Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 14

Sukulu Otule Payonia Yi ni ’Diyi Ngo Yi Ya?i

Sukulu Otule Payonia Yi ni ’Diyi Ngo Yi Ya?i

United States

Sukulu Gileadi niri, Patterson, New York

Panama

E’dozu drio geri ’bani ’Ba Yehova ma E’yo Eti Nzepi ’Diyi nizu ri onita engapi Mungu vu ri. ’Ba yi owi’ba e’yo oluzu sawa driasi ’diyi mu sukulu azini ndu ’dinile ’diyi ma alea yini ecozu ‘azi fele yi dri ri ’yezu dria.’2 Timoteo 4:5.

Sukulu Azi Payonia ni Ngazu ri. ’Ba azini ka azi nga payonia ru cazu eli alu ’bo, ’ba eri omve emuzu sukulu o’du ’dupi azia ’bani eco otu Jo Karini erivu ogogo ni ma alea. ’Ba otu eri payonia ’di ma aza kozu i esizu ogogo Yehova vu, ecozu e’yo oluzu kilili tu geri driasi, azini muzu drile azi erini e’yo oluzuri ngazu asi driasi.

Sukulu otule ’Ba E’yo Bari Suruni Olupi ’Diyi Ni Ri. ’Ba otu Sukulu mba ’dupi iri ’di payonia azi ngapi kilili ecopi pari yini oazu ri kupi muzu e’yo oluzu pari ’bani yi lezu ri ma alea ra ’diyi imbazu. Yini agu ndra E’yo ’Bari Olupi tu Yesu Kristo ma vuti obizu risi, yi ’yo “Ma ’do! Mi pe ma ti’i fo!” (Isaya 6:8; Yohana 7:29) Aku mini kuzu muzu re ri eco le mima ’ba geri mini oazu ri ewakokoru. Geri e’yo ’yezuri, pari ma e’data, azini nyaka econi sawa azinisi i eji mini ibizu oazu ria ri be ku. Eco vini sawa azinisi ovu orodriru mini ti o’di onizu. Sukulu ’di ni adripi azini amvipi, eli be 23 asizu 65, nga yi jepi ku ’diyi ma aza ko ’ba yi jepi ’bo ’diyi be adriza orindisi ’diyi sizu ondua be azi ’bani fele yi dri ri ngazu azini Yehova ni ecozu yi ayuzu kilili amuti erini ri be.

Sukulu Watchtower ni Gileadi a Ri. Ebrania ti si, Gileadi ma efi “Afa trale E’yo Eti Nzepi ri.” E’dozu ’bani ndra Gileadi ni e’dozu eli 1943 si, ’ba ofu ’ba 8,000 ma drilea ’diyi engazu sukulu ’di ma alea yi ma ti pezu e’yo eti nzezu “wudrikuru ma kalatini asiria” azini yi nga azi onyiru tu. (’Yeta 13:47) ’Ba ndra ofule engazu sukulu ’di ma alea ’diyi ni ecazu Peru a oko risi, ongulumu amani ’diyi ndra suru nde ma alea yo. Sawa ’disi ongulumu amani suru ’di ma alea ’diyi aga 1,000 ra. Misonari oko ’diyi ni ndra e’dozu azi ngazu Japan a risi, ’Ba E’yo Eti Nzepi ’Diyi ma kalafe ca ndra mudri ku. Sawa ’disi yi ma kalafe aga 200,000 ra. Onita Gileadi ni mba ’dupi towi ’di ma alea ’ba e’yo Biblia ma alea ri oni tu. ’Ba azi ngapi special payonia ru kaniku e’yo olupi misonari ru ’diyi, ’ba azi ngapi aku ambo amani suru alu alu ma alea ’diyi kaniku mbaza sakiti andripi ’diyi ’ba yi omve emuzu sukulu imbata fepi tu ’di ma alea ecozu fezu azi wudrikurussi ’di ni oazu kiri kiri azini okporu.

  • Asisile ’bani Sukulu Azi Payoniani Ngazuri otuzuri ngoni?

  • ’Ba otu Sukulu ’Ba E’yo Bari Suruni Olupi ’Diyini Ri a’dipi yi ni ya?