Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Mi Imba Anzi Mini ’Diyi

 IMBATA 1

E’yo Zizaru Amani O’azu Ayikosi Nizu ri

E’yo Zizaru Amani O’azu Ayikosi Nizu ri

Oku drio ’ba azi lu mini e’yo zizaruni ’bo ya?— * Biblia nze amani e’yo onyiru omvele “e’yo zizaru” ri ma dria. Eri onyiru a’dusiku enga Mungu vu. Dika eri vini e’yo zizaru ni a’dusiku ’ba nikini e’yo drinia ku. Malaika leki ndra vini e’yo oni angiri e’yo ’di ma dria. Mi le e’yo oni e’yo zizaru ’di ma dria ra ya?—

Mini egarisi malaika leki ndra e’yo oni angiri a’du ma dria ya?

Ndra drio okokele risi, Mungu o’ba agupi azini oku okori. Eyi ma ru ndra Adamu i azini Eva i. Mungu fe ndra eyini aku onyiru amvu Edeni ma alea. Adamu kaki ndra Mungu ma ti eri Eva be ra, tualu anzi eyini pie yi ndra nga wudrikuru dria oja paradisi ru amvu Edeni le. Dika ecoki ndra nga o’a paradisia ’dani ’dani. Te mi ni Adamu pi Eva be ’yeki ndra a’du afa ni’ari ra ya?—

Adamu pi Eva be gaki ndra Mungu ma ti si, ’dari bani asisile amani sawa ’disi ovuzu paradisia ku ri. Te Mungu ’yo kini i nga wudrikuru dria oja onyiru, ’ba dria ni ngazu o’azu alenia ayikosi ’dani ’dani. Eri nga ’ye ’dini ngoni ngoni ya? Sawa izu, ’ba niki ndra eri nga ’ye ngoni ngoni’ari ku. Eri ndra e’yo zizaru ni.

Yesu ni ndra emuzu nyakua ’dia ria, fe ndra imbata angiri ’ba yini e’yo zizaru ’di ma dria. ’Yo ndra kini eri e’yo Suru Munguniri ma dria. Yesu ’yo ndra ’ba yini ma ziki Mungu Suru ’da ni emuzu. Eri nga wudrikuru ’diri oja paradisi onyiruri ru.

E’yo zizaru ’diri nizu ’bo risi mi o’a ayikosi ra ya?— Le mi ma ni ra kini ’ba lu Yehova ma ti eripi ’diyi nga o’a paradisia ni a’dule. Biblia nze amani e’yo agupi azini oku kakau ndra Yehova ma ti eripi ’diyi ma dria ra. Mi le e’yo oni eyi ma dria ra ya?— Ama neki nga ’ba ’diyi ma azi ki dika ama ecoki ovu eyi le ngoni ngoni’ari.

MI LA MI BIBLIA MA ALEA

  • Marako 4:11

  • 1 Petero 1:12

  • E’doza 1:26-28; 2:8, 9; 3:6, 23

  • Matayo 6:9, 10

  • Zaburi 37:11, 29

^ par. 3 A’diko ’diyi pi ma alea dria, mi nga isu ’ba si afa azini ’dile (—) zita azini pi ma vutia. ’Di di sawa kililiru mini fezu mi mvani e’yo omvizu ri.