Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 5

Okuta Amani ’Diyi ma Alea Mi Nga A’du E’yo Isu Ya?

Okuta Amani ’Diyi ma Alea Mi Nga A’du E’yo Isu Ya?

Argentina

Sierra Leone

Belgium

Malaysia

’Ba kakau kuki di acita acizu kanisaa ri ja a’dusikuni isukini omvita azi aluni zita eyini ozi Mungu ma dria ecopi asi omiza fepi eyini ’diyi ni ku. Te le di mi ma mu okuta Kristiani ’Ba Yehova ma E’yo Eti Nzepi ’Diyi pini ri ma alea ra ecekoko a’du ma e’yo si ya? Mi nga ’dale a’du isu ya?

Ayiko amani o’azu ’ba leta be azini asipi ’ba si ra ’diyi ma eselea ri i. Eli ndra turu alu oko ’da si, Kristiani eyi ndra eyi tra ongulumu vusi, azini eyi ndra eyi oku tualu Mungu inzizu, E’yo Siza eyi onizu, azini okpo fezu eyini eyi ma eselea. (’Ba Ebraniani 10:24, 25) Eyi ni ndra o’azu angu leta ru ni ma alea risi, niki ndra ra eyi agyi ada ’diyi ma eselea—adripika eyini orindi si ’diyi. (2 ’Ba Tesalonikia ’Diyi 1:3; 3 Yohana 14) Ama eceta eyi vu ’da ma vuti obi azini ama ayiko alu ’daleri isu.

Ama orodri isu amani azita amani oni Biblia ma alea diyi ma vuti obizu ri si. Erini ovuzu ada sawa Biblia sizu ri ma alea ri le, agupi, oku, azini anzi nyiri eyi okuru dria tualu. Imba’ba kilili ru ’diyi Biblia ayu ama aza kozu azita alenia ’diyi ma vuti obizu. (Azita Amvizu 31:12; Nehemia 8:8) Amani ecozu asi ’baza amani ovuzu Kristiani ruri ecezu, ’ba dria lepi ra ri ni ongo ngo azini eco omvita omvi e’yo nzeza tualu ri ma alea ra.Ba Ebraniani 10:23.

Drileba a’ita mini Mungu ma dria ri ni ecazu okporu ri. ’Ba ti pele Paulo ’yo ndra ongulumu ewu eri vu ’dasi ’diyi ma azi aluni ni: “Te ma le emi ndre avasi, . . . ’dini ama ma omi ama asi ama eselea emi be, a’ita amani si amani amani.” (’Ba Rumia ’Diyi 1:11, 12) Okuta amani ’diyi ma alea, dri fuza sawa dria si ’ba inzita aluri ma alea diyi pie ri ni fe ama a’ita azini ava lezu azita Biblia ma alea ’diyi ma vuti obizu rini eca okporu.

Mi a’i di drileba ’bani mi omvezu okuta ongulumu amavu ri ni ma alea e’yo ’diki nezu ani mi mile si ri ku ya? ’Ba nga mi a’i avasi. Okuta ’diyi aje koko—’ba okuni sende aluni ku.

  • Eceta okuzuru tualu ongulumu amavu ’diyi ni vuti ni obi ri ngo i?

  • Ama ecoki orodri isu ama ngulupi si amani acizu okuta Kristiani vuri ma alea risi ngoni ru ya?