Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Baru Engazu Mungu Vu!

 Imbata 6

Asi ’Baza ’Ba Odrapi ’Bo ’Diyi Pini ri Ngoni Ya?

Asi ’Baza ’Ba Odrapi ’Bo ’Diyi Pini ri Ngoni Ya?

Mungu ’yo Adamu ni kini: “Mi irifurani, mi nga mvi dika irifura ru.”E’DOZA 3:19.

1. E’yo onyiru dra ma dria ri ngoni?

Yesu ni ndra cazu Betania enyia Yerusalemu ma ageyia ’bo ria, isu deresi eri ma agyi Lazaro dra o’a di o’du su ’bo. Yesu mu nyadria ’dale, agu drapi ’bo ’da ma amvupika Marita azini Mariamu be. Coti, o’bi ongulumu okuki eyi. Mi eco ayiko Marita ni fupi Mariamu be Yesu ni Lazaro ni engazu risi ri ega ra ya?Mi la Yohana 11:21-24, 38-44.

Marita ni ndra deresi e’yo baru ’ba odrapi ’bo ’diyi ma dria ri ra. Ni ndra Yehova ni nga ’ba odrapi ’bo ’diyi ki enga idriru nyakua ’dia ri ra.Mi la Yobu 14:14, 15.

2. E’yo ’ba odrapi ’bo ’diyi ma dria ri ngoni?

’Ba o’ba ’ba ada irifura nyakua risi. (E’doza 2:7; 3:19) Ama ovukini orindi o’api rua ma alea ni ku. Ama o’bata rua ru, ecopi papiru dra ma alea risi ku ri. Akaki dra, ama omi ni dra indi, dika ama egata pie woro. Ani e’yo ’disi, Lazaro awini ndra e’yo nze sawa erini ovuzu avu ru ri ma dria ku, a’dusikuni ’ba odrapi ’bo ’diyi niki ni e’yo azi aluni ku.Mi la Zaburi 106:4; Eklesiaste 9:5, 6, 10.

Mungu ni ’ba ki ive aci si dra ma vutia ra ya? Biblia ni e’dazu nditiri ’ba odrapi ’bo ’diyi niki ni e’yo azini ku risi, aci okopi ku ri imbata inzoru ni Mungu ma ru izazu. Egata ’ba ki ivezu aci si ri Mungu ma dria yo.Mi la Yeremia 7:31.

 3. ’Ba odrapi ’bo ’diyi ecoki e’yo nze ama be ra ya?

’Ba odrapi ’bo ’diyi nzekini e’yo kaniku erikini e’yo ku. (Zaburi 115:17) Te malaika azini ki onzi, ani eyi e’yo nze ’ba ki pie azini eyi ’baru ’ba odrapi ’bo ’diyi ru. (2 Petero 2:4) Yehova leni amani o’bizu e’yo nzezu ’ba draza be ri ku.Mi la Azita Amvizu 18:10, 11.

4. A’di ni nga enga dra ma alea risi ni ya?

’Ba odrapi ’bo milioni milioni sawa ’disi nyadria ’diyi ki nga enga idri ru nyakua ’dia. Ata vini ’ba azi ndra Mungu ni nipi ku azini e’yo onzi ’yepi ’diyi ma azi ki nga enga indi.Mi la Luka 23:43; ’Yeta 24:15.

’Ba engapi ’bo ’diyi ki di nga e’yo ada Mungu ma dria ri oni azini eyi nga a’ita ’ba Yesu ma dria eyini eri ma ti eri risi. (E’yo Eceza 20:11-13) ’Ba engapi idri ru ’bo dika e’yo muke ri ’yepi ’diyi ki di nga o’a idri ru nyakua ’dia ayikosi ’dani ’dani.Mi la Yohana 5:28, 29.

5. E’yo engata ni imba amani Yehova ma dria ri ngoni?

Mungu fe asi ’baza ’ba odrapi ’bo ’diyi pini erini ima Mvi ma ti epezu drazu amasi risi. Ani e’yo ’disi engata ece di amani leta azini asi ndriza Yehovani ri. ’Ba odrapi ’bo ’diyi ka ki enga ’bo, ’ba mini le ne asi driasi ri a’di i ya?Mi la Yohana 3:16; ’Ba Rumia ’Diyi 6:23.