Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

A shu Yaˬhoˉvaˬ ve A loˍ Awˬ hk’aˇ suh Te Chehˇ ve le

 Awˬ lawn 12

Ngaˬ hui G’uiˬ sha ve Mvuhˇ miˬ Awˬ lawn Hto toˇ ve Kanˉ htaꞈ Hk’aˬ hk’e Gu taˍ ve le

Ngaˬ hui G’uiˬ sha ve Mvuhˇ miˬ Awˬ lawn Hto toˇ ve Kanˉ htaꞈ Hk’aˬ hk’e Gu taˍ ve le

Saˬpenˬ

Beˬlaˬruˆ

Haw Kawn

Peˬruˇ

Yeˍsuˆ maˇ suh sheˍ g’uˇ suhˍ maˇ maw htaˇ yawˇ k’oˆ ve, “Chaw ceuˬ hk’a peu-eˬ awˬ pon shaˉ hkiˆ hpehꞈ tuˬ, G’uiˬ sha ve mvuhˇ miˬ htaꞈ caˉ daꞈ ve ha lehˬ ve bon hkawˇ [“daꞈ ve awˬ lawn sha tanˇ”, MGS] chi, miˬ guiˬ hk’oˆ teˇ kaˬ le le lo ca maˍ piˇ tuˬ yoˬ. Oˇ ve hk’awꞈ nawˉ, awˬ leh meuˇ gaˬ la tuˬ yoˬ.” (Maꞈhtehˍ 24:14) Yaꞈ hk’aˇ, miˬ g’uiˬ hk’a peu-eˬ hk’oˆ hto toˇ ve kanˉ htaꞈ hk’aˬ hk’e te peuˬ tuˬ le. Yeˍsuˆ miˬ guiˬ hk’oˆ chehˇ htaˇ te jaw ve hk’a shuˍ g’a te ve yoˬ. (Luˉkaꞈ 8:1)

Chaw yaˇ htaꞈ ca mawˬ daꞈ tuˬ, yawˇ hui ve yehˬ lo hk’a gaˬ k’ai ve yoˬ. Teˇ yehˬ peuˬ teˇ yehˬ daꞈ ve awˬ lawn sha tanˇ htaꞈ hto toˇ ve kanˉ te tuˬ, Yeˍsuˆ awˬ laꞈ g’awˇ hui htaꞈ maˍ piˇ ve yoˬ. (Maꞈhtehˍ 10:11-13; Tcuh yaˇ 5:42; 20:20) Awˉ lawˉ htaˇ ve Hkriꞈ yaˇ htaꞈ hto toˇ ve kanˉ te kuiˬ pehˬ piˇ ve yoˬ. (Maꞈhtehˍ 10:5, 6; 2 Kawˇrenˍhtuˆ 10:13) Chi beuꞈ teˇ co-e htawˇ oˇ htaˇ hk’a shuˍ, ngaˬ hui hto toˇ ve kanˉ hk’a dehꞈ gu taˍ leh, Hkriꞈ yaˇ awˬ moˍ teˇ kaˬ le le htaꞈ hto toˇ ve kanˉ te kuiˬ pehˬ piˇ ve yoˬ. Chi ve lehˬ, chaw yaˇ htaꞈ “bon maˍ piˇ” leh “shaˉ hkiˆ hkanˍ” hpehꞈ tuˬ, Yeˍsuˆ tawˇ piˇ taˉ ve awˬ hk’aˇ suh ngaˬ hui g’aꞈ te ve yoˬ. (Tcuh yaˇ 10:42)

Chaw chehˇ kuiˬ teˇ kaˬ le le lo ngaˬ hui g’aˇ hteꞈ ca hto toˇ ve yoˬ. G’uiˬ po paˇ lo maˇ k’oˆ, hk’aˆ hk’aw ve nanˬ bawˍ maˇ k’oˆ, chaw yaˇ chehˇ taˍ kuiˬ teˇ kaˬ le le lo hto toˇ ve teˇ ceuˬ Yeˍsuˆ te maˍ taˉ ve yoˬ. (Maˍkuˆ 4:1; Yoˇhanˬ 4:5-15) Ngaˬ hui htawˇ kaꞈ yaꞈ k’aw hpuiˇ lo, tanˇ kaˬ naˬ hk’aiˉ kuiˬ lo, chaw guiˇ kuiˬ hko hk’aw, leh caꞈ tawˇ yaw tuˬ hpawˇ, ngaˬ hui te g’a ve hk’e teˇ kaˬ le le lo Liꞈ hpu awˬ lawn chaw htaꞈ naꞈ uˉ te daꞈ ve yoˬ. Hk’aˆ hk’aw lo, kanˉ te kuiˬ lo, liꞈ henˇ kuiˬ lo ve awˬ chawˇ awˬ paˆ leh awˬ viˉ awˬ nyi htaꞈ awˬ yanˇ keunˍ ve k’o, ngaˬ hui hto maˍ piˇ ve yoˬ. Kanˉ chi htaꞈ te ve pa taw, miˬ guiˬ hk’oˆ laiˉ lanˬ g’aˇ lehˬ ponˬ piˇ kuiˬ daꞈ ve awˬ lawn htaꞈ g’a kaˇ ve yoˬ. (Chiˇ mvuh ve 96:2)

Awˬ g’uˇ suhˍ hpawˇ ve awˬ bon htaꞈ g’a tuˬ, G’uiˬ sha ve mvuhˇ miˬ daꞈ ve awˬ lawn nawˬ a shu htaꞈ hto piˇ gaˇ ve le. Dawˇ law kuiˬ piˇ ve awˬ lawn sha tanˇ chi ve htaꞈ a ciˉ taˇ yuˬ tiˍ taˍ. Nawˬ puiˉ ve hpehꞈ ve hk’e yawˇ hui htaꞈ haˆ haˆ hto piˇ mehˍ.

  •  G’a hto toˇ ve “daꞈ ve awˬ lawn sha tanˇ” aˬ htoꞈ ma le.

  •  Yeˍsuˆ hto toˇ ve awˬ hk’aˇ htaꞈ Yaˬhoˉvaˬ ve Shaˉhkiˆhkanˍ ve chaw hk’aˬ hk’e g’aꞈ te chehˇ ve le.