Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Mi Imba Anzi Mini ’Diyi

 IMBATA 12

Paulo Amvi Vu Mva ri Ndra Uri Koko

Paulo Amvi Vu Mva ri Ndra Uri Koko

Ama ma oniki nga e’yo karile azi ima adroyi ma idri epapi ri ma dria. Karile ’di ma adroyi ma ru ndra Paulo i. Anikini karile ’di ma ru ku, te aniki ra kini ’ye ndra e’yo azi e’dapi eri ma uri yo ni ra. Mi le ’ye ndra a’du afa ni’ari ni ra ya?—

Paulo ni ndra deresi arujoa Yerusalemua. ’Ba bi ndra eri erini e’yo oluzu Yehova ma dria risi. Asikari ma ambo nga otuta ’ba Paulo ni jizu akuambo azi ndu omvele Kaisaria ru ria. ’Ba asi onzi ’diyi nga yi otu lezu Paulo ni ’dizu geria te. Otuki yi azini oziki yi geri muzu Kaisaria ri ma alea. Ani Paulo ni ’yezu muzu alizu geri ’disi ria, leki ndra di eri ’di te!

Paulo amvi vu mvari lu Paulo pini asikari ma ambo be e’yo onzi ’bani otu ri

O’du ni acezu alu Paulo ni jizu Kaisaria ria, Paulo amvi vule mvari nga e’yo eri otuta ’di ma dria. ’Di ka ta ovu mi i, mi ta nga a’du afa ’ye ya? Mu arujoa ’dale dika lu e’yo nde Paulo ni. Coti coti, Paulo ’yo erini ma mu e’yo onzi ’ba ’dayi pini otu ’diri lu asikari ma ambo ni. Mini egarisi eri ndra ewakokoru Paulo amvi vule mvari ni e’yo ’dara luzu asikari ma ambo ni ya?— Yo, a’dusikuni asikari ma ambo ’da ndra ’ba azi uru tu ni. Te Paulo amvi vu mva ri ’ye ndra uri si ku dika nze e’yo asikari ma ambo be ra.

Asikari ma ambo ni ndra di i nga a’du afa ’ye ya ri ra. E’du asikari 500 Paulo ma ageyi tezu! ’Yo eyini ma jiki Paulo ni kpere Kaisaria ini ’da si. Paulo ca di ndra kililiru ra ya?— Ee, ’ba onzi ’da awikini ndra eri ’ye onzi ku! E’yo eyini otu onzi ’da awi azi nga ku azini Paulo awi di idriru.

Imbata mini eco oni e’yo ’di ma alea ri ngoni?— Mi eco vini o’a uri kokoru Paulo amvi vu mva ri dri rile ra. Le ama o’aki uri kokoru akaki e’yo nze ’ba azi ’diyi ni Yehova ma dria ria. Mi nga o’a uri kokoru dika mi nga e’yo nze Yehova ma dria uri kokoru ra ya?— Mi ka ’ye ra, mi nga ’ba azi ma idri pa ra.