Biblia ma alea agupi azi ngapi ongulumu Kristiani niri ma alea ’diyi esele iri—“’ba ongulumu andripi ri pi ’ba ongulumu ma aza kopi ri be.” (’Ba Filipia ’Diyi 1:1, NW) ’Ba ’diyi ma kalafe ongulumu ma alea riki kakau. Afa ’ba azi ma aza kopi ’diyi ni ’ye amani orodriru ri a’du afa ni ya?

Eyi mbaza ma aza ko. ’Ba azi ma aza kopi ’diyi adripi mbapi ’bo ruasi kaniku oderu, agyi eyini Yehova beri ’bapi okporu ’ba azi ’diyi ni ecozu asi ’bazu eyi ma dria ra azi ngapi asi driasi ’diyi. Eyi azi esele ndundu ongulumu otuzu ’diyi nga. ’Diri di fe mbaza ni asi ’bazu azi ongulumu imbazu azini ocezu ri ma dria.

Eyi azi ’ba dria ni orodriru riki nga. Eyi ma azi ’diyi ’ba omu a’ipi okuta amani ’diyi ma alea riki. Azi ’diyi afa ’bani ayu ongo ni azini e’yo nzezu riki otu, buku pie, sanduku awa’difo fezu ri pie, azini pari ongulumu ni e’yo oluzu ri pie dria. Eyi Jo Karini (Kingdom Hall) ma ageyi te. Mbaza ecoki eyi ayu ’ba deza ’diyi ma aza kozu. ’Ba azi ma aza kopi ’diyi pini azi dria ’bani fe eyini ’diyi ki ngazu asi alusi risi, ongulumu Kristiani ni eyini ovuzu alenia ’diyi dria ruta fe eyini.—1 Timoteo 3:13.

Eyi agupi eceta kililiri fepi ’diyi. ’Ba ’bani ope azi ma aza kopi ’diyi adriza kilili Kristiani niri be. Sawa eyini e’yo oluzu okuta amani ma alea ria, eyi ama a’ita ’ba okporu. Eyi amani ava fe e’yo oluzu eyini e’yo oluza ecezu ku risi. Eyini azi ngazu tualu mbaza eyi pie risi, eyi ti ecita eji ayiko be ’ba woro ma eselea. (’Ba Efesoa ’Diyi 4:16) ’Dini sawa azini ma vutia, ecoki di vini eca mbazaru ra.

• Agupi azi ma aza kopi ’diyi ’ba ngole riki ya?

• ’Ba azi ma aza kopi ’diyi ki fe azi ongulumu Kristiani niri ma alea ri aci kilili ngoni ngoni?