Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 24

Ama Silingi Isu Azi Amani Wudrikurusi ’Di Ngazu Ngoa Ya?

Ama Silingi Isu Azi Amani Wudrikurusi ’Di Ngazu Ngoa Ya?

Nepal

Togo

Britain

Amuti amani ’diri Biblia azini buku azi ’diyi ki gba kalafe milioni milioni eli driasi dika ama eri awa ’dani aje koko. Ama Jo Karini (Kingdom Hall) ki si azini ta ni mba ofisi amani suru ndu ndu ma alea ’diyi pie. Ama ’ba kakau aku Beteli niasi, aku misonari ni pie ’diyi ma ta mba azini ama azakoma fe sawa e’yo ewaru ni ma alea. Ada ada e’yo ’di eco fe mini e’yo ega, ‘Sende azi ’di ki ngazu woro ri enga ngoa?’

Ama olikini sende ’ba pi ma dria ku. Azi amani e’yo baru ’di oluzuri ni tro aje nyazu angiri ti, ama olikini sende ’ba eyi ma dria ku. Eli turu alu dri pie drio ’dale, gazeti amani Watchtower ru ri ’yo ndra kini aniki ra Yehova ni ama ati azi ’di ma alea ni dika “angakini sende obe kaniku oli ’ba azi ma dria ku”—’dini e’dozu drio a’yekini nga ’dile aluni ku!Matayo 10:8.

Azi amani ’diyi dria ’ba ati feta feza ceni risi. ’Ba kakau ni o’azu ayikosi azi amani nga ’di ma e’yo siri si, eyi feta fe azi nde ’diri atizu. ’Ba Yehova ma E’yo Eti Nzepi ’Diyi ma ngulupi ovuki ayikosi sawa eyini fezu okpo eyini be, sende pie azini afa ndundu ’diyi pie dria e’yo Munguni lele nyaku dria riki ’yezu. (1 Suru ma E’yo 29:9) ’Ba dria lepi feta feza ceni ri fepi ’diyi ecoki eri ’ba sanduku feta fezu Jo Karini (Kingdom Hall) azini okuza o’du ’dupi alu ri pi o’du ’dupi na ri be ’diyi ma alea ria. Kaniku, mi eco feta fe webusaiti amani jw.org ma alea si. ’Ba feta ’di fepi ’diyi ma ndepini eyi ’ba afa pie dria were ekile oku awizio ru afa kokoru ndra Yesu ni e’yo nzezu drinia kililiru ’dile ’diyi. (Luka 21:1-4) ’Dini ’ba ci ri eco afa azi “ba kalaa ekile ini drileba isule rile” fezaru ra.1 ’Ba Korintoa ’Diyi 16:2; 2 ’Ba Korintoa ’Diyi 9:7.

A’baki asi amani Yehova ma dria a’dusikuni aniki ra eri nga fe ’ba asi ada be lepi ‘eri inzipi afa eyini si’ ’diyi ni azi Suru ni ’diri atizu fezu e’yo erini leleri ni i ’yezu beni.E’yo O’beza 3:9.

  • Afa fepi amuti amani rini esele cozu dini azi ’diyi be ndu ri a’du afa ni ya?

  • ’Ba feta ’bani fe ceni ’diri ayu a’du ’yezu ya?

E'YO ONIZA ANGIRI

AFA GBAZA YI

Gazeti Amani ’Diyi

Mi inze gazeti Watchtower azini Awake! ru ’diyi.