Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

Ma Buku A’diko Biblia ma Alea ’Diy Niri

Ma Buku A’diko Biblia ma Alea ’Diy Niri
Yesu ni e’yo nze anzi nyiri be

BUKU ’DI nze a’diko ada ’dinile ri ki. ’Ba edu ki buku wundrikurua ndepi ni, Biblia ma alea. A’diko di nzeki adi e’dozu Mungu ni ndra angu o’bazuri si kpere ewu amangari ri ma dria. Nzeki vini e’yo oyo soza Munguni ewu drusi ri ma drai indi.

Buku ’di ri nga lu mini Biblia nze e’yo a’du ma dria e’yo eyini ’ye ’diyi pie. Nze e’yo ’ba Biblia alea ’diyi pi ma dria e’yo eyini ’ye ’diyi pie. Nze vini e’yo oyo soza Munguni ambo idri ’dani ’dani ni paradisia Munguni oyo ni so ’bani ’bo ri ma dria.

A’diko ki 116 buku ’di ma alea. ’Ba oti ki esele aro. Peji okori esele alu alu ma alea ri ma nze e’yo a’diko esele alualu ma alea ri ma dria. A’diko ’diyi otiki eyi tiasi ndra eyini eyi ’ye rile. ’Diri nga mi azako nizu e’yo ’diyi ’ye ki eyi ewu adini ngosi ’ari ma dria.

A’diko ’di ma ewaki vazu yo. Anzi nyiri kakau eco ki la ewakokoru. Tipika emi nga oni kini anzi nyiri emini ’diyi le ki ’ba ma la a’diko ’diyi eyini pale kakau. Mi nga isune a’diko ’diyi onyiru anzi nyiri pini ’ba ’wara be trotro.

E’yo siza Biblia alea ’diyi ki ’ba gba ki a’di ko alu alu ma vutia. Le mima la e’yo Biblia alea e’yo nzepi a’diko ’di yi pi ma dria ’diyi ki ece kokoru.

E’yo siza Biblia alea ’bani gba buku ’di ma alea ’diyi ewa kokoru. Eyi ewa kokoru anzi nyiri ni ecozu efini vazu mbele beni. A’diko alu alu mavutia mi ’ba eco eri esu ngoa ya ri ne.