Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

Yaˬhoˉvaˬ ve A loˍ Awˬ hk’aˇ suh Nawˬ G’aꞈ Te tuˬ laˇ

Yaˬhoˉvaˬ ve A loˍ Awˬ hk’aˇ suh Nawˬ G’aꞈ Te tuˬ laˇ

Nawˬ liꞈ chi teˇ k’oˆ g’aw nyi ve leh Yaˬhoˉvaˬ ve Shaˉhkiˆhkanˍ ve chaw a shu hpehꞈ ve le, ngaˬ hui aˬ htoꞈ ma te ve le, leh ngaˬ hui ve kanˉ hk’aˇ hk’aˬ hk’e hpehꞈ ve le tehꞈ shiˍ la ve, ngaˬ hui ha lehˬ ve yoˬ.[1] Chi beuꞈ teˇ co-e, Yaˬhoˉvaˬ ve a loˍ awˬ hk’aˇ suh g’aꞈ te ve chaw ngaˬ hui teˇ moˍ hpehꞈ ve yoˬ tehꞈ, g’a mawˬ tuˬ liꞈ chi teˇ k’oˆ nawˬ htaꞈ ga laˇ g’a tuˬ yoˬ tehꞈ ngaˬ hui dawˇ law taˍ ve yoˬ. G’uiˬ sha ve cuˇ yiˍ maˍ yiˍ henˇ shiˍ tcuhˉ taˍ ve, nawˬ g’a henˇ shiˍ ve awˬ ceuˬ nawˬ ve yehˬ k’a hk’aw leh awˬ chawˇ htaꞈ hto piˇ ve, leh Hkriꞈ yaˇ hpawnˬ daꞈ kuiˬ awˬ hk’aw lo hk’aˬ htaˆ kaꞈ ngaˬ hui geh awˬ chawˇ g’a te ve, chi teˇ hpaˍ te tuˬ ngaˬ hui nawˬ htaꞈ awˬ g’aˇ peꞈ laˇ ve yoˬ. (Heˍbrehˇ 10:23-25)

Yaˬhoˉvaˬ ve awˬ lawn htaꞈ caˉ daꞈ ve, nawˬ shaˬ te shaˬ henˇ shiˍ ve k’o yawˇ nawˬ htaꞈ awˬ tehˬ awˬ na haꞈ jaˇ ve yoˬ tehꞈ nawˬ mawˬ tuˬ yoˬ. Nawˬ G’uiˬ sha htaꞈ kaꞈ haꞈ ve yoˬ tehꞈ, teˇ ceuˬ le le te ve awˬ hk’aw lo k’awꞈ te hk’awꞈ piˇ tuˬ nyi ma hk’aw awˬ g’aˇ g’a tuˬ yoˬ. (1 Yoˇhanˬ 4:8-10, 19) Yaꞈ hk’aˇ, teˇ nyi le le a shaꞈ teꞈ chehˇ ve hk’aw G’uiˬ sha htaꞈ haꞈ ve teˇ ceuˬ hk’aˬ hk’e hpeuꞈ maw piˇ tuˬ le, aˬ htoꞈ ma pa taw yawˇ ve daꞈ jaˇ ve awˬ liˇ awˬ hk’aˇ htaꞈ na yuˬ ve teˇ ceuˬ nawˬ awˬ bon g’a jaˇ ve le, leh ngaˬ hui geh G’uiˬ sha ve a loˍ awˬ hk’aˇ suh g’aꞈ te gaˇ tuˬ nawˬ htaꞈ aˬ htoꞈ ma ga laˇ ve le. Nawˬ leh nawˬ ve yehˬ k’a “G’uiˬ sha haꞈ pehnˇ ve awˬ hk’aw lo” “yeˬ chaweh chehˇ taˍ” leh “co tiꞈ ha tiꞈ g’a” tuˬ, nawˬ htaꞈ Liꞈ hpu maˍ laˇ ve chaw nawˬ geh teˇ geh awˬ lawn chi teˇ hpaˍ ha lehˬ ha k’a henˇ nyi hpehꞈ ve yoˬ. (Yuˇdaꞈ 21)