Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

A’dipiki E’yo Yehovani Leleri ’Ye Andrusi Ni Ya?

 IMBATA 11

Ama Mu Okuza Ambo Ambo ’Diyi ma Alea A’dusi?

Ama Mu Okuza Ambo Ambo ’Diyi ma Alea A’dusi?

Mexico

Germany

Botswana

Nicaragua

Italy

’Ba ’diyi e’daki ayiko si ’dini a’du ma e’yosi ya? Eyi okuta amani ambo ’diyi ma azi ma alea. Ekile ndra ’ba Mungu ni inzipi drio ’diyi ni eyi okuzu tualu pale na eli aluri ma alea rile, ama vini okuru omgbo angiri si indi. (Azita Amvizu 16:16) Eli driasi ama okuta ambo ambo na ’diyi be: okuza sakiti ni o’du ’dupi alu ’diyi pale iri azini okuza angu ndu ndu ma alea o’du ’dupi na ri. Orodri amani isu okuta ’diyi ma alea riki ngoki ya?

Eri ama o’ata o’azu ama eselea adripi ru azini amvupi ru Kristiani niri ’ba okporu. Ekile ’ba Israelini ’diyi ni ndra o’azu ayikosi Yehova ni inzizu “ba ongulumuru ma eselea” rile, ama vini o’a ayikosi eri inzizu tualu okuta ambo ambo ’diyi ma alea. (Zaburi 26:12; 111:1) Okuta ’diyi ki amani driwala fe dri fuzu azini o’azu tualu ’Ba E’yo Eti Nzepi engapi ongulumu kaniku suru azi ndu ndu ’diyi pi ma alea ’diyi pie. Sawa ava lizu etu azia si ria, ’ba dria ni nyaka erini eji ri nya pari amani ama okuzu ria ’daa ogogo. ’Diri di o’ata o’azu leta si pari amani nyaka orindini isuzu ri ma alea ri ’ba onyiru tu. (’Yeta 2:42) Okuta ambo ambo ’diyi ma alea, mi nga leta “’ba dria” lezu adripi yi ecipi tualu wudrikuru si ri ne.1 Petero 2:17.

Eri ama aza ko zozu orindi si. ’Ba Israelini ’diyi isuki ndra orodri eyini E’yo Siza “’bani olule yi tiari vale rarisi.” (Nehemia 8:8, 12) Ama vini o’a ayiko si imbata amani isu Biblia ma alea ’bani fe amani okuta ambo ambo ’diyi ma alea risi. E’yo dri alu alu ’ba e’du engazu E’yo Siza ma alea. E’yo ’bani olu ri ma alea si, e’yo dri ’bani esele ni awa ’ba ndu ndu vu risi, azini di e’yo ’bani e’da ’yeta si risi, ama oni e’yo Munguni leleri ’bazu idri amani ma alea ’yeta si. Amani e’yo ’ba kakau ni inzamatara eyini ovuzu Kristiani ruri ma ti tazu kililiru ewu onzi ’di ma alea ri erizu ria, eri amani okpo fe tu. Okuta o’du ’dupi na ri ma alea, avita ’bani ede ’yeta si ri amani e’yo Biblia ma alea ’diyi e’da nditiri azini eyi ama imba kililiru. Okuza alu alu ma alea, ’ba baputizimu fe ’ba dria lepi owita eyini eyi owizu Mungu niri e’dapi ’yeta si ’diyi ni.

  • Sawa okuza ni ’diyi ki sawa ayikoru ni a’du ma e’yo si ya?

  • Orodri mini eco isu mini muzu okuza ma alea ra risi ri ngoni ya?