Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

A shu Yaˬhoˉvaˬ ve A loˍ Awˬ hk’aˇ suh Te Chehˇ ve le

 Awˬ lawn 14

Miˍshenˍnaˍliˍ ve Kanˉ Hk’aˬ hk’e Hpehꞈ ve le

Miˍshenˍnaˍliˍ ve Kanˉ Hk’aˬ hk’e Hpehꞈ ve le

Aˍmeˬriˆkaꞈ

Giˇlaˆ Cawnˇ yehˬ, Hpehˆhteuꞈsanˬ, NeuˇYawˆ

Paˬnaˇmaˇ

Awˬ nu ve mvuhˇ miˬ hk’aw daꞈ ve awˬ lawn sha tanˇ hto toˇ tuˬ, nawˬ ve yehˬ k’a leh paw ve mvuhˇ miˬ hk’aw ha lehˬ ha k’a tawˆ k’ai hpehꞈ-aw laˇ. Awˬ tehˬ k’o, Shaˉhkiˆhkanˍ ve chaw laiˉ hinˉ g’aˇ oˇ hk’e te ve awˬ hk’aw lo yawˇ hui lehˬ “Ngaˬ htaꞈ k’ai peu laˇ-oˆ” tehꞈ k’oˆ ve htaꞈ shuˍ ve yoˬ. (Iˉsaˍyaˆ 6:8) Yawˇ hui oˇ hk’e te ve awˬ hk’aw lo daꞈ jaˇ uiˍ jaˇ ve Miˍshenˍnaˍliˍ Yeˍsuˆ Hkriꞈ htaꞈ henˇ yuˬ ve yoˬ. (Yoˇhanˬ 7:29)[1]

Yeˍsuˆ hkui ha hk’aˇ suh g’aꞈ k’ai ve yoˬ. Chaw yaˇ venˇ baˆ yaˇ geh chehˇ tuˬ G’uiˬ sha lehˬ Yeˍsuˆ htaꞈ miˬ guiˬ hk’oˆ peu laˇ ve yoˬ. Maˇ hteˇ maˇ cawˇ ve teˇ hpaˍ htaꞈ Yeˍsuˆ g’a mawˬ ve yoˬ. Yaꞈ hk’aˇ yawˇ coˇ caˇ leh chaw law vaˇ law htaꞈ gu piˇ ve maˇ heˆ. Chaw yaˇ g’a hpuˇ chehˇ ve awˬ lawn gu tuˬ teˇ hk’aˇ tiˉ cawˬ ve pa taw, yawˇ htaꞈ aꞈ piˇ ve kanˉ “G’uiˬ sha ve mvuhˇ miˬ awˬ lawn ha lehˬ ve bon hkawˇ” hto toˇ tcuhˉ taˍ ve yoˬ. (Luˉkaꞈ 4:43) Awˬ tehˬ ve Hkriꞈ yaˇ miˍshenˍnaˍliˍ teˇ hpaˍ yawˇ htaꞈ henˇ yuˬ ve yoˬ.

Shu awˬ pon a shaꞈ teꞈ ve yoˬ. Miˍshenˍnaˍliˍ teˇ hpaˍ lehˬ yawˇ hui mawˬ jaw hpuˇ jaw ve awˬ ceuˬ htaꞈ peun daꞈ jaˇ ve a shaꞈ teꞈ kuiˬ, chaw liˇ vaˇ liˇ, awˬ tcuhˉ awˬ yanˇ leh caˇ tuˬ cawˬ ve mvuhˇ miˬ awˬ hk’aw lo chehˇ g’a tuˬ g’a pa ve yoˬ. Oˇ kaˬ lo chehˇ ve chaw htaꞈ tawˇ yaw daꞈ g’a tuˬ laiˉ pawˆ k’o, yawˇ hui tawˇ hkawˇ awˬ suhˉ g’a henˇ ve yoˬ. Vuiˇ kuiˬ lo k’ai gaˬ tuˬ, te toˇ te laˬ haˍ tuˬ yoˬ hehˉ. Oˇ hk’e hpehꞈ ve htawˇ, miˍshenˍnaˍliˍ hto toˇ kuiˬ awˬ ti lo chehˇ ve chaw htaꞈ awˬ tehˬ g’a haꞈ ve yoˬ.

Kanˉ chi te tuˬ hk’a dehꞈ te jawˬ laˬ peuˬ ve yoˬ. Miˍshenˍnaˍliˍ hpehꞈ ve Shaˉhkiˆhkanˍ ve chaw laiˉ g’aˇ Vawˆ-cheuꞈ htao veuˇ Giˇlaˆ Liꞈ hpu cawnˇ yehˬ hk’aw henˇ tuˬ ve awˬ ceuˬ htaꞈ ngaˇ ha pa g’a henˇ ve yoˬ. Henˇ tuˬ ve awˬ ceuˬ cawnˇ yehˬ chi ve hk’aw Yaˬhoˉvaˬ, Liꞈ hpu, leh yawˇ ve kanˉ hk’aˇ htaꞈ shaˬ te shaˬ yonˍ g’a ve yoˬ. (Tawˇ naˉ ve 3:5, 6) Liꞈ hpu cawnˇ yehˬ chi ve lehˬ, miˍshenˍnaˍliˍ hpehꞈ ve chaw Hkriꞈ yaˇ ve awˬ hoꞈ awˬ han te hk’aˇ dawˇ hk’aˇ nyi ma hk’aw cawˬ maˇ la tuˬ yawˇ hui htaꞈ ga piˇ leh, Liꞈ hpu maˍ puiˉ ve chaw hpehꞈ la tuˬ yawˇ hui htaꞈ te jawˬ tcuh ve yoˬ.[2] “Mvuhˇ leh miˬ leh hk’a gaˬ” yawˇ hui hto maˍ keunˍ ve yoˬ. (Tcuh yaˇ 1:8)

  •  Miˍshenˍnaˍliˍ aˬ htoꞈ ma g’a te ve le.

  •  Miˍshenˍnaˍliˍ henˇ tuˬ hk’aˬ hk’e cawˬ ve le.