Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

 Hkriꞈ yaˇ ve a shaꞈ teꞈ hk’aˇ

Daꞈ ve kanˉ te ve Yaˬhoˉvaˬ maˇ leunˇ

Daꞈ ve kanˉ te ve Yaˬhoˉvaˬ maˇ leunˇ

Yaˬhoˉvaˬ tawnˇ taˍ tuˬ ve kanˉ lehˬ, yawˇ ve chaw teˇ g’aˇ le le te g’a ve yoˬ. Yaˇ daꞈ ve htaꞈ te ve awˬ pa awˬ e maˇ leunˇ ve hk’e, ngaˬ hui G’uiˬ sha ve kanˉ te ve leh yawˇ ve awˬ meh htaꞈ haꞈ ve lehˬ Yaˬhoˉvaˬ maˇ leunˇ. (Maꞈ 6:20; Heˍ 6:10) Awˬ tehˬ yoˬ. Ngaˬ hui teˇ g’aˇ le le puiˉ ve hpehꞈ ve leh a shaꞈ teꞈ hk’aˇ maˇ shuˍ daꞈ. Yaꞈ hk’aˇ, ngaˬ hui te g’a ve hk’e Yaˬhoˉvaˬ ve kanˉ te ve k’o, ngaˬ hui htawˇ ha lehˬ g’a tuˬ yoˬ. (Gaˍ 6:4; Kawˇ 3:23) Ponˬ laˬ ve laiˉ hk’awꞈ, awˬ viˉ awˬ nyi hawˉ hk’aˆ yaˇ miˇ laiˉ hinˉ g’aˇ Beˍteˍlaˆ hk’aw kanˉ te ve yoˬ. Nawˬ ha lehˬ ve hk’aw Beˍteˍlaˆ lo kanˉ te la g’a-aw laˇ? Nawˬ te maˇ g’a ve k’o te g’a ve chaw htaꞈ nawˬ awˬ g’aˇ piˇ g’a-aw laˇ? Beˍteˍlaˆ hk’aw kanˉ te chehˇ ve chaw htaꞈ k’awꞈ caˉ leh te k’ai g’a tuˬ nawˬ awˬ g’aˇ piˇ g’a-aw laˇ?

Beˍteˍlaˆ hk’aw kanˉ te g’a tuˬ nawˬ awˬ to htaꞈ gu hehnˇ taˍ sheˍ VDO nyi leh na hkawˇ chi teˇ hpaˍ htaꞈ hk’awꞈ laˇ sheˍ:

  • Beˍteˍlaˆ hk’aw kanˉ te gaˇ k’o nawˬ dawˇ hk’aˇ hk’aˬ hk’e g’a cawˬ cawˇ ve le?

  • Beˍtaˍlaˆ hk’aw kanˉ te ve chaw awˬ bon g’a ve htaꞈ yawˇ hui hk’aˬ hk’e k’oˆ ve le?

  • Beˍteˍlaˆ hk’aw kanˉ te g’a tuˬ aˬ htoꞈ ma loˍ ve le?

  • Beˍteˍlaˆ hk’aw kanˉ te gaˇ ve k’o nawˬ hk’aˬ hk’e g’a te ve le?