Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

A shu Yaˬhoˉvaˬ ve A loˍ Awˬ hk’aˇ suh Te Chehˇ ve le

 Awˬ lawn 26

Hpawnˬ daꞈ kuiˬ yehˬ htaꞈ Ngaˬ hui Hk’aˬ hk’e G’a Ga Nyi haꞈ shaˉ ve le

Hpawnˬ daꞈ kuiˬ yehˬ htaꞈ Ngaˬ hui Hk’aˬ hk’e G’a Ga Nyi haꞈ shaˉ ve le

Ehˆsa toˇniˇaˇ

Ziˬbaˬbo-e

Monˍgoˇli-aˇ

Hpaw toˇriˇgoˇ conˇ

Yaˬhoˉvaˬ ve Shaˉhkiˆhkanˍ ve chaw Hpawnˬ daꞈ kuiˬ yehˬ awˬ meh teˇ kaˬ le le lo G’uiˬsha ve daꞈ kehˬ ve awˬ meh cawˬ taˍ ve yoˬ. Chi htaꞈ pa taw, Hpawnˬ daꞈ kuiˬ yehˬ kehˬ lehˍ nyi sha tuˬ g’a ga haꞈ shaˉ ve teˇ ceuˬ awˬ bon cawˬ ve yoˬ tehꞈ shawˍ leh, ngaˬ hui ve daꞈ kehˬ ve oˉ k’oˍ pui kuiˬ kaꞈ hpehꞈ ve yoˬ. Teˇ g’aˇ le le g’a ga hpoˆ te g’a ve yoˬ.[1]

Hpawnˬ daꞈ peuˬ hk’awꞈ nawˉ daꞈ kehˬ tuˬ g’a ga hpoˆ te ve yoˬ. Hpawnˬ daꞈ peuˬ hk’awꞈ nawˉ teˇ pawˆ le le, Hpawnˬ daꞈ kuiˬ yehˬ nyi sha tuˬ awˬ viˉ awˬ nyi hawˉ hk’aˆ yaˇ miˇ ha lehˬ ha k’a daꞈ kehˬ tuˬ te ve yoˬ. Yawˇ hui daꞈ kehˬ tuˬ hk’a dehꞈ dehꞈ te ve teˇ shinˉ teˇ pawˆ cawˬ ve yoˬ. Chaw mawˇ chaw kehˉ maˇ heˆ leh, Ga piˇ shehˍ hpaˇ kanˉ chi htaꞈ g’a ga nyi ve awˬ hk’aw lo gu taˍ ve awˬ hk’aˇ suh g’aꞈ te ve yoˬ. Teˇ g’aˇ le le te g’a ve hk’e, yehˬ shiˆ ve, yehˬ htu-eˍ ve, jeꞈ meu-e chawꞈ baˬ ve, piˉ htawˆ gu ve, aˉ k’aꞈ yehˬ tsuhˇ ve, yehˬ miˉ ehˉ mehˆ g’euˆ shiˆ ve, chaꞈ chiˆ ve mawˇ yuˬ baˬ ve, maˇ heˆ leh awˬ baˬ hpawˇ kaꞈ kehˬ lehˍ te leh mvuhꞈ tawˆ baˬ ve yoˬ. Teˇ hk’awꞈ teˇ pawˆ, daꞈ kehˬ tuˬ hk’a ceˆ hk’a cuˍ te ve teˇ nyi fuiˍ teh taˍ ve yoˬ.[2] Yaˇ ehˉ htaꞈ teˇ ceuˬ ceuˬ kanˉ g’a ga te tcuh htaˇ, ngaˬ hui oˉ k’oˍ pui kuiˬ ve awˬ ti htaꞈ yawˆ yan tuˬ maˍ piˇ ve yoˬ. (Cuˇ yiˍ piˇ ve 5:1)

Hpawnˬ daꞈ kuiˬ yehˬ g’a ga gu te ve yoˬ. Teˇ hk’awꞈ le le hpawnˬ daꞈ kuiˬ yehˬ htaꞈ awˬ hk’aw hpawˇ leh awˬ baˬ hpawˇ hk’a cawˬ hk’a naˇ ve awˬ ceuˬ htaꞈ chaˬ nyi ve yoˬ.[3] Hpawnˬ daꞈ kuiˬ yehˬ htaꞈ chaˬ nyi ve teˇ ceuˬ, hk’aˬ htaˆ chi htaˆ kaꞈ hpawnˬ daꞈ kuiˬ yehˬ daꞈ daꞈ lehˍ cawˬ tuˬ nyi haꞈ shaˉ g’a ve yoˬ. (2 Raˍsaˍvanˍ 24:13; 34:10, 11) Hpawnˬ daꞈ kuiˬ yehˬ kehˬ lehˍ hk’a dehꞈ nyi haꞈ shaˉ taˍ ve lehˬ, ngaˬ hui awˬ pon G’uiˬ sha htaꞈ keunˍ ve oˉ k’oˍ pui kuiˬ awˬ ti hpehꞈ ve yoˬ. Hpawnˬ daꞈ kuiˬ yehˬ htaꞈ ngaˬ hui g’a ga nyi haꞈ shaˉ ve k’o, ngaˬ hui Yaˬhoˉvaˬ htaꞈ haꞈ leh oˉ k’oˍ pui kuiˬ awˬ ti chi awˬ hpfuhˇ hk’aˆ ve yoˬ tehꞈ hpeuꞈ maw piˇ ve yoˬ. (Chiˇ mvuh ve 122:1) Chi hk’e te ve lehˬ, chaw chehˇ kuiˬ lo daꞈ ve awˬ meh cawˬ ve yoˬ. (2 Kawˇrenˍhtuˆ 6:3)[4]

  •  Aˬ htoꞈ ma pa taw ngaˬ hui oˉ k’oˍ pui kuiˬ awˬ ti kehˬ lehˍ cawˬ tuˬ nyi haꞈ shaˉ cawˇ ve le.

  •  Hpawnˬ daꞈ kuiˬ yehˬ hk’aˬ htaˆ kaꞈ kehˬ lehˍ cawˬ tuˬ hk’aˬ hk’e gu taˍ ve le.