Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

 K’a muiˬ liꞈ 111

Ngaˬ hui ha lehˬ chehˇ ve

Select an Audio Recording
Ngaˬ hui ha lehˬ chehˇ ve

(Maꞈhtehˍ 5:12)

  1. 1. Chi teˇ hkui ngaˬ hui ha lehˬ chehˇ ve,

    Ha lehˬ tuˬ uiˍ la mvuh la ve.

    Miˬ guiˬ hk’a peu-eˬ G’uiˬ sha haꞈ ve chaw

    Ngaˬ hui geh teˇ geh ha lehˬ ve.

    Nyi ma hk’aw ha lehˬ ve yeˬ jaˇ ve,

    G’uiˬ sha ve tawˇ hkawˇ pa taw yoˬ.

    Teˇ nyi le le ngaˬ hui g’aw chehˇ ve,

    Leh beˆ maˍ laˇ ve htaꞈ g’aꞈ te.

    Ha lehˬ ve chi htaꞈ hk’a dehꞈ yonˍ chehˇ,

    Aˬ miˍ shiˉ g’euꞈ toꞈ chehˇ ve hk’e.

    Ngaˬ hui tuꞈ hkanˍ ve g’a hpuˇ ve htawˇ,

    Yeunˇ hkanˍ tuˬ, Yaˬhoˉvaˬ ga laˇ.

    (K’awꞈ k’a kuiˬ)

    Ha lehˬ ve chi Yaˬhoˉvaˬ leh

    Yawˇ hpanˍ taˍ ve htaꞈ pa taw yoˬ.

    Yawˇ cuˇ yiˍ cawˬ leh uiˍ jaˇ ve kanˉ te.

    Kanˇ paˆ leh daꞈ ve hk’a biˇ cawˬ!

  2.  2. Yawˇ te ve htaꞈ mawˬ htaˇ ha lehˬ ve,

    Mvuhˇ naw ma, miˬ guiˬ, laˇ tsuhˇ g’uiˬ.

    Hpanˍ taˍ ve awˬ lawn g’a shiˍ teˇ yanˇ,

    Ngaˬ hui G’uiˬ sha htaꞈ chiˇ mvuh ve.

    Ha lehˬ ve hk’aw yawˇ mvuhˇ miˬ awˬ lawn

    Ngaˬ hui shaˉ hkiˆ hkanˍ chehˇ ve yoˬ.

    Mvuhˇ miˬ chi ve gu teh taˍ peuˬ leh

    Chaw htaꞈ awˬ bon naꞈ laˇ tuˬ yoˬ.

    Mvuhˇ nyi loꞈ e k’awꞈ tawˆ la ve hk’e,

    Co co ha lehˬ tuˬ gaˬ la chehˇ.

    Mvuhˇ naw ma, miˬ guiˬ awˬ suhˉ ka tiꞈ

    Co co ha lehˬ tuˬ te laˇ ve.

    (K’awꞈ k’a kuiˬ)

    Ha lehˬ ve chi Yaˬhoˉvaˬ leh

    Yawˇ hpanˍ taˍ ve htaꞈ pa taw yoˬ.

    Yawˇ cuˇ yiˍ cawˬ leh uiˍ jaˇ ve kanˉ te.

    Kanˇ paˆ leh daꞈ ve hk’a biˇ cawˬ!