’e k’o, aˬ htoꞈ ma pa taw Yaˬhoˉvaˬ ve Shaˉhkiˆhkanˍ ve chaw gu teh taˍ ve Hkriꞈ yaˇ hpawnˬ daꞈ kuiˬ lo nawˬ k’ai nyi cawˇ ve le. Nawˬ oˇ kaˬ lo aˬ htoꞈ ma g’a mawˬ tuˬ le.

Shu htaꞈ haꞈ leh dawˇ nyi puiˉ ve chaw geh chehˇ ve teˇ ceuˬ g’a ha lehˬ ve yoˬ. Awˉ lawˉ htaˇ ve Hkriꞈ yaˇ hui htaꞈ Hkriꞈ yaˇ awˬ moˍ hpehꞈ tcuh ve yoˬ. Yawˇ hui G’uiˬ sha htaꞈ oˉ k’oˍ pui tuˬ awˬ pon hpawnˬ daꞈ ve, Liꞈ hpu henˇ ve, leh awˬ g’aˇ piˇ daꞈ kuiˬ hpehꞈ ve yoˬ. (Heˍbrehˇ 10:24, 25) Haꞈ pehnˇ ve hk’a biˇ cawˬ ve chehˇ kuiˬ lo chehˇ ve teˇ ceuˬ awˬ tehˬ ve awˬ chawˇ geh chehˇ ve tehꞈ yawˇ hui dawˇ ve oˇ ve lehˬ, yawˇ ve co ha hpawˇ ve awˬ viˉ awˬ nyi hpehꞈ ve yoˬ. (2 Hteˇsaˍlawˇniˆ 1:3; 3 Yoˇhanˬ 14) Ngaˬ hui oˇ hk’e te henˇ yuˬ ve lehˬ, ha lehˬ ve teˇ ceuˬ g’a hpuˇ ve yoˬ.

Liꞈ hpu hk’aw awˬ liˇ awˬ hk’aˇ henˇ shiˍ leh yuˬ yehˇ ve lehˬ awˬ bon g’a ve yoˬ. Liꞈ hpu awˬ co-e hk’a shuˍ hawˉ hk’aˆ, yaˇ miˇ, leh yaˇ ehˉ teˇ geh hpawnˬ daꞈ ve yoˬ. Maˍ keunˍ ve chaw Liꞈ hpu htaꞈ yehˇ leh, teˇ nyi le le ngaˬ hui a shaꞈ teꞈ kuiˬ Liꞈ hpu awˬ liˇ awˬ hk’aˇ yuˬ yehˇ ve awˬ hk’aˇ shiˍ tuˬ ga laˇ ve yoˬ. (Bon maˍ ve 31:12; Neˍhaˍmiˆ 8:8) Teˇ g’aˇ le le Liꞈ hpu teˇ geh chaˬ nyi ve leh, liꞈ hkawˇ teˇ geh k’a chiˇ mvuh ve, chi teˇ hpaˍ ngaˬ hui ve Hkriꞈ yaˇ dawˇ law kuiˬ cawˬ ve hk’e te tawˆ la ve awˬ yanˇ hpehꞈ ve yoˬ.(Heˍbrehˇ 10:23)

G’uiˬ sha htaꞈ yonˍ ve teˇ ceuˬ awˬ g’aˇ uiˍ la ve yoˬ. Tcuh yaˇ Pawˇluꞈ awˬ co-e ve Hkriꞈ yaˇ awˬ moˍ htaꞈ yawˇ k’oˆ piˇ ve, “Nawˬ hui htaꞈ ngaˬ mawˬ gaˇ jaˇ ve yoˬ.” “Ngaˬ yonˍ ve leh nawˬ hui yonˍ ve awˬ hk’aw lo, teˇ g’aˇ htaꞈ teˇ g’aˇ awˬ g’aˇ piˇ daꞈ tuˬ” awˬ pon yoˬ. (Roˉmaꞈ 1:11, 12) Hpawnˬ daꞈ kuiˬ lo hk’aˬ htaˆ chi htaˆ kaꞈ yonˍ ve chaw geh awˬ chawˇ te ve teˇ ceuˬ, ngaˬ hui Hkriꞈ yaˇ hk’e a shaꞈ teꞈ tuˬ hk’a dehꞈ dawˇ taˍ leh, yonˍ ve teˇ ceuˬ awˬ g’aˇ uiˍ la ve yoˬ.

Awˬ ceuˬ chi teˇ hpaˍ htaꞈ nawˬ hk’aˇ nawˬ g’a hpuˇ tuˬ, awˬ g’uˇ suhˍ hpawˇ ngaˬ hui hpawnˬ daꞈ kuiˬ lo laˬ nyi sheˍ. Nawˬ htaꞈ ha lehˬ ha k’a haꞈ yuˬ laˇ tuˬ yoˬ. Hpawnˬ daꞈ ve teˇ ceuˬ hpehˇ htaˇ hk’a gaˬ a hk’e leˇ mui na g’a leh hpu tanˇ maˇ shaw.

  •  Ngaˬ hui hpawnˬ daꞈ ve teˇ ceuˬ aˬ htoꞈ ma awˬ hk’aˇ suh henˇ yuˬ ve le.

  •  Hkriꞈ yaˇ hpawnˬ daꞈ la ve awˬ hk’aw lo ngaˬ hui awˬ to hk’aˇ awˬ to awˬ bon hk’aˬ hk’e g’a ve le.