Mi mu e'yo alenia ria

Mi mu e'yo were were 'diyi ma alea

'Ba Yehova ma E'yo Eti Nzepi 'Diyi

Lugbara

A’di ni Wudrikuru ’di ma Driceni Ya?

A’di ni Wudrikuru ’di ma Driceni Ya?

Mini egarisi eri . . .

  • Mungu i ya?

  • ’ba ada yi ya?

  • kani agu azi nduni?

 BIBLIA ’YO ’DINI

“Wudrikuru dria ovu ’ba onziri ma palaa.”1 Yohana 5:19.

“Mvi Munguni e’da ndra i e’yo ’disi, eri ma ja ’yeta ’ba asu supirini ma dri ra.”1 Yohana 3:8.

IFINI KINI

Diri asisile ocoko ni gazu nyakua tre ri.E’yo Eceza 12:12.

’Diri amani asisile wudrikuru ’di ni ngazu i ojazururi ece.1 Yohana 2:17.

AMA A’IKI E’YO BIBLIA NI NZE ’DIYI E’YO ADARU RA YA?

Ee, ama ecoki ra asisile na ’diyi si:

  • Driceza Sitani niri ’ye i de de. Ace were Yehova ni opi nyaza Sitani ni ’ba ada ma driari de. So oyo ’dini “eri ma ja  . . . ’Ba Asu Supiri ma dri” azini eri nga ocoko Sitani ni iji ’diyi de teketeke.’Ba Ebraniani 2:14, New World Translation.

  • Mungu pe Yesu Kristo ni wudrikuru ma dri cezu. Esele coza Yesu pi ma eselea agu curu’dosi wudrikuru ma dri cepi adraru azini anyagmboloruri be ri angiri. Opi nyaza Yesuniri ma dria, Mungu so oyo ’dini: “Eri ma asi ni nga ndri ’ba alioru ’diyi pi vu ’ba afa koko ’diyi be . . . Eri nga yi pa idriru inzata okporuri ma aleasi.”Zaburi 72:13, 14.

  • Mungu li inzo ku. Biblia ’yo ’dini: “Mungu econi inzo li ku.” (’Ba Ebraniani 6:18, NW) Yehova ka oyo so afa azi ’yezu, si trotro ’ye afa ’da ’bo rile! (Isaya 55:10, 11) “Curu’do yi nga ambo nyaku ’dori ma dri cepiri ’be amve.”Yohana 12:31.

  • MINI EGARISI

    Wudrikuru ’di ni nga ovu ngoni ’ba ka nga eri ma dricere ma dri ja ’bo ria?

    Biblia omvi zita ’di ZABURI 37:10, 11 azini E’YO ECEZA 21:3, 4 ma alea.