Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 4

Asisile Amani Biblia New World Translation Ru ri Ofuzu Ri A’duni?

Asisile Amani Biblia New World Translation Ru ri Ofuzu Ri A’duni?

Congo (Kinshasa)

Rwanda

Buku Symmachus ni ’bani si eli turu nazuri ma alea kaniku suzuri ma alea ru Yehova i ri ni ovuzu Zaburi 69:31, ma alea ci ri.

Eli alipi kakau ’diyi ma alea, ’Ba Yehova ma E’yo Eti Nzepi ’Diyi ebiki Biblia esele ndundu ayu, gba, azini awa. Te Mungu ni lezu ’ba dria ma ni “e’yo adaru” ri ra risi, angaki di e’yo ega Biblia ecopi ’ba dria ma aza kopi ra ri ofuzu. (1 Timoteo 2:3, 4) ’Dini, eli 1950 si, ama e’doki di Biblia o’di New World Translation ru ri ofu. ’Ba ofudi eri ti 130 ma drileasi kililiru azini asi adasi.

Ba le ndra di Biblia ’bani eco vaa ewa koko ri ra. Ti nzeza ni ojazuru ewu vusi ri ma e’yo si, Biblia ’bani oja ti ndundu si ’diyi ma azi ki vazuri ewaru tu. Vini indi, ’ba isu Biblia ndra ’bani si dri si oko kilili ru ri ra, ani fe di ’bani Biblia ti Ebrania ni, Aramaiki ni, azini Giriki nisi ri vazu kililiru.

’Ba le ndra di Biblia ’bani oja asi ada si Mungu ni lele rile ri ra. E’yo Mungu ni ima ava vuzu drinia ’bo ri ma ifi ojazu ndu ri ma paria, le ’ba Biblia ojapi ti ndundu si ’diyi ma soki pa kirikiri e’yo ndra ’bani si oko ’diyi ojazu i a’dule. Te, Biblia kakau ma alea, ru Mungu ni Yehova i ri ’ba kakau ayuki ni E’yo Siza Alatararu ri ma alea ku.

Ba le ndra Biblia ruta fepi ima Ipi ni ra ri. (2 Samueli 23:2) Ekile mini ne New World Translation ma alea ri le, Yehova ma ru e’da ogogo pale 7,000 ’dipi tro tro ndra Biblia ’bani si dri si oko ’da ma alea ri le. (Zaburi 83:18) ’Bani eli ’duzu kakau e’yo eti ondazu risi, Biblia ’di ma laza eri onyiru erini Mungu ma egata e’dazu nditiri risi. Biblia New World Translation ru ’di ka ovu ti mivuri si ci kaniku yo ra ti, le mi ma la E’yo Yehovani ri o’du driasi ecekokoru.Yosua 1:8; Zaburi 1:2, 3.

  • Asisile amani ndra lezu Biblia ojazu o’diru ri ngoni ya?

  • Afa onyiru le ama ma ’yeki o’du driasi ra akaki le e’yo oni Mungu ma dria ra ri a’du afa ni ya?

E'YO ONIZA ANGIRI

E’yo Ada Biblia ni Imba ri Ngoni?

Biblia—Buku Engapi Mungu Vuri