Mi mu e'yo alenia ria

Mi mu e'yo were were 'diyi ma alea

'Ba Yehova ma E'yo Eti Nzepi 'Diyi

Lugbara

’Ba Odrapi ’bo ’Diyi Nga Enga Idriru Dika ra Ya?

’Ba Odrapi ’bo ’Diyi Nga Enga Idriru Dika ra Ya?

Mini ega risi eyi . . .

  • enga ra ya?

  • engaki ku ya?

  • kani mi ega ngoni?

 BIBLIA ’YO ’DINI

“Ba kililiru ’diyi azini ’ba kililiru ku ’diyi iri tro yi nga enga ra.”’Yeta 24:15.

IFINI KINI

Eri amani asi omiza fe ama ’ba ka dra ria.2 ’Ba Korintoa ’Diyi 1:3, 4.

Le ama ma ovu drasi urusi ku.’Ba Ebraniani 2:15.

Ama nga dri fu ’ba amani odrapi ’bo ’diyi pie dika ra.Yohana 5:28, 29.

AMA A’IKI E’YO BIBLIA NI NZE ’DIYI E’YO ADARU RA YA?

Ee, asisile na ’diyi si:

  • Mungu ni O’bapi idri niri. Biblia omve Yehova Mungu ni “yi a’di idriniri.” (Zaburi 36:9; ’Yeta 17:24, 25) ’Dini Agu idri fepi afa driani niri eco idri fe ’ba odrapi ’bo ’diyi ni dika ra.

  • Mungu enga ndra ’ba draza yi ewu oko ’da ma alea ra. ’Ba odrapi ra ndundu aro vini engapi idriru dika—anzi nyiri, ’ba ’wara, agupi, azini oku yi—ma e’yo ’ba si Biblia ma alea ra. ’Ba ’diyi ma azi ovuki ndra drazaru sawa were si, te yi ma azi aluni o’a ndra nyadria o’du su!Yohana 11:39-44.

  • Mungu ni vini avasi ’ba yi engazu idriru dika. Yehova ngu dra onzi; omve eri ari’bo ni. (1 ’Ba Korintoa ’Diyi 15:26, NW) Ari’bo ’diri ndezu ’ba odrapi ’bo ’diyi engazu risi ri ma “avani” eri va tu. Eri avasi lezu ’ba nde ’diyi nezu o’azu nyakua ’dia idriru dika.Yobu 14:14, 15.

MINI EGARISI

Ama de azini dra a’du ma e’yo si ya?

Biblia omvi zita ’di E’DOZA 3:17-19 azini ’BA RUMIA ’DIYI 5:12 ma alea.

E'YO ONIZA ANGIRI

E’YO BARU ENGAZU MUNGU VU!

Asi ’Baza ’Ba Odrapi ’Bo ’Diyi Pini ri Ngoni Ya?

Ama ka dra a’duni i ’ye ama be ni? Ama eco nga ’ba amani lele tu odrapi ’bo ’diyi ne dika ra ya?