Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

A shu Yaˬhoˉvaˬ ve A loˍ Awˬ hk’aˇ suh Te Chehˇ ve le

 Awˬ lawn 13

G’uˇ suhˍ peuˍ ve chaw A shu le.

G’uˇ suhˍ peuˍ ve chaw A shu le.

Kaˬneˬdaˬ

Teˇ yehˬ peuˬ teˇ yehˬ hto toˇ ve

Liꞈ hpu henˇ ve

A shu yawˇ hk’aˇ yawˇ henˇ ve

“G’uˇ suhˍ peuˍ ve chaw” k’oˆ ve tcuhˉ kuiˬ lehˬ, awˬ kaˍ awˬ nu chaw g’aꞈ k’ai tuˬ awˬ ti awˬ suhˉ yaꞈ k’aw hpaw ve chaw hpehꞈ ve yoˬ. Yeˍsuˆ lehˬ g’uˇ suhˍ peuˍ ve chaw hk’a shuˍ, chaw yaˇ a shaꞈ g’a tuˬ ga piˇ ve kanˉ te leh htaiˍ hk’awꞈ piˇ ve yaꞈ k’aw hpaw tuˬ, yawˇ htaꞈ miˬ guiˬ hk’oˆ peu laˇ ve yoˬ. (Maꞈhtehˍ 20:28) Chi beuꞈ teˇ co-e htawˇ, ‘chaw ceuˬ hk’a peu-eˬ awˬ laꞈ g’awˇ hpehꞈ la tuˬ’ te g’a ve hk’e awˬ yanˇ maˇ maˇ yehˇ ve awˬ hk’aw lo, Yeˍsuˆ htaꞈ g’aꞈ yuˬ ve chaw yawˇ htaꞈ henˇ yuˬ ve yoˬ. (Maꞈhtehˍ 28:19, 20) Chaw teˇ hpaˍ hpaˍ lehˬ g’uˇ suhˍ peuˍ ve kanˉ te ve yoˬ.

G’uˇ suhˍ peuˍ ve chaw awˬ yanˇ hk’a biˇ hto toˇ ve chaw hpehꞈ ve yoˬ. Yaˬhoˉvaˬ ve Shaˉhkiˆhkanˍ ve chaw teˇ g’aˇ le le lehˬ, daꞈ ve awˬ lawn sha tanˇ hto toˇ ve chaw hpehꞈ ve yoˬ. G’uˇ suhˍ peuˍ ve chaw hto toˇ ve kanˉ te tuˬ awˬ pon teˇ ha pa leh teˇ ha pa awˬ yanˇ 70 naˍ liˍ fuiˍ teh taˍ ve yoˬ. G’uˇ suhˍ peuˍ ve chaw hpehꞈ g’a tuˬ laiˉ g’aˇ lehˬ, yawˇ a shaꞈ hu tuˬ kanˉ awˬ yanˇ hk’a biˇ maˇ te. Hto toˇ ve loˍ ve awˬ ti lo k’ai tuˬ, teˇ ha pa leh teˇ ha pa awˬ yanˇ 130 naˍ liˍ maˇ heˆ leh chi aꞈ kehˉ te g’a ve chaw teˇ hpaˍ hpaˍ htaꞈ tcuh peu ve g’uˇ suhˍ peuˍ ve chaw hpehꞈ tuˬ leuˆ yuˬ piˇ ve yoˬ. Yawˇ hui loˍ ve htaꞈ Yaˬhoˉvaˬ piˇ laˇ tuˬ tehꞈ yonˍ leh g’uˇ suhˍ peuˍ ve chaw paw sha ve chaw hk’e maˇ hpehꞈ htawˇ, a shaꞈ teꞈ kuiˬ nyi hk’aˇ suh ve yoˬ. (Maꞈhtehˍ 6:31-33; 1 Tiˆmoˉseˍ 6:6-8) G’uˇ suhˍ peuˍ ve awˬ yanˇ hk’a biˇ maˇ te g’a ve chaw teˇ hpaˍ teˇ tcuhˉ teˇ yanˇ g’uˇ suhˍ peuˍ ve chaw awˬ yanˇ 30 maˇ heˆ leh 50 naˍ liˍ hto toˇ ve kanˉ te hpehꞈ ve yoˬ.

G’uˇ suhˍ peuˍ ve chaw te g’a ve lehˬ G’uiˬ sha leh chaw yaˇ htaꞈ haꞈ ve pa taw yoˬ. Yeˍsuˆ g’a mawˬ ve hk’a shuˍ, chi beuꞈ ve chaw laiˉ g’aˇ nyi ma g’aˇ g’a kuiˬ maˇ cawˬ tehꞈ ngaˬ hui g’a mawˬ ve yoˬ. (Maˍkuˆ 6:34) Yaꞈ hk’aˇ, chi teˇ hkui ngaˬ hui yawˇ hui htaꞈ ga g’a tuˬ cuˇ yiˍ maˍ yiˍ cawˬ leh, awˬ g’uˇ suhˍ hpawˇ yeˬ ve dawˇ law kuiˬ piˇ ve yoˬ. G’uˇ suhˍ peuˍ ve chaw awˬ chawˇ awˬ paˆ htaꞈ haꞈ ve pa taw, daꞈ ve awˬ lawn shu henˇ shiˍ tuˬ yawˇ hui ve awˬ yanˇ leh, awˬ g’aˇ awˬ shaˉ hk’a dehꞈ yehˇ ve yoˬ. (Maꞈhtehˍ 22:39; 1 Hteˇsaˍlawˇniˆ 2:8) Oˇ hk’e te ve lehˬ, g’uˇ suhˍ peuˍ ve chaw yonˍ ve teˇ ceuˬ awˬ g’aˇ uiˍ la ve, G’uiˬ sha htaꞈ meuˆ daꞈ maˇ la ve, leh ha lehˬ ve teˇ ceuˬ cawˬ maˇ jaˇ ve yoˬ. (Tcuh yaˇ 20:35)

  •  G’uˇ suhˍ peuˍ ve chaw a shu le tehꞈ nawˬ k’aoˍ maˍ laˇ g’a-aw laˇ.

  •  Aˬ htoꞈ ma teˇ ceuˬ htaꞈ pa taw chaw teˇ hpaˍ hpaˍ g’uˇ suhˍ peuˍ ve chaw awˬ yanˇ hk’a biˇ te ve le.