Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Baru Engazu Mungu Vu!

 Imbata 11

Azita Biblia ma Alea ’Diyi Ama Aza Ko Ngoni Ru?

Azita Biblia ma Alea ’Diyi Ama Aza Ko Ngoni Ru?

Azita Biblia ma alea ’diyi ecoki fe ama idri ma ta mba ngoni ngoni?ZABURI 36:9.

1. ’Ba ada le driceza a’du ma e’yo si ya?

Ama O’bapi ma ondua aga ama dri ri ra. Erini ovuzu Ata leta be ri i risi, asi ama si ra. Dika, le vini ndra ama ma ce ama dri ceni ceni i koko ru ku. (Yeremia 10:23) Ekile anzi nyiri ni driceza eyi ma tipika ni ri le rile, aleki woro driceza Mungu niri ra. (Isaya 48:17, 18) Azita Biblia ma alea ’diyi ki driceza kilili feta ru engapi Mungu vu ‘diyi.Mi la 2 Timoteo 3:16.

Azita Yehovani ‘diyi ki sawa ‘disi ama imba geri kilili o’azu idri ma alea risi azini eri vini amani geri amani ngazu orodri ‘dani ‘dani riki isuzu ewu driale ri ma alea ri e’da. Mungu ni ama o’bazu ni risi, ecekokoru le ama ma a’iki driceza erini ri.Mi la Zaburi 19:7, 11; E’yo Eceza 4:11.

2. Azita Biblia ni ’diyi ki a’du ki?

E’yo ada Biblia ma alea ‘diyi amani afa Mungu ni le ama ma ’yeki e’yo ndu ndu ma alea siri ki e’da. Azita azi ’diyi ki lu e’yo alu ma dria. (Azita Amvizu 22:8) Le ama ma droki asisile azita Biblia ni ’diyi pi ma dria ecozu e’yo erini le ama ma ’yeki ’diyi vazu. (E’yo O’beza 2:10-12) Ecetasi, Biblia imba amani kini idri eri feta engapi Mungu vu ri. E’yo ada ’di eco ama aza ko azi tia, akua, azini amani aciria. Eri fe ama idri amani azini vini idri ’ba azi ’diyi pini ri ma ta mba.Mi la ’Yeta 17:28.

3. Azita iri amboru ndepi ni ’diyi ngoki ya?

Yesu nze e’yo azita ambo iri orodri ru ’diyi ma dria. Okori nze e’yo asisile idri ’ba ada ni ri ma dria—Mungu ni nizu, eri lezu, azini azi ngazu erini asi driasi. Le azita oko ’di ma ce ama dri peta amani dria dria ri ma alea ni. (E’yo O’beza 3:6) ’Ba azita ’di ma ta mbapi asi eyini ma alea ’diyi nga ovu Mungu  ma agyi ru, eyi idri ’dani ’dani ri isu, azini ayiko adari isu.Mi la Matayo 22:36-38.

Azita irizo ri nga fe ama o’a ’ba azi ’diyi ki pie asianzu si. (1 ’Ba Korintoa ’Diyi 13:4-7) Ecozu azita irizo ’di ’bazu idri amani ma alea, le ama ma obiki geri Munguni e’yo ’yezu ’ba pie ri ma vuti.Mi la Matayo 7:12; 22:39, 40.

4. Ama orodri isu azita Biblia ma alea ’diyi si ngoni ru ya?

Azita Biblia ma alea ’diyi ’ba akua ’diyi ki imba o’azu tualu leta si. (’Ba Kolosaia ’Diyi 3:12-14) E’yo Munguni ri vini aku ma ta mba imbata ’yopi aje ma ovu ’dani ’dani ri si.Mi la E’doza 2:24.

Azita Biblia ma alea ’diyi ma vuti obizu ri nga ama ta mba rua si azini egata si. Ecetasi, ’ba azi dricepi ’diyi leki ’ba azita Biblia ni ’yopi ’ba ovu asi adaru si azini ’ba ma nga azi asi driasi ri ma vuti obipi ’diyi ki saaru. (E’yo O’beza 10:4, 26; ’Ba Ebraniani 13:18) E’yo Munguni ri vini ama imba afa orodri ru idri ma alea ’diyi ki si azini agyi Mungu be ri ’bazu afa rua si ’diyi pi ma drilea.Mi la Matayo 6:24, 25, 33; 1 Timoteo 6:8-10.

Azita Biblia ma alea ’diyi ma vuti obizu ri ama rua ma ta mba azo si. (E’yo O’beza 14:30; 22:24, 25) Eceta si, azita Munguni lezu ama ma atiki ewa si ku ri ma vuti obizu ri ama ta mba azo onzi onzi ’diyi si azini drileonzi isuza si. (E’yo O’beza 23:20) Yehova fe amani driwala ewa mvuzu ra, te atizu ku. (Zaburi 104:15; 1 ’Ba Korintoa ’Diyi 6:10) Ama orodri isu azita Munguni ’diyi si ovuni lu erini ama imbazu ’yeta amani ’diyi ki si a’dule ku te vini e’yo amani ega asi amani ma alea ’diyi ki si indi. (Zaburi 119:97-100) Te kiriti, Kristiani ada ’diyi ruki ni lu azita Munguni ’diyi ki orodri isuzu eyi ma ngulupi ni a’dule ku. Eyi vini ’ye ’dini ruta fezu Yehova ni.Mi la Matayo 5:14-16.