Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Mi Imba Anzi Mini ’Diyi

 IMBATA 10

Yesu Eri Ndra E’yo Sawa Dria si

Yesu Eri Ndra E’yo Sawa Dria si

Eri sawa driasi ewa kokoru e’yo erizu mi tipika ma tia ya?— Sawa azini si eri ewaru. Mi ni Yesu eri ndra e’yo Yehova ma tia azini eri ma tipika ma tia sawa driasi ri ra ya?— Eceta erini ri eco mi aza ko mi tipika ma ti erizu ra ka tro ovu ewaru ti. Ama ma oniki nga e’yo angiri drinia.

De nga Yesu emuni ndra nyakua ’dia ku, eri ndra o’a ima ati Yehova be ’bua. Te Yesu ovu ndra vini tipika be nyakua ’dia indi. Ati ma ru ndra Yusufu i dika andri ma ru ndra Mariamu i. Mi ni emuki eca eri ma tipika ru ngoni ru’ari ra ya?—

Yehova nga Yesu ma idri i’du ’bua risi dika ’ba Mariamu ma alea erini ecozu eri osizu o’azu nyakua beni. ’Diri ndra tali ni! Yesu nga zo Mariamu ma alea ekile anzi azi ’diyi ni zozu eyi ma andri ma alea rile. Imba oromi ma vutia, ’ba nga Yesu ni osi ra. ’Diri bani geri Mariamu pini emuzu ecazu Yusufu be Yesu ma tipika ru nyakua ri.

Yesu ma elini cazu 12 ’bo ria, nga e’yo azi e’dapi kini le ndra ima Ati, Yehova ni tu ri ’ye. ’Di ’ye i sawa ndra Yesu pini muzu eri ma tipika pie Yerusalemua Omu agazu ’ba drile siri ma alea ria. Eyini dri dazu akua ria, Yusufu pi Mariamu be ndaki Yesu ni ti. Mi ni eri ndra ngoa ya ri ra ya?—

Yesu ni ndra hekalua a’du ’ye?

Coti Yusufu pi Mariamu be ngaki dri da vule Yerusalemua Yesu ni ndazu pari dria ma alea. O’aki orata si tu, a’dusikuni awikini eri isu ku. Te o’du na ma vutia, ngaki di eri isu hekalua! Mi ni asisile Yesu ni ndra ovuzu ’daa ri ra ya?— Eri ndra ’daa e’yo oni ata erini, Yehova ma dria. Le ndra Yehova ni saaru ani le ndra e’yo oni geri ayiko fezu Yehovani ’diyi ma dria. Sawa driasi, Yesu eri ndra e’yo Yehova ma tia ra tro sawa azini ’diyi si erini ovuzu ewaru ti. Yesu eri ndra vini e’yo Yusufu pi ma tia Mariamu be ra ya?— Ee, Biblia lu amani eri ndra ra.

E’yo mini eco oni Yesu vu ri ngoni?— Le mi ma eri e’yo mi tipika ma tia ka tro ovu sawa azinisi ewaru ra ti. Mi nga ’ye ’dini ra ya?—

MI LA MI BIBLIA MA ALEA

  • Luka 1:30-35; 2:45-52

  • ’Ba Efesoa ’Diyi 6:1

  • ’Ba Ebraniani 5:8