Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Ada Biblia ni Imba ri Ngoni?

E’YO O’BAZARU ’DIYI

Pari ’Ba Draza Niri A’du Afa ni Ya?

Pari ’Ba Draza Niri A’du Afa ni Ya?

TI oko Biblia sizu, Ebraniani azini Girikini ayuki ’yoza she’ohl′ azini hai′des ri pale 70. E’yo ’yoza ’diyi ki iritro ’nzeki e’yo dra ma dria. ’Ba Biblia ojapi ti ndu ndu si ’diyi ma azi ojaki ’yoza ’diyi ki “nyadri,” “aci okopi kuri,” kaniku “’bile.” Te, ti kakau ecokini e’yo ’yoza ’diri oja ifi be tro tro ti Ebraniani azini Girikini ri le ku. Ani Biblia New World Translation ru ri ayu di “Sheol” azini “Hades” [Lugbara ti si “pari ’ba draza niri”] ’diyi pari eyinia. E’yo ’yoza ’diyi ma ifi adanisi ngoni ya? Ama neki di nga geri Biblia ni ki ayuzu ndu ndu ri ki.

Eklesiaste 9:10 kini: “A’dusiku azi pi, egata pie, nita pie, ondua pie, ovuni dria bile drani mini muzu vuniari ma alia ku.” ’Di ma ifi di kini pari ’ba draza niri (sheol) ni di pari alu toko, kaniku angu ’bani pe ’ba amani lele tu drapi ’bo ’diyi ki sazuri’i ya? Yo. Biblia ka e’yo nze pari alu toko ’ba sazu, kaniku nyadri ma dria, eri e’yo ’yoza ndu ti Ebraniani azini Girikini si ri ayu’i, ovuni she′ohl kaniku hai′des ni ku. (Matayo 28:1) Vini indi, Biblia ayuni “pari ’ba draza ni” [“sheol”] ’bile alu ’bani ’ba kakau, eceta si akua ’dile ’diyi ki sazu alenia tualu ri ecezu ku.—E’doza 49:30, 31.

Ka di te ’dini, “pari ’ba draza niri,” [“sheol”] ni di a’du afa ni ya? E’yo Munguni e’da kini “Pari ’ba draza ni,” [“Sheol” kaniku “Hades”] ma ifi aga pari ’bani avu ki sazu ri ra. Ecetasi, Isaya 5:14 kini Pari ’ba draza niri [Sheol] “’ba tile walaru ’bani ecole o’bile kurile.” Pari ’ba draza niri ni tro ’ba okizu kakau ’bo ti, le nga mu drile ’ba ma okiza be. (E’yo O’beza 30:15, 16) Mi ka o’bi pari ada ’bani avuki sazu ecopi gapi tre ra ri be, ‘Pari ’ba draza niri apini ku.’ (E’yo O’beza 27:20) Pari ’ba draza niri ga ni ku. Eri ma ti ma asiza yo. Ani e’yo ’disi, Pari ’ba draza ni [Sheol kaniku Hades] ovuni pari azi alu ni ku. Kanisi, eri bani ini nyadri ci ’bani ’ba sazu, ’ba dria odrapi ’bo ri ni o’du kozu alenia ri’i.

Imbata Biblia ni engata ma driari ama aza ko “Pari ’ba draza niri” ma ifi vazu kilili. E’yo Munguniri eci Pari ’ba draza niri drata ’bani ngazu ’ba drapi ’bo ’diyi ki engazu alenia risi ra ri be.* (Yobu 14:13; ’Yeta 2:31; E’yo Eceza 20:13) E’yo Munguniri e’da kini ’ba Pari ’ba draza ni ma alea ’diyi, ovukini lu ’ba Yehova ni inzipi ’diyi ki a’dule ku te vini ’ba eri inzipi ku ’diyi ki indi. (E’doza 37:35; Zaburi 55:15) Ani e’yo ’disi, Biblia imba di kini engata ni nga ovu ci “’ba kililiru ’diyi pini ’ba kililiru ku ’diyi pie iri tro.”—’Yeta 24:15.


*  Te, ’ba ’bani nga enga ku ’diyi ovukini Pari ’ba draza niria ku, “eyi Gehenaa.” (Matayo 5:30; 10:28; 23:33, NW) Kile Pari ’ba draza niri le, Gehena ovuni pari ada ni ku.

← Mi ne angu ’bani capita e’dazuri