Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 9

Ama Eco Ama Otu Kililiru Okuta Yini Ngoniru?

Ama Eco Ama Otu Kililiru Okuta Yini Ngoniru?

Cambodia

Ukraine

Mi ka Biblia oni ’Ba Yehova ma E’yo Eti Nzepi ’Diyi pi ma azi be, ecekokoru mi o’bi afa emini mu oni ’diyi otu oko raka de nga emi e’doki e’yo oni ku. Ecozu orodri isuzu angiri okuta amani ama okuzu tualu ri ma alea, le vini mi otu mi raka. Mi ka ’ye dini sawa driasi, mi nga orodri isu angiri.

Mi pe sawa azini pari mini muzu e’yo onizu ri. Sawa mini asi ’bazu e’yo oniza ma dria ndepini ri ngo i ya? O’bitisi drio drio de nga mi e’do azi ku ya, kani ondresi anzi ni o’du kozu ’bo ri ma vutia? Mi ka eco e’yo oni sawa angiri ku, mi pe sawa mini eco ra ri dika le afa azi ma eza sawa mini pe ’bo ri ku. Mi pe pari ndi kelele koko ri dika mi anyu afa dria ecopi mi egata sepi ra ekile radio, televizoni, azini simu le ’diyi ki te. Mungu zizu deresi mi e’do nga e’yo oni ku rini nga mi aza ko ecozu asi ’bazu E’yo Munguni ri ma dria egata ndundu ’diyi koko.’Ba Filipia ’Diyi 4:6, 7.

Mi oli afa ’bani mu oni ri ma eti dika mi otu mi e’yo omvizu. E’dozu le mi va imbata o’du ’da driri ma ifi ngoni’ari. Mi dro asisile e’yo dri kulu ri ma dria, azini mi o’bi nga ne e’yo dri were were ’diyi eciki eyi e’yo dri kulu ri be ngoni ngoni’ari, dika mi one e’da ki zita ’bani ozi e’yo okpo okpo ’diyi e’dazu ri pie. Mi la di paragrafu alu alu, azini mi onda omvita zita ’bani si ri driri. Mi la e’yo siza ’bani e’da ’diyi ki dika mi ne eciki eyi e’yo ’bani si ri be ngoni ngoni’ari. (’Yeta 17:11) Mi ka eco zita nde ri omvi ra, mi li omvita ni ma eti ci azini mi oli vini e’yo okpo okpo mini ne paragrafu ma alea ’diyi ma eti ki mi egazu indi. Okuta ma alea ’dale, mi ka eco ra mi su dri uru omvita omvizu.

Mi ka e’yo alu alu ’bani imba sabatu driasi ri oni sawa driasi, mi di nga nita o’di o’ba “lonyi” Biblia ma alea mini ni drio ’bo ’diyi ma dria.Matayo 13:51, 52.

  • Afa mini eco ’ye sawa driasi otuzuru okuta amani ama okuzu ri niri a’du afa ni ya?

  • Mi eco mi otu e’yo omviza omvizu okuta ma alea ngoni ru ya?