Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 27

Buku Trale Ayuzaru Jo Karini Ma Alea ’Diyi Eco Ama Aza Ko Ngoniru?

Buku Trale Ayuzaru Jo Karini Ma Alea ’Diyi Eco Ama Aza Ko Ngoniru?

Israel

Czech Republic

Benin

Cayman Islands

Mi le e’yo eti onda angiri lezu nita mini Biblia ma driari izozu ra ya? E’yo azi Biblia ma alea mini ovuzu abazasi ni ci ya? Kaniku mi ebi oku e’yo ega E’yo Mungu niri eco mi aza ko e’yo ewaru mi bipi ’diyi ma aleasi ra yari ma dria ’bo ya? Le di mi ma mu pari ’bani buku trazu Jo Karini ri ma alea ria.

Alenia afa ’bani e’yo ma eti ondazu ’diyi. Buku ’Ba Yehova ma E’yo Eti Nzepi ’Diyi pini gba ti mini nze risi ’diyi ecoki dile ’di ovu mi dri woro ci ku. Te pari buku trazu Jo Karini ri ma alea buku o’di ’diyi ma ndepini eyi ci. Alenia mi eco Biblia ’ba ndundu ni oja riki isu buku e’yo ’yoza ma ifi ecezu ri pie azini buku e’yo ndundu onizu ’diyi pie. De nga okuta e’doni i ku dika vini okuta ma vutia, mi eco pari ’bani buku trazuri ayu ra. Kompiota ka ovu alenia ci, ’ba eco Watchtower Library ’ba alenia ra. ’Diri pari kompiota ma alea buku dria dria ni ovuzu alenia ci, mini ecozu e’yo mini lele ri isuzu e’yo siza pie mbele ru ra ri.

Eri orodriru ba ecopi e’yo olupi Okuta Idri Azini E’yo Oluza Niri ma alea ra ’diyi ni. Mi ka e’do e’yo olu okuta ’di ma alea ’bo, mi eco buku ’bani tra Jo Karini ma alea ’diyi ayu azi ’bani fe mini okuta ’di ma alea ri otuzu. Agu Okuta Idri Azini E’yo Oluza Niri ma dricepiri ni pari buku ’diyi trazu ri ma ta mba ni. Eri buku o’di ’diyi eji ’daa azini eri buku alenia ’diyi otu kililiru. Eri i kaniku agu mini Biblia imbapiri eco mi aza ko geri buku ’diyi ayuzu e’yo ma eti ondazu risi ra. Te ’ba a’ini buku ’diyi ’duzu Jo Karini ria risi amve ku. Dika le vini ambaki buku nde ’diyi ma ta kililiru afa azi osizu alenia ku.

Biblia ece kini amani ecozu “nita ’bani Mungu nizuri” isuzu, le ama ma ndaki eri ekile “lonyi zile zi ’diyi le.” (E’yo O’beza 2:1-5) Afa ’diyi ndazu, buku ’bani tra Jo Karini ma alea ayuzaru ’diyi nga mi aza ko ni.

  • Afa e’yo ma eti ondazu pari buku trazu Jo Karini ria ’diyi ngoki ya?

  • Agu ecopi mi aza kopi buku ’diyi ki ayuzu kilili ri a’di’i ya?