Mungu le ’ba ma nyaki ayiko idri ma alea nyakua. O’ba nyaku afa alenia ’diyi pie dria a’dusikuni le ’ba ada tu. Ace were eri nga ewu driale ri oja kililiru suru dria ni. Eri nga ocoko ’ba ada ni de dria dria.—Mi la Yeremia 29:11.

E’dozu drio gamete azi alu ’ba ada niri atrini nga adra, azo, kaniku dra ku. Te e’yo ba ni ci. Ace were, Mungu ni nga gamete ini ’ba gamete ’ba ada ni ma paria. ’Ba gamete ’di ma palaa ’diyi nga o’a asi anzu si azini rua kililiru be.—Mi la Isaya 25:8; 33:24; Danieli 2:44.

Ocoko ni nga lu i de Mungu ka ’ba onzi ’diyi ma dri ja nyakua risi ’bo ria. (Zefania 2:3) ’Dari nga i ’ye a’du ngari ya? E’yo Munguni ondri ndra e’yo onzi onzi candi fepi ’ba ada ni ’diyi ki drio. E’yo ’yepiru ’diyi e’da nditiri kini ace were Munguni nga e’yo azi ’ye ra.—Mi la 2  Timoteo 3:1-5.

Le ama ma oni e’yo Mungu ma dria engazu O’duko erini, Biblia ma alea. Eri amani ekile waraga engapi ata leta be ri vu rile. Nze amani e’yo ama ecoki o’a idri kilili rusi sawa ’disi ngoni ngoni’ari ma dria azini ama nga idri ’dani ’dani ri isu ewu driale ri ma alea ngoni ngoni’ari be. Adaru, ’ba azi ’diyi ngakini le mini azakoma Biblia vazu ’diri isuzu ku. Te drileba ’di ni ovuzu onyiru tu risi, le ’ba azi ma atri mi ku.—Mi la E’yo O’beza 29:25; E’yo Eceza 14:6, 7.