Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

 Awˬ lawn 25

Aˬ htoꞈ ma pa taw Ngaˬ hui Hpawnˬ daꞈ kuiˬ yehˬ Te ve le Leh Hk’aˬ hk’e Te ve le

Aˬ htoꞈ ma pa taw Ngaˬ hui Hpawnˬ daꞈ kuiˬ yehˬ Te ve le Leh Hk’aˬ hk’e Te ve le

Boˬliˇviˇ-aˇ

Nai jeˬriˇ-aˇ,

awˬ piˍ leh awˬ suhˉ

Taˬhiˬtiˬ conˇ

Hpawnˬ daꞈ kuiˬ yehˬ lo henˇ ve teˇ ceuˬ Liꞈ hpu hk’aw awˬ hkuiˉ puiˍ maˍ ve teˇ lawn lehˬ, Yeˍsuˆ hto toˇ taˉ ve G’uiˬ sha ve mvuhˇ miˬ awˬ lawn hpehꞈ ve yoˬ. (Luˉkaꞈ 8:1)

Chaw chehˇ kuiˬ lo awˬ tehˬ ve oˉ k’oˍ pui kuiˬ awˬ ti hpehꞈ ve yoˬ. G’uiˬ sha ve mvuhˇ miˬ daꞈ ve awˬ lawn sha tanˇ hto toˇ ve awˬ pon, Shaˉhkiˆhkanˍ ve chaw Hpawnˬ daꞈ kuiˬ yehˬ lo gu taˍ ve yoˬ.[1] (Maꞈhtehˍ 24:14) Hpawnˬ daꞈ kuiˬ yehˬ chi ve uiˍ ve i ve cawˬ leh peun daꞈ ve yoˬ. Yaꞈ hk’aˇ, teˇ kaˬ le le lo hpawnˬ daꞈ kuiˬ yehˬ htaꞈ loˍ ve awˬ hk’oˆ awˬ leuˉ maˇ te, leh laiˉ kaˬ k’o hpawnˬ daꞈ kuiˬ yehˬ teˇ yehˬ hk’aw lehˬ, Hkriꞈ yaˇ awˬ moˍ nyiˇ shehˆ moˍ yehˇ ve yoˬ hehˉ. Ponˬ laˬ ve awˬ yanˇ awˬ hk’aw lo, ngaˬ hui ve Hkriꞈ yaˇ awˬ moˍ uiˍ la mvuh la ve pa taw, Hpawnˬ daꞈ kuiˬ yehˬ awˬ suhˉ laiˉ meunˍ yehˬ (teˇ nyi hk’aw aˬ laˬ hk’e ngaˇ yehˬ) te peuˬ ve yoˬ.[2] Ngaˬ hui hk’aˬ hk’e te g’a ve le. (Maꞈhtehˍ 19:26)

Hpu diˬ hk’aw hpu tanˇ yuˬ yehˇ ve awˬ hk’aw lo te ve yoˬ. Miˬ guiˬ Hk’a peu-eˬ Hk’oˆ Hpawnˬ daꞈ kuiˬ yehˬ Te ve awˬ pon, hpawnˬ daꞈ kuiˬ yehˬ teˇ kaˬ le le hk’aw hpu tanˇ keu kuiˬ cawˬ ve yoˬ. Hpu tanˇ oˇ ve awˬ tcuhˆ puiˍ lo feu piˇ ve leh, Hpawnˬ daꞈ kuiˬ yehˬ te ve maˇ heˆ leh gu te gaˇ ve Hkriꞈ yaˇ awˬ moˍ htaꞈ awˬ yawˬ maˇ yuˬ ve awˬ hk’aw lo hpu chiˇ piˇ g’a ve yoˬ.[3]

Awˬ to leh awˬ g’aˇ awˬ shaˉ tanˇ leh laˬ ve awˬ hpfuhˇ htaꞈ maˇ haꞈ yuˬ ve chaw te taˍ ve yoˬ. Laiˉ mvuhˇ miˬ hk’aw Hpawnˬ daꞈ kuiˬ yehˬ Te ve Awˬ moˍ teh taˍ ve yoˬ. Awˬ moˍ chi ve vuiˇ kuiˬ g’a k’ai ve htawˇ, mvuhˇ miˬ awˬ hk’aw lo Hpawnˬ daꞈ kuiˬ yehˬ te tuˬ, teˇ kaˬ peuˬ teˇ kaˬ jiˆ k’ai leh, oˇ kaˬ lo chehˇ ve Shaˉhkiˆhkanˍ ve chaw htaꞈ Hpawnˬ daꞈ kuiˬ yehˬ te ve awˬ hk’aw lo sheh k’ai leh maˍ piˇ ve yoˬ. Aꞈ piˇ ve awˬ ti lo Hpawnˬ daꞈ kuiˬ yehˬ te taˍ ve leh k’awꞈ gu te taˍ ve kanˉ htaꞈ nyi haꞈ shaˉ tcuh tuˬ, mvuhˇ miˬ teˇ hpaˍ hpaˍ lehˬ Hpawnˬ daꞈ kuiˬ yehˬ Te ve Kawˍmiˍtiˍ teh piˇ ve yoˬ. Hpawnˬ daꞈ kuiˬ yehˬ te ve awˬ hk’aw lo, shiˍ ve chaw mawˇ chaw kehˉ Hkriꞈ yaˇ awˬ moˍ htaꞈ teˇ hk’ehꞈ le le beˆ maˍ piˇ leh, laꞈ meuˇ cheuˬ ve chaw teˇ hpaˍ hpaˍ lehˬ, yawˇ hk’aˇ yawˇ awˬ to leh awˬ g’aˇ awˬ shaˉ tanˇ leh ga piˇ ve yoˬ. Hpawnˬ daꞈ kuiˬ yehˬ te ve teˇ kaˬ le le lo, Hkriꞈ yaˇ awˬ moˍ yaˇ a shu yawˇ awˬ to tanˇ leh, awˬ g’aˇ awˬ shaˉ yehˇ ve awˬ hk’aw lo g’a ga te ve yoˬ.[4] Yaˬhoˉvaˬ ve awˬ ha hpu leh yawˇ ve chaw g’aˇ hteꞈ coˇ caˇ ve pa taw, chi hk’a peu-eˬ htaꞈ te g’a ve yoˬ. (Chiˇ mvuh ve 127:1; Kawˇlawˇsehˇ 3:23)

  •  Aˬ htoꞈ ma pa taw ngaˬ hui oˉ k’oˍ pui kuiˬ Hpawnˬ daꞈ kuiˬ yehˬ te ve le.

  •  Miˬ guiˬ hk’a peu-eˬ hk’oˆ ngaˬ hui Hpawnˬ daꞈ kuiˬ yehˬ hk’aˬ hk’e te g’a ve le.