Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

 Hkriꞈ yaˇ ve a shaꞈ teꞈ hk’aˇ

Yaˬhoˉvaˬ hk’aˬ hk’e dawˇ ve le?

Yaˬhoˉvaˬ hk’aˬ hk’e dawˇ ve le?

I ve leh uiˍ ve maˇ k’oˆ, ngaˬ hui maˇ g’a dawˇ cheˆ sheˍ htaˇ, a shu yawˇ awˬ to na nyi cawˇ ve yoˬ. ‘Yaˬhoˉvaˬ hk’aˬ hk’e dawˇ ve le?’ Yaˬhoˉvaˬ ve dawˇ hk’aˇ hk’a peu-eˬ ngaˬ hui shiˍ maˇ g’a ve htawˇ, yawˇ hk’aˬ hk’e dawˇ ve Liꞈ hpu hk’aw ngaˬ hui htaꞈ maˍ laˇ ve yoˬ. Chi lehˬ ngaˬ hui “daꞈ ve kanˉ teˇ ceuˬ le le” awˬ pon te g’a tuˬ gu laˇ ve yoˬ. (2 Tiˆ 3:16, 17; Roˉ 11:33, 34) Yeˍsuˆ Yaˬhoˉvaˬ ve a loˍ hk’a dehꞈ shiˍ ve yoˬ. Awˬ lawn chi yawˇ ve a shaꞈ hk’aw awˉ lawˉ teh ve yoˬ. (Yoˇ 4:34) Ngaˬ hui Yeˍsuˆ htaꞈ henˇ yuˬ g’a ve yoˬ. Dawˇ cheˆ htaˇ Yaˬhoˉvaˬ nyi hk’aˇ suh tuˬ te piˇ sheˍ.—Yoˇ 8:28, 29; Efs 5:15-17

Yaˬhoˉvaˬ ve a loˍ shiˍ g’a tuˬ coˇ caˇ sheˍ (Oˉ 19:18) VDO nyi leh na hkawˇ chi teˇ hpaˍ htaꞈ hk’awꞈ laˇ sheˍ:

  • Aˬ htoꞈ ma pa taw ngaˬ hui Liꞈ hpu hk’aw ve awˬ liˇ awˬ hk’aˇ htaꞈ g’a g’aꞈ te ve le?

  • Liꞈ hkawˇ na tuˬ leuˆ htaˇ ngaˬ hui Liꞈ hpu hk’aw ve awˬ liˇ awˬ hk’aˇ hk’aˬ teˇ tawn dawˇ nawˇ cawˇ ve le?

  • Veuꞈ k’aˇ leuˆ htaˇ ngaˬ hui Liꞈ hpu hk’aw ve awˬ liˇ awˬ hk’aˇ hk’aˬ teˇ tawn dawˇ nawˇ cawˇ ve le?

  • Ngaˬ hui ve a shaꞈ hk’aw Liꞈ hpu hk’aw ve awˬ liˇ awˬ hk’aˇ htaꞈ dawˇ nawˇ tuˬ aˬ htoꞈ ma cawˬ sheˍ le?

  • Ngaˬ hui Yaˬhoˉvaˬ ve a loˍ htaꞈ shiˍ maˇ la tuˬ hk’aˬ hk’e te g’a ve le?

Ngaˬ dawˇ cheˆ htaˇ ngaˬ Yaˬhoˉvaˬ geh meuˇ daꞈ ve tehꞈ hpeuꞈ maw laˇ-aw laˇ?