Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 15

Mbaza Yi Azi Nga Ongulumu Ma Alea Ngoniru

Mbaza Yi Azi Nga Ongulumu Ma Alea Ngoniru

Finland

’Ba imbazu

’Ba ocezu

E’yo eti nzezu

Otuta amani ri ma alea agu azi ’bani ofe sende si ni yo. Kani raria, ekile ndra ongulumu Kristiani okori ni e’dozu risi rile, ’ba ’ba mbapi ra ’diyi ope “ongulumu Munguni” ri ocezu. (’Yeta 20:28, NW) Mbaza ’diyi ki ’ba mbapi ra orindisi ecopi ongulumu ma dri cepi azini eyi ocepi ’bani eyi “omilerisi ku te asi avarusi” ’diyi. (1 Petero 5:1-3) Azi eyini nga amani ri ngo’i ya?

Eyi ama tamba azini ama ageyi te. E’yo siza si mbaza eyi ongulumu ma aza ko esizoru Yehova vu enyia. Eyini ni ra Mungu fe eyidri azi okporu ’diri nirisi, mbaza omikini ’ba azi ku, kanisi eyi ama aza ko o’azu ayikosi. (2 ’Ba Korintoa ’Diyi 1:24) Ekile ’ba kabilo ocepi rini kabilo ini alu alu ma ageyi tezu kilili rile, mbaza eyi ’ba alu alu ongulumu ma alea ’diyi oni dria dria asi alusi.E’yo O’beza 27:23.

Eyi ama imba e’yo Munguni leleri ’yezu. Sabatu dria ma alea, mbaza ki okuta amani dria ’diyi ma dri ce a’ita amani ri ’bazu okporu. (’Yeta 15:32) Agupi eyi owipiru asi adaru si ’diyi vini azi e’yo oluzuri ma dri ceni. Eyi azi nde ’diri nga ama be azini eyi ama imba geri azi nderi ngazu kilili risi.

Eyi asi omiza fe ama alu alu ni. Ecozu ama aza kozu agyi amani Yehova beri ’bazu okporu, mbaza ’diyi ki sawa azini si emu ama alu alu vu akua kaniku Jo Karini amani ama okuzu ria asi omiza fezu amani E’yo Siza si.Yakobo 5:14, 15.

Azi eyini nga ongulumu ma aza kozu ’di ma dria, mbaza ’diyi ki vini sawa eyini ayu azi ngazu aku eyini ri ma aza kozu. Adripi ’diyi ni azi ngazu okporu risi adaru le afeki eyini ruta ecekokoru.1 ’Ba Tesalonikia ’Diyi 5:12, 13.

  • Azi mbaza ongulumu ocepi ’diyi pini ri a’du afa ’yezu ya?

  • Geri mbaza ongulumu ocepi ’diyi ni asi ’bazu ama alu alu ma dria ri ngoki?