Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Baru Engazu Mungu Vu!

 Imbata 8

Mungu Ku Ocoko Ni Muzu Drile Drile A’du ma E’yo Si Ya?

Mungu Ku Ocoko Ni Muzu Drile Drile A’du ma E’yo Si Ya?

Mungu ku ’ba ada ni sawa izu eyi ngulupi ma dri cezu e’dazu kini ecoki ni candi ’ba ada ni ri de ku

1. Ocoko e’do ndra i ngoni ngoni?

Ocoko e’do i nyakua sawa Sitani ni ndra inzo oko ri lizu risi. Okokele risi Sitani ni ndra malaika kilili ni, te “soni pa e’yo adaru ma alia ku.” (Yohana 8:44) Le ndra inzita ta adani si ’bani fe Yehova ni a’dule ’dileri ini. Nze di ani inzo oku oko, Eva ni, dika obe eri ima ti erizu erini Mungu ma ti erizu ri ma paria. Adamu eci ti Eva be Mungu ma ti gazu si. Peta Adamu ni pe ri eji ocoko azini dra.Mi la E’doza 3:1-6, 19.

Ndra Sitani ni luzu Eva ni ma eri Mungu ma ti ku risi, eca di ogburundua ru okpo Munguni driceza ni ri ma rua. ’Ba kakau eciki di ti Sitani be Mungu ni gazu eyi ma Dricere ru si. Ani e’yo ’disi, Sitani eca di “opi nyaku ’di niri” ru.Mi la Yohana 14:30; 1 Yohana 5:19.

2. Ezata ndra o’bata Mungu niri be ci ya?

Azi Mungu ni ’diyi ki dria kilili. ’Ba ada azini malaika Mungu ni ndra o’ba ’diyi ecoki ndra ruta fe Mungu ni kilili ra. (Azita Amvizu 32:4, 5) Mungu o’ba ama driwala be peta pezu e’yo muke ri pi ma eselea e’yo onzi ri be. Driwala ’disi ama leta amani Mungu ni lezu ri e’da.Mi la Yakobo 1:13-15; 1 Yohana 5:3.

3. Asisile Munguni ocoko kuzu kpere sawa ’disi ri ngoni ya?

E’dozu sawa ndra ogburundua oko ’dayi vu risi, Yehova ku lu nga ari’bo ’diyi ni ima driceza ma e’yo onzozu. A’du ma e’yo si? E’dazu kini driceza ’ba ada ni i kokoru ri econi ’ba ada ma aza ko ku. (Eklesiaste 7:29; 8:9) Eli alipi 6,000 adi ’ba ada ni ’diyi ma alea, e’yo ’di e’da i nditiri. Drice’ba ’ba ada ni ’diyi o’biki afa ekile a’di, e’yo onzi,  e’yo liza kilili ru ku, azini azo le ’diyi ki atri ti.Mi la Yeremia 10:23; ’Ba Rumia ’Diyi 9:17.

Mi ka o’bi driceza ’ba ada ni ri be, driceza Mungu niri orodri fe ’ba eri atipi ra ’diyi pini. (Isaya 48:17, 18) Ace were, Yehova ni nga gamete dria ’ba ada ni ’diyi ma dri ja ra. ’Ba Mungu ma dri ceza pe pi ’diyi lu nga o’a nyaku dria ni.Isaya 11:9. Mi la Danieli 2:44.

E’yo amani pe ’diyi ki nga e’da aleki Munguni ama Dricere ru ra

4. Asi e’yere Munguni ’di fe di amani drileba a’du afa ’yezu ya?

Sitani ’yo kini ’ba ada ni lu Yehova ni inzi erini eyini afa muke riki fezu risi. Mi le e’yo ’dari inzo niri e’da ra ya? Mi eco ra! Asi e’yere Mungu niri amani drileba fe e’dazu apeki driceza Mungu niri kaniku ’ba ada niri. Ama peta amani pe ri e’da geri amani o’azu idri amani ma alea risi.Mi la Yobu 1:8-12; E’yo O’beza 27:11.

5. Ama ecoki Mungu ni pe ama Dricere ru ngoni ru ya?

Ama ecoki Mungu ni pe ama dricere ru amani e’yo ada E’yo Munguni, Biblia ma alea ri ndazu azini ’yezu ’yeta si risi. (Yohana 4:23) Ama Sitani ni ga ama dricere ru si amani fizu politiki azini a’di ma alea ku, ndra Yesu ni ’yele rile risi.Mi la Yohana 17:14.

Sitani ni okpo ini ri ayu fezu ali o’baza, azini ’yeta onzi ’diyi ma e’daki kilili. ’Dini akaki ’yeta ’dile ’diyi ga si, ama agyipika ki ama ori’ba pie ecoki e’do ama inza inza. (1 Petero 4:3, 4) Ani e’yo ’disi le di ama pe ki peta. Ama nga o’a ’ba Mungu ni lepi ’diyi pie ra ya? Ama nga eri ma azita onduaru azini leta si ’diyi ma vuti obi ra ya? Akaki ’ye ’dini, ama nga e’yo ndra Sitani ni ’yozu kini ’ba ada ni lu Mungu ni inzi erini afa muke ’diyi ki fezu erini risi ri e’da inzo ru.Mi la 1 ’Ba Korintoa Diyi 6:9, 10; 15:33.

Leta Munguni ’ba ada lezu ri e’da di adaru e’yo onzi azini ocoko ni nga i de ra. ’Ba dria e’yo ’diri a’ipi ra azini ’yepi ’yeta si ’diyi nga o’a ayikosi nyakua ’dia ’dani ’dani.Mi la Yohana 3:16.