Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Ada Biblia ni Imba ri Ngoni?

E’YO O’BAZARU ’DIYI

Yesu Kristo—Mesia Ndra E’yo ni Azile Ri

Yesu Kristo—Mesia Ndra E’yo ni Azile Ri

AMA aza kozu Mesiani nizu, Yehova Mungu ope nabi kakau tre Biblia sipi ’diyi e’yo sizo osita Yesuni ma dria, azi erini be, azini dra erini ’ba ada Opazu ri pie. E’yo ondriza Bibliani ’diyi ’yeki eyi woro Yesu Kristo ma dria ra. ’Yeki eyi woro osutaru azini vini kililiru. Ecetasi, ama ma oneki nga e’yo ondriza ’diyi ma azi were ni ki Mesia ma osita ma dria azini erini ndra nga ovuzu mva were ru ri ma dria.

Nabi Isaya ondri ndra kini Mesiani nga enga a’bianzi Opi Daudi ni ma alea. (Isaya 9:7) Adaru Yesu osi ori Daudi ni ma alea.—Matayo 1:1, 6-17.

Nabi azi Munguni, Mika ondri ndra vini kini mva ’diri nga eca opi ru azini ’ba nga eri osi “Betelehemu Efirata” ma alea. (Mika 5:2) Ewu ndra Yesuni osizu ri ma alea, aku ambo Israelia ru pie Betelehemu riki ndra iri. Aluri ndra Nazareti ma ageia suru nde ma woko andraleru ria, aziri ndra Yerusalemua, suru Yuda nia. Betelehemu Yerusalemu ma ageia enyia ri ndra omvele Efirata ru ri’i. ’Ba osi bani ndra Yesuni aku ambo nde ’di ma alea, e’yo ondriza ni ndra ’yole rile!—Matayo 2:1.

E’yo ondriza azi ’yo kini ’ba nga Mva Munguni ’diri “omve engazu Misiria.” Yesu ni ndra nga ovuzu mvaa ru ria ’ba ji ndra eri Misiria. ’Ba eji ndra eri vule dra Herode ni ma vutia, trotro ndra e’yo ondriza ni ’yole ri le.—Hosea 11:1; Matayo 2:15.

Eceta si [“E’yo Ondriza Mesia ma Dria ’Diyi”] ma alea ria, e’yo siza ’bani osi e’yo dri “E’yo Ondriza” ma etilea ’diyi nzeki e’yo Mesia ma dria. Mi o’bi tro nga e’yo ondriza ’diyi ki azi ’bani si e’yo dri “’Yezani” ri ma etilea ’diyi pie. Mi ka ’ye ’dini ’diri vini nga a’ita mini E’yo Munguni ma dria ri ’ba okporu.

Mini di e’yo siza ’diyi one ria, le mi ma ni ra kini e’yo azi ndra ondriza ru ’diyi ki ’ba si ndra eyi eli turu turu drio ’dale deresi ’ba osini nga Yesu ni ku. Yesu ’yo kini: “E’yo dria sile masi azita Musani pi ma alia nabi pie, Zaburi pie dria ’diyi ma ’ye yi yi paria.” (Luka 24:44) Ekile mini eco ne Biblia ma alea ’dile, ’yeki ndra eyi ra—dria dria aluni eceni ku.

E’YO ONDRIZA MESIA MA DRIA ’DIYI
E’YO NI E’YO ONDRIZA ’YETA NI
’Ba nga eri osi suru Yudani ma eselea E’doza 49:10 Luka 3:23-33
Aliria ni nga eri osi ni Isaya 7:14 Matayo 1:18-25
Enga ori Opi Daudi nia Isaya 9:7 Matayo 1:1, 6-17
Yehova nga e’da kini eri i ma Mva Zaburi 2:7 Matayo 3:17
’Ba kakau gaki eri si Isaya 53:1 Yohana 12:37, 38
Eri fi Yerusalemua akanya si Zakaria 9:9 Matayo 21:1-9
Eri ma agyi ni nga eri ma o’di nya ni Zaburi 41:9 Yohana 13:18, 21-30
’Ba nga eri ma o’di nya silingi 30 si Zakaria 11:12 Matayo 26:14-16
Zini i ma tile ku Isaya 53:7 Matayo 27:11-14
Bongo erini awa eyima eselea Zaburi 22:18 Matayo 27:35
’Ba nga eri ma dri inza pati sia Zaburi 22:7, 8 Matayo 27:39-43
Fala erini ngani ovu nyozaru ku Zaburi 34:20 Yohana 19:33, 36
’Ba eri sa nyadri ’ba afa e’iru rinia Isaya 53:9 Matayo 27:57-60
Enga deresi avuni ma nga ku Zaburi 16:10 ’Yeta 2:24, 27
Eri nga pa tu Mungu ma dri ndiria Zaburi 110:1 ’Yeta 7:56

← Mi ne angu ’bani capita e’dazuri