Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 8

Ama Ama Osu Kilili Amani Muria Okuta Amani ’Diyi ma Alea A’dusi?

Ama Ama Osu Kilili Amani Muria Okuta Amani ’Diyi ma Alea A’dusi?

Iceland

Mexico

Guinea-Bissau

Philippines

E’da buku ’di ma alea ria, mi ne geri ’Ba Yehova ma E’yo Eti Nzepi ’Diyi ni suzuru kilili okuta eyini ma alea ri ra ya? Asisile amani suzuru azini edezuru ala ’dile ri ngoni ya?

Ruta e’dazu Mungu amani ri ni. Adaru Mungu ’bani asi e’data amani amveleru ri ma dria angiri ku. (1 Samueli 16:7) Te akaki ama oku tualu eri inzizu, asisile amani ri lezu ruta e’dazu erini ’ba amani eri inzizu tualu ’diyi be. Ecetasi ’ba ka mi ji duani ma drilea, ecekokoru mi le e’da kililiru lezu ruta fezu ’ba e’yo lipi rini. ’Dinile indi, geri amani e’dazu okuta amani ma alea ri ruta e’da Yehova Mungu “angu wudrikuru dria ma e’yo lipiri” ni pari ’bani eri inzizu ri be.E’doza 18:25.

Amani adriza muke ri e’dazu. Biblia le ama ma suki ama afa “suza ’yekerisi” (1 Timoteo 2:9, 10) Suta “’yekeri” ma ifi ’bani bongo ’ba rua bipi tritri kaniku mvurua azini ’bani ecozu mi rua nezu aleniasi ra ’ba dria ma egata esepi mi dria ri suzu ku. Vini indi, ovuzu “asi e’yereri be” rini nga ama aza ko afa suza drinza fepi ’bani ’diyi ki suzu ku. Azita ’diyi kuki ama driwala be peta pezu afa ama ngulupi ni lele ri pezu. ’Dini akaki ama su kilili, ’diri nga fe “imbata Mungu ama Papirini i e’dazu ani ndrizaru” azini ’diri “nga ru Munguni inzi.” (Tito 2:10; 1 Petero 2:12) Amani suta suzu kilili okuta amani ma alea risi, ’ba kakau o’aki ayikosi Yehova ni inzizu.

Te le e’yo bongo suza niri ma oga mi emuzu Jo Karini ria ku. ’Bani suta suzu kililiri ma ifi ovuni afa aje nyapi tu ri suzu ri ’dini ku. Mi ka bongo mini ovuzu eribe ci ri oji azini za kilili, eri mi ’ba alaru.

  • Geri amani suta suzu sawa Mungu inzizu risi ri ma orodri ngoni ya?

  • Azita ama aza kopi e’dazu azini afa suza kililiri ki pezu ri ngoki?