Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 20

Amuti Otuta Otupi ’Ba Yehova ma E’yo Eti Nzepi ’Diyi ni ri Azi Nga Andrusi Ngoniru?

Amuti Otuta Otupi ’Ba Yehova ma E’yo Eti Nzepi ’Diyi ni ri Azi Nga Andrusi Ngoniru?

Amuti otuta otupi eli turu aluzo okori ma alea ri

’Ba waraga engapi amuti otuta otupiri vuri la

Ewu ndra turu aluzo oko ’da ma alea, ’ba were “’ba ti pele ’diyi pi ma eselea ’ba ’wara Yerusalemua” ’diyi pie ri ki ndra ’ba otuta otupi ri ru ecozu pa sozu ongulumu Kristiani ni ’bani odu osuzu eyi ma dria ’bo ’diyi pi ma paria peta pezu ni. (’Yeta 15:6) Eyi ndra fe E’yo Siza azini orindi Mungu niri ma ce eyi ma dri sawa eyini peta pezu ria ni. (’Yeta 15:25) Geri alu ’dini azi nga kpere curu’do ni.

Mungu ni eyi ayu e’yo erini leleri ’yezu. Adripi odu osule drinia ’bo pa sopi Amuti Otuta Otupiri ma paria ’diyi ma ava e’yo Mungu niri ma dria ri angiri, dika eyi ma nita e’yo ndundu ma dria e’yo orindisi ’diyi pie ri ki otuzu ri angiri tu. Eyi okuru pale alu sabatu dria si e’yo adripi eyi obipi ndu ndu wudrikuru si ’diyi otuzu. Ekile ndra ewu turu aluzo oko ’da ma alea rile, ama driceza eyini engapi Biblia ma alea ri isu waraga ma alea si kaniku adripi acipi azi andripi ’diyi pivu si, dika geri azi ndu ndu ’diyi si. ’Dini ti ecita eji egata si azini ’yeta si ’ba Mungu ni ’diyi ma eselea. (’Yeta 16:4, 5) Amuti Otuta Otupiri ni nyaka orindi siri ma otuta one azini eyi okpo fe azi e’yo ba Suru niri oluzu rini, dika eyi opeta adripi azi ndundu azi ma aza kopi ’diyi opezu ri one.

Eyi driceza orindi Munguniri vuri ma vuti obi. Amuti Otuta Otupi ’di ni driceza isu engazu Okpo E’i Wudrikuruni Yehova vu azini Dricere ongulumu Kristiani ni Yesu vu. (1 ’Ba Korintoa ’Diyi 11:3; ’Ba Efesoa ’Diyi 5:23) Adripi alenia indi ’diyi ’bakini eyi ’ba Munguni ’diyi ma dricere ru ku. Eyi Kristiani azi ’bani odu osuzu eyi ma dria indi ’diyi pie dria “’ba Kabilo Mva ma vuti bipi geri dria erini muzuria ’diyi.” (E’yo Eceza 14:4) Amuti Otuta Otupiri o’a ayikosi Mungu amani zi eyima e’yo si risi.

  • ’Ba ndra otuta otupi ewu turu aluzo okori ma alea ri a’dipi ki ya?

  • Adripi Otuta Otupi ewu andruri ma alea ’diyi ki driceza Munguni ri ma vuti bi ngoni ngoni ya?