Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Baru Engazu Mungu Vu!

 Imbata 4

Yesu Kristo Ni A’di I Ya?

Yesu Kristo Ni A’di I Ya?

Adriza ndra fepi ’ba eyini esizoru Yesu vu ’diyi ngoki?MATAYO 11:29; MARAKO 10:13-16.

1. Idri Yesu niri e’do ndra i ngoni ru?

Ovuni ’ba azi ’diyi le ku, Yesu o’a ndra ’bua ’dale malaika ru raka deresi ’ba osini nga eri nyakua ’dia ku. (Yohana 8:23) Eri ndra agu Mungu ni o’ba okori, azini fe ndra di azakoma afa azi ’diyi ki o’bazu. Eri agu alu a’dule Yehova ni o’ba ima ngulupi siri i ani e’yo ’di si ’ba eri omve Mvi “tile aluri” i. (Yohana 1:14) Yesu ri ndra e’yo nze Mungu ni, ani ’ba vini eri omve “E’yo i.”Mi la E’yo O’beza 8:22, 23, 30; ’Ba Kolasaia Diyi 1:15, 16.

2. Yesu emu ndra nyakua a’du ma e’yo si ya?

Mungu epe i Mvi ma ti nyakua erini idri erini ri ojazu ’buari si ’bazu aliria Yahudio ru omvele Mariamu i ri ma alea ria. Ani e’yo ’disi Yesu ma ata ’ba ada ru ni yo. (Luka 1:30-35) Yesu emu ndra nyakua (1) e’yo ada Mungu ma dria ri imbazu, (2) eceta fezu amani geri amani ecozu e’yo Mungu ni leleri ’yezu e’yo ewaru ma aleasi ri e’dazu, azini (3) emu idri ini ezata koko ri fezu ’ba kakau “onzezu.”Mi la Matayo 20:28.

3. Asisile amani onzeta lezu ri ngoni?

Onzeta eri aje ’bani ofe ’ba azi onzezu dra ma aleasi ri. (Efuza 21:29, 30) Dra pi deta be ovuni ndra otuta Munguni ’ba ada niri ku. Ama ’da ni ngoni ru ya? Mungu lu agu oko, Adamu ni kini, ka afa Biblia ni omve “ezata” ri ede, eri nga dra ra. Ani e’yo ’disi Adamu ka ndra ezata ede ku, econi ndra dra ku. (E’doza 2:16, 17; 5:5) Biblia ni nze risi, dra “efi” wudrikurua geri Adamu vu risi. Ani e’yo ’disi, Adamu fe di ezata a’bianzi erini ’diyi dri dria, panga ezata ni dra be. Aleki di onzeta ama otruzu panga ezata ni dra  amani isu Adamu vu ri ma e’yo si.Mi la ’Ba Rumia ’Diyi 5:12; 6:23.

A’di ecodi ama onze dra ma alea risi ni ya? Akaki dra, ama panga ezata ama ngulupi ni ri isu. ’Ba azi ezata be alu ni econi ’ba azi ’diyi ma ezata ofe ku.Mi la Zaburi 49:7-9.

4. Yesu dra ndra a’du ma e’yo si ya?

Yesu ni ndra ezata koko, ovuni ama le ku. Ani econi ndra di dra ezata eri ma ngulupi ni risi ku—edeni ndra ezata alu ni ku. Kani raria, Yesu dra ndra ezata ’ba azi ’diyi pini risi. Mungu e’da leta ini ’ba ada lezu turi erini ima Mvi ma ti epezu drazu amasi risi. Yesu e’da leta erini ama lezuri erini ima Ati ma ti erizu azini erini ima idri fezu ama ezata si risi.Mi la Yohana 3:16; ’Ba Rumia ’Diyi 5:18, 19.

5. Yesu ni di sawa ’disi a’du afa ’ye ya?

Ndra erini ovuzu nyakua ’dia risi, Yesu ati ’ba azo ru ’diyi, enga ’ba draza ’diyi, azini opa ’ba ki e’yo ewa ru ma aleasi. E’da di ani afa erini nga ’ye ewu dria ’dale risi ’ba erita pie ’diyi pini ri. (Matayo 15:30, 31; Yohana 5:28) Drata Yesu ni ma vutia, Mungu fe erini idri dika orindi ru. (1 Petero 3:18) Yesu nga di te Mungu ma dri ada ria kpere Yehova ni okpo fezu eri dri ecazu Opi ru wudrikuru dria. (’Ba Ebraniani 10:12, 13) Sawa ’disi Yesu ni Opi ru ’bua, dika ’ba eri ma vuti bipi ’diyi di e’yo nde onyiru ’diri olu wudrikuru drisi dria.Mi la Danieli 7:13, 14; Matayo 24:14.

Ace were, Yesu ni okpo erini o’azu Opiru ri ayu ocoko dria dezu ’ba dria ocoko nde fepi ’diyi pie. ’Ba dria a’ita eyini Yesu ma dria ri e’dapi ’yeta si eyini eri ma ti erizu risi ’diyi nga idri isu paradisia nyakua ’dia.Mi la Zaburi 37:9-11.

 

E'YO ONIZA ANGIRI

E’yo Ada Biblia ni Imba ri Ngoni?

Onzeta ’Di—Feta Munguni Ndepi Niri