Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

A shu Yaˬhoˉvaˬ ve A loˍ Awˬ hk’aˇ suh Te Chehˇ ve le

 Awˬ lawn 17

Toˇ nyi Shehˍ hpaˇ Ngaˬ hui htaꞈ Hk’aˬ hk’e Ga laˇ ve le

Toˇ nyi Shehˍ hpaˇ Ngaˬ hui htaꞈ Hk’aˬ hk’e Ga laˇ ve le

Maˬlaˬwiˬ

Hto toˇ ve awˬ moˍ

Hto toˇ k’ai ve

Chaw mawˇ chaw kehˉ geh hpawnˬ daꞈ ve

Baˍnaˍbaˆ leh tcuh yaˇ Pawˇluꞈ awˬ lawn htaꞈ Heˍlaˍsaˆ Liꞈ hpu hk’aw laiˉ pawˆ k’oˆ taˍ ve yoˬ. Chaw chi nyiˇ g’aˇ lehˬ, awˉ lawˉ htaˇ ve Hkriꞈ yaˇ awˬ moˍ teˇ hpaˍ htaꞈ toˇ nyi shehˍ hpaˇ hpehꞈ ve yoˬ.[1] Aˬ htoꞈ ma pa taw le. Awˬ lawn k’o, yawˇ huiˉ maˬ co ha hpawˇ ve awˬ viˉ awˬ nyi Hkriꞈ yaˇ hk’aˬ hk’e hpehꞈ chehˇ ve htaꞈ dawˇ haˍ ve yoˬ. Pawˇluꞈ k’oˆ ve, “awˬ viˉ awˬ nyi teˇ hpaˍ hk’aˬ hk’e hpehꞈ chehˇ ve htaꞈ ca k’awꞈ toˇ nyi” gaˇ ve yoˬ. Oˇ hk’e te tuˬ yawˇ laiˉ ha kiˇ loˇ te toˇ ve yoˬ. (Tcuh yaˇ 15:36) Chi beuꞈ teˇ co-e toˇ nyi shehˍ hpaˇ htawˇ oˇ hk’e hk’a shuˍ te gaˇ ve yoˬ.

Ngaˬ hui htaꞈ awˬ g’aˇ peꞈ laˇ tuˬ laˬ ve yoˬ. Toˇ nyi shehˍ hpaˇ teˇ hk’awꞈ nyiˇ pawˆ Hkriꞈ yaˇ awˬ moˍ aˬ laˬ hk’e 20 kaˬ, teˇ kaˬ peuˬ teˇ kaˬ awˬ yanˇ teˇ shinˉ teˇ shinˉ yehˇ leh ca guiˇ toˇ ve yoˬ. Toˇ nyi shehˍ hpaˇ awˬ kaˍ awˬ nu teˇ g’aˇ k’o, Hkriꞈ yaˇ awˬ moˍ teˇ hpaˍ geh k’ai leh, hpawnˬ daꞈ lonˉ nyiˇ nyi hk’aw kaꞈ mui hk’awˇ mui paˍ hpehꞈ ve yoˬ. Awˬ viˉ awˬ nyi hawˉ hk’aˆ chi teˇ hpaˍ leh yawˇ hui awˬ miˇ ma G’uiˬ sha ve kanˉ htaꞈ te laˬ maw jaˇ ve pa taw ngaˬ hui awˬ bon g’a ve yoˬ. Yawˇ hui coˇ caˇ leh chaw mawˇ, yaˇ nehˬ htaꞈ shiˍ daꞈ tuˬ te ve yoˬ. Ngaˬ hui geh teˇ geh hto toˇ ve leh nyi ma pfuhˇ ve chaw htaꞈ Liꞈ hpu awˬ lawn g’a ga maˍ piˇ gaˇ ve yoˬ. Toˇ nyi shehˍ hpaˇ leh chaw mawˇ chaw kehˉ awˬ viˉ awˬ nyi htaꞈ ca hpuˇ daꞈ leh, Hkriꞈ yaˇ awˬ moˍ hk’aw hpawnˬ daꞈ ve leh hpawnˬ daꞈ lonˉ nyiˇ nyi hk’aw ngaˬ hui awˬ g’aˇ hehnˇ la tuˬ, awˬ g’aˇ htehˍ laˇ ve awˬ lawn toˇ nyi shehˍ hpaˇ bon maˍ ve yoˬ. (Tcuh yaˇ 15:35)

Teˇ g’aˇ le le htaꞈ a yeˇ yuˬ piˇ ve yoˬ. Toˇ nyi shehˍ hpaˇ lehˬ, Hkriꞈ yaˇ awˬ moˍ co ha hpawˇ hk’aˬ hk’e hpehꞈ chehˇ ve htaꞈ dawˇ haˍ ve yoˬ. Co ha hpawˇ Hkriꞈ yaˇ awˬ moˍ uiˍ la mvuh la tuˬ chaˬ nyi ve awˬ hk’aw lo, chaw mawˇ chaw kehˉ leh ga piˇ shehˍ hpaˇ geh yawˇ hpawnˬ daꞈ leh, a shu yawˇ ve awˬ vuiˬ htaꞈ te daꞈ la tuˬ yawˇ hui htaꞈ beˆ maˍ piˇ ve yoˬ. Yawˇ hui lehˬ g’uˇ suhˍ peuˍ ve chaw kanˉ te g’a tuˬ ga piˇ leh, ca hpawnˬ daꞈ la ve chaw awˬ suhˉ htaꞈ shiˍ daꞈ gaˇ ve, leh yawˇ hui uiˍ la mvuh la ve awˬ lawn htaꞈ kaꞈ kaˇ gaˇ ve yoˬ. Awˬ viˉ awˬ nyi chi teˇ hpaˍ g’aˇ hteꞈ g’aˇ na ngaˬ hui “geh teˇ geh kanˉ te shehˍ hpaˇ” hpehꞈ ve yoˬ. (2 Kawˇrenˍhtuˆ 8:23) Yawˇ hui G’uiˬ sha htaꞈ yawˆ yan ve leh yonˍ hpawˇ ngaˬ hui henˇ yuˬ cawˇ ve yoˬ. (Heˍbrehˇ 13:7)

  •  Hkriꞈ yaˇ awˬ moˍ teˇ hpaˍ geh toˇ nyi shehˍ hpaˇ aˬ htoꞈ ma pa taw laˬ ve le.

  •  Yawˇ hui laˬ ve awˬ hk’aw lo nawˬ aˬ htoꞈ ma awˬ bon g’a ve le.