Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

E’yo Ada Biblia ni Imba ri Ngoni?

E’YO O’BAZARU ’DIYI

Mikaeli Malaika ma Drileru ri A’di i Ya?

Mikaeli Malaika ma Drileru ri A’di i Ya?

AGU orindi ru omvele Mikaeli i ri Biblia nzeni e’yo drinia tu ku. Te, sawa driasi ’ba ka e’yo nze eri ma dria, dere eri ’da afa azini ’ye. Buku Danieli ni ma alea, Mikaeli ni a’di ’di malaika onzi ’diyi pie; waraga Yuda ni si ri ma alea, eri agata ga Sitani be; azini E’yo Eceza ma alea, eri a’di ’di ria ’ba ’Ba obepiri be azini orindi onzi erini ’diyi pie. Erini opi nyaza Yehova niri atizu azini a’di ’dizu ari’bo Munguni ’diyi pie risi, Mikaeli ni di e’yo ’ye trotro ru erini ’da ma ifi le—“A’dini Kile Mungu Le Ni Ya?” Te Mikaeli ma adari a’di i ya?

Sawa azi nisi, ’ba alu ma ru eco ovu kakau. Ecetasi, agu oku drio Yakobo i ’ba vini ndra eri omve Israeli i, dika, ’ba vini ndra ’ba ti pele Petero ni omve Simoni i. (E’doza 49:1,  2; Matayo 10:2) ’Dinile indi, Biblia e’da kini Mikaeli ni ru azi Yesu Kristoni e’dozu drio dere emuni nga nyakua ku, dika eri ma o’aza nyakua ’dia ’bo ri ma vutia ri. Ama ma neki di nga asisile E’yo Siza ni eri omvezu ’dini ri ki.

Malaika drileruri. E’yo Munguni omve Mikaelini “malaika drileruri.” (Yuda 9) ’Di ma ifi kini eri “malaika amboru ni.” Mi ne ’ba Mikaeli ni omve malaika drileruri i. ’Di ece kini malaika ’dileri lu alu toko. Adanisi, Biblia ma e’yo nzeza “malaika drileru” ri ma dria ri lu ’ba alu ma dria a’dule, ovuni ’ba kakau ru malaika ma dri cepi ’diyi ma dria ku. Ada, pari Yesuni ovuzu malaika ma drileruri e’da diru nditiri. Opi Yesu Kristo engapi ’bo ri ma dria, 1  ’Ba Tesalonikia ’Diyi 4:16 ’yo ’dini: “Opi ma ngulupini nga esi va ibizu ’bua, e’yo oyuza be, o’duko malaika drilerurini be.” O’duko Yesuni ri ’ba ’yo eri o’duko malaika drilerurini. E’yo Siza ’di e’da di ra ada kini Yesu ma ngulupi eri malaika drileru Mikaeli i.

Asikari ma dricere. Biblia kini “Mikaeli mu malaika erini be omba ’bazu uri nde be…azini malaika erini be.” (E’yo Eceza 12:7) Ifini kini, Mikaeli ni vini dricere malaika asi adaru be asikari ru ’diyi niri. E’yo Eceza e’da vini kini Yesu ni dricere malaika asi ada be asikari ru ’diyi niri. (E’yo Eceza 19:14-16) Dika ’ba ti pele Paulo nze vini e’yo “Opi Yesu” ma dria “malaika erini okpo pie ’diyi” be. (2 ’Ba Tesalonikia ’Diyi 1:7; Matayo 16:27; 24:31; 1  Petero 3:22) Biblia nze di e’yo Mikaeli ma dria “malaika erini pie” azini Yesu ma dria “malaika erini pie” iri tro. (Matayo 13:41) E’yo Munguni rini e’dazu asikari malaika kililiru ’bua ’diyi niri ni ovuzu iri—alu ri ma drile Mikaeli i aziri ma drile Yesu i ’dini ku risi—adaru ama ecoki di ’yo kini Mikaeli ni bani Yesu Kristo i pari erini ’bua ria.*


*  Ru Mikaeli ri Mungu ma mvi niri ma dria e’yo onizu angiri, mi ne buku ’Ba Yehova ma E’yo eti Nzepi ’Diyi pini gba Insight on the Scriptures, Volume 2 ri ma peji 393-4.

← Mi ne angu ’bani capita e’dazuri