Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 17

Mbaza Sakiti Adnripi ’Diyi Ama Aza Ko Ngoniru?

Mbaza Sakiti Adnripi ’Diyi Ama Aza Ko Ngoniru?

Malawi

’Ba e’yo olupi ’diyi

Azi e’yo oluzuri

Okuta mbaza niri

E’yo Siza ’bani sile Kristiani eyini ti Giriki ni siri ma alea ’ba nze e’yo Baranaba pi ma dria Paulo be pale kakau. Eyi ndra ’ba acipi ongulumu Kristiani ni ndu ndu ’diyi ma aleasi azi andripi ’diyi. Asisile eyini acizu ri ngoni? Eyi ndra e’yo ega o’ata adripi eyini Kristiani ru ’diyi ma dria tu. Paulo ’yo kini i le “mvi adripi yi andrizu” kani yi ngoni’ari nezu. Aci ndra mailo turu turu muzu eyini okpo fezu. (’Yeta 15:36) ’Dari bani vini asisile alu ’ba azi ongulumuni andripi andrusi ’diyi ni acizu ri.

Eyi emu amani okpo fezu. Mbaza sakiti andripi alu alu ni aci sabatu alu alusi ongulumu Kristiani ni ndu ndu ogogo 20 ma alea pale iri iri eli driasi. Ama ecoki orodri isu e’yo adripi ’diyi pini muzu oku eyini pie aleniasi ’diyi ma alea angiri. Adripi ’diyi ki oku eyini pie o’a anzi nyiri pie azini ’ba ’wara pie dria geri alu si. Eyi o’a avasi azi e’yo oluzu azini Biblia imbazu ’ba azi ’diyi pini ri ngazu ama pie. ’Ba azi andripi ’diyi tualu mbaza pie eyi ’ba ebipi e’yo olupi azini acipi okuta ma alea avasi ku ’diyi andri, azini eyi e’yo orodriru ’diyi olu okuta amani were were azini ambo ambo diyi ma alea ecozu amani okpo fezu.’Yeta 15:35.

Eyi leta e’da ’ba dria ni. Mbaza Sakiti andripi ’diyi ava ’ba angiri ongulumu Kristiani ni ’diyi ma ava e’yo orindi si ’diyi ma dria ri ngopi’ari nizu. Eyi dri fu mbaza azini ’ba azi aza kopi ’diyi pie eyi ma zota orindi siri nezu azini eyi ma aza kozu azi eyi ma dria ri ngazu kilili ru. Eyi payonia pi ma aza ko ifi kaza e’yo oluzuri isuzu azini eyi o’a ayiko si ’ba efipi o’di ’diyi onizu azini e’yo onizu eyima zota orindi si ri ma dria. Adripi ’diyi ma alu alu eyi ’ba “azi ngapi amabe tualu” ama aza kozu ’diyi. (2 ’Ba Korintoa ’Diyi 8:23) Le ama ma obiki a’ita azini owita eyini eyi owizu Munguni ri ma vuti.’Ba Ebraniani 13:7.

  • Asisile mbaza sakiti andripi ’diyi pini acizu ongulumu Kristiani ni ’diyi ki andrizu ri ngoni ya?

  • Ama ecoki orodri isu eyi ma emuta si ngoni ru?

E'YO ONIZA ANGIRI

A’DIPI E’YO YEHOVANI LELERI ’YE ANDRUSI NI YA?

’Ba Yehova ma E’yo Eti Nzepi ’Diyi Aci Okuza Ambo Ambo ’Diyi ma Alea A’dusi?

Eli alu alu si, ama okuru pale na okuza ndu ’dile ’diyi ma alea. Mi eco orodri isu okuza ’diyi ma alea ngoniru?

A’DIPI E’YO YEHOVANI LELERI ’YE ANDRUSI NI YA?

’Ba Yehova ma E’yo Eti Nzepi ’Diyi Azi Yini E’yo Oluza Niri Otu Ngoniru?

Ama eceta ndra Yesu ni e’da de nga eri nyakua ’dia ri ma vuti obi. Geri amani e’yo oluzu ’diyi ma azi yi ngo yi ya?