Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Baru Engazu Mungu Vu!

 Imbata 15

Le Mima Mu Drile A’dusi?

Le Mima Mu Drile A’dusi?

1. Mi nga orodri isu mini muzu drile Biblia oniza be risi ngoni ru ya?

Ecekokoru, e’yo orodri ru Biblia ni imba mini ’di fe di mi ma leta Yehova niri ni zozu okporu. Le di ’ba ma nga azi leta nde ’di ezozu sawa dria si. (1 Petero 2:2) Mi asi ’baza idri ’dani ’dani ri ma dria ri lu mini muzu drile mi esizu enyia ogogo Mungu vu Biblia oniza si risi.Mi la Yohana 17:3; Yuda 21.

Mini di zoria nita mini Mungu ni nizu ri ma alea ria, mi a’ita ni di nga eca okpo ru. A’ita ni di nga mi aza ko ayiko fezu Mungu ni. (’Ba Ebraniani 11:1, 6) Eri nga fe mini ezata mini ’diyi ogazu azini mini ojata ndundu orodriru idri mini ma alea ’diyi ki ojazu.Mi la ’Yeta 3:19.

Mi eco eca Yehova ma agyi kilili ri ru ra

2. Nita mini Mungu ni nizuri eco ’ba azi ’diyi ma aza ko ngoni ru ya?

Adanisi, mi eco le e’yo mini oni ’diki oluzu ’ba azi ’diyi ni ra—ama dria o’a ayikosi e’yo bari oluzu. Mini muzu drile e’yo onizu Biblia ma alea ria, mi nga oni Biblia ayuzu a’ita mini Yehova ma dria ri ecezu e’yo ba ri be.Mi la ’Ba Rumia ’Diyi 10:13-15.

’Ba kakau ki e’do e’yo ba ’diri olu eyi ma agyipika pini eyi ma ori’ba pie. Le mi ovu milesi. Luzu eyini dini eyini ri inzoru ri ma paria, mi nze eyini e’yo oyo soza Munguni ’diyi ma dria. Dika indi le mima ni ra kini, adriza mini kilili ri sawa driasi ’ba ni ayiko fe aga e’yo mini nze ri ra.Mi la 2 Timoteo 2:24, 25.

3. Ayiko mini eco isu agyi ’baza Mungu be risi ri ngo i?

E’yo Munguni ri onizu ri nga mi aza ko zozu orindi si. E’yere e’yere, mi di nga eca Yehova ma agyi kilili ri ru. Adanisi mi eco  eca ’ba erivule akua ’diyi ma azi ru.Mi la 2 ’Ba Korintoa ’Diyi 6:18.

4. Mi eco mu zota be drile ngoni ru?

Mi eco zo orindi si mini muzu drile E’yo Mungu ni onizu risi. (’Ba Ebraniani 5:13, 14) Mima zi ’Ba Yehova ma E’yo Eti Nzepi ’Diyi ma azi alu ni Biblia onizu mi be buku E’yo Ada Biblia ni Imba ri Ngoni? risi. Mini muria drile E’yo Munguni ma onita pie ria, mi di nga ovu drile baru idri mini ma alea.Mi la Zaburi 1:1-3; 73:27, 28.

E’yo ba ’di enga Yehova Mungu ayikoru ri vu. Mi eco mi esi erivu enyia mini mi esizu ’ba erini ’diyi vu risi. (’Ba Ebraniani 10:24, 25) Ava mini Yehova ni lezu rini zozu drile drile ria, ’diri nga mi dri ce idri ada ria—idri ’dani ’dani ri. Esizoru Mungu vu enyia ogogo ri adaru afa mini eco ’ye muke ndepi niri.Mi la 1 Timoteo 1:11; 6:19.