Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Baru Engazu Mungu Vu!

 Imbata 3

E’yo Ba ’Di Enga Adaru Mungu Vu Ya?

E’yo Ba ’Di Enga Adaru Mungu Vu Ya?

1. Biblia ma E’ipi ni a’di i ya?

E’yo onyiru ’bani ngazu o’azu nyakua ’dani ’dani ’diyi ’ba si Biblia ma alea. (Zaburi 37:29) Biblia ma alea buku nyiri nyiri ’diyi 66. Mungu ayu ’ba a’ita pie ogogo 40 eri sizu. E’dozu sawa ndra Musa ni buku okori sizu risi kpere sawa ’disi, eli ali di 3500 ’bo. Buku asizuri ’ba ti pele Yohana si ni dika eli ali di vutinia 1900 ’bo. ’Ba ndra Biblia sipi ’diyi siki a’di ma egata ya? Mungu ayu ndra orindi alatararu ri e’yo nzezu ’ba Biblia sipi ’diyi pie. (2 Samueli 23:2) Siki ndra egata Munguni, ovuni eyi ma ngulupi ni ku. Ani e’yo ’disi Yehova ni di Biblia ma E’ipi i.Mi la 2 Timoteo 3:16; 2 Petero 1:20, 21.

2. Ama ecoki ni ada ada Biblia ni e’yo ada nze ri ngoni ru?

Ama ni Biblia enga Mungu vu ri erini amani e’yo driale ’diyi ki oluzu kilili risi. ’Ba azi alu ni econi e’yo ’dile ri ’ye ku. (Yosua 23:14) Mungu Okpo E’i eco lu ewu ’ba ada ni driale ri ne kilili ni a’dule.Mi la Isaya 42:9; 46:10.

Ani e’yo ’disi le buku engapi Mungu vuri ma ovu ndu, ani eri bani ’dale. Biblia ovu gbazaru azini awazaru kalafe bilioni bilioni azini ti turu turu si. Erini tro ovuzu buku drio ni ti, Biblia eci i e’yo ’ba ondua ru ’diyi niri pie kilili. Dika, e’yo ’ba 40 eri sipi ’diyi pini sileri eciki vini eyi tualu indi. * O’bazu ’da ma dria, e’yo Biblia ni nze leta ma dria ri enga Mungu vu a’dule, ani eri nga kiri okpo be idri ’ba kakau ni ojazu kilili ru. E’yo ’diyi si ’ba kakau a’iki ra Biblia eri E’yo Mungu ni.Mi la 1 ’Ba Tesalonikia ’Diyi 2:13.

 3. Biblia nze eyo a’du ma dria ya?

E’yo ba Biblia ni nze amani ri eri asisile Mungu ni leta ru ’ba ada ni ri ma dria. E’yo Siza ece amani ’ba ada avi drileba o’azu paradisia ri ngoni ngoni’ari ma e’yo azini paradisi ni nga eca nyakua dika ngoniru’ari be ra.Mi la E’yo Eceza 21:4, 5.

E’yo Munguni ri ma alea ama azita eyi isu, azini imbata pie. O’bazu ’da ma dria, Biblia ece vini amani geri Mungu ni ebizu e’yo ’yezu ’ba ada be ri—eceta ’diyi fe ama Mungu ni ’ba ngole ni’ari ni. Ani e’yo ’disi, Biblia eco mi aza ko Mungu ni nizu. Ece vini geri mini ecozu ecazu Mungu ma agyiru ri.Mi la Zaburi 19:7, 11; Yakobo 2:23; 4:8.

4. Mi eco Biblia va ngoni ru?

Buku ’diri nga mi aza ko Biblia vazu geri alu ndra Yesu ni ayu risi. E’du ndra e’yo Biblia ma alea alu alu dika nga e’yo “’diyi ma efi ece yi dri, e’yo siza dria ma alea.”Mi la Luka 24:27, 45.

Afa ndrizaru ekile e’yo ba Biblia ma alea ’dile ’diyi ki were. Te kiriti ’ba kakau leki e’yo nde ’diri ku, dika ’ba azi ’diyi ki o’a ani a’okosi. Le e’yo ’di ma fe mini okpoako ku. Asi ’baza mini ecozu idri ’dani ’dani ri isuzu ri lu mi ka e’yo oni Mungu ma dria risi.Mi la Yohana 17:3.

 

^ par. 7 Mi ne buku A Book for All People ri.

E'YO ONIZA ANGIRI

E’yo Ada Biblia ni Imba ri Ngoni?

Biblia—Buku Engapi Mungu Vuri

E’yo Ada Biblia ni Imba ri Ngoni?

E’yo Adaru Mungu ma Dria ri Ngoni Ya?