Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 7

Okuta Amani ’Diyi Ngole Ya?

Okuta Amani ’Diyi Ngole Ya?

New Zealand

Japan

Uganda

Lithuania

Okuta ndra Kristiani oko ’diyi niri ma alea, eyi ndra ongo ngo, Mungu zi, E’yo Siza la azini ifini ece te omvikini ndra lu e’yo alu ri dika dika i ku. (1 ’Ba Korintoa ’Diyi 14:26) Mi nga e’yo alu ’dile ri isu okuta amani okuzuru tualu ri ma alea.

Imbata ni engaki woro Biblia ma alea azini eyi orodriru. Sabatu driasi, ongulumu alu alu amani ’diyi okuru tualu e’yo nzeza Biblia ma alea dakika ’dupi 30 ri erizu. E’yo nzeza ’di ma alea, ’ba E’yo Siza nzeki e’yo idri azini ewu amani o’azu ’di ma dria ngonia’ri ma ifi ece. ’Ba ama oru woro e’yo nde ’diyi onezu Biblia ama ngulupi niri ma alea. E’yo nzeza ’di ma vutia ri Imbata “Watchtower” ma alea sawa ’dupi alu ri. Imbata ’diri engazu Watchtower ’bani e’yo onizu alenia ri ma alea dika ’ba ci ongulumu ma alea lepi ra ’diyi vini e’yo omvi indi. E’yo oniza tualu ’di ni ama aza ko imbata Biblia ma alea ’diyi ki ’bazu idri amani ma alea ’yeta si. E’yo alu ’diri ’ba oni ongulumu wudrikuru drisi ndu ndu 110,000 ma drilia ’diyi ma alea.

Ama azakoma isu ondua ’ba ki imbazu ri onizu. Ama vini ama oku o’du azi nduni ma ondresi e’yo ’bani otu esele na si e’yo dri be Idri Azini E’yo Oluza Amani Kristiani Ruri, onizu. ’Ba e’yo amani oni alenia ri otu mba alu alu si Idri azini Eyo Oluza ma Buku Okuta Niri ma alea. Okuta ’di ma esele oko omvele, Lonyi Buku Munguni ma Alea ’Diyi, rini ama aza ko Biblia ma esele ongulumu ni la drioru ri vazu kililiru. ’Di ma vutia, esele Mima ’Ba Asi E’yo Oluza ma Dria (Mima ’Ba Mi Asi E’yo Oluzu) ri ma alea, ama geri ecozu Biblia onizu ’ba azi ’diyi pie ri ma eceta ne. Agu imbata fepi rini amani afa ecopi ama aza kopi buku lazu azini e’yo nzezu kililiru ’diyi e’da. (1 Timoteo 4:13) Esele asizu, Idri O’azu Kristiani Ruri ma alea, ama geri amani ecozu imbata Biblia ma alea ’diyi ayuzu idri amani ma alea o’du driasi ri oni. Alenia indi ri zita ’bani ozi, ’ba ongulumu ma alea ’diyi ni omvi ni, fepi ama e’yo Biblia ma alea ri va kililiru ri i.

Mi ka nga emu okuta amani ama okuzu ri ma alea, ecekokoru mi nga o’a ayikosi tu geri mini imbata Biblia ma alea ri isuzu risi.Isaya 54:13.

  • Mini egarisi e’yo mini nga eri okuta ’Ba Yehova ma E’yo Eti Nzepi ’Diyi niri ma alea ri ngoki ya?

  • Okuta amani sabatu alu alu si ’diyi ma alea mini lezu emuzu ra ri ngo’i ya?

E'YO ONIZA ANGIRI

OKUTA YI

A’du Ni I ’Ye Jo Karini Ri ma Alea Ni?

Mi o’bi nga e’yo i ’yepi alenia ’diyi ne mi ngulupi si.