Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 110: Timoteo​—’Ba Paulo ma Aza Kopi O’di Ri

A’diko 110: Timoteo​—’Ba Paulo ma Aza Kopi O’di Ri

KARILE mini nele ’ba ti opele Paulo be ’di Timoteo i. Timoteo ni o’a ’ba i vile ’diyi pie angu omvele Lusitera ’a. Eri andri ma ru Eunike i azini idi ma ru Loisi i.

Diri pale nazu Paulo ni muzu Lusiteria ri. Oko risi emu ki ndra Barinaba be e’yo oluzu. Ani sawa disi Paulo eda dri ’dia dika i ma a’gyi Sila be.

Timoteo pi Paulo be

Mi ni Paulo ni a’du e’yo lu Timoteo ma tiari ra ya? Zi ’dini: ‘Mi eco muzu Sila be azini ma be e’yo oluzu pari re ’dinile ’diyi ma aleasi raya?’

Timoteo omvi kini: ‘Ee, ma eco ra.’ Di ma vutia coti, Timoteo nga ’ba ivile akua ’diyi ku muzu e’yo oluzu Paulo be azini Sila be. De nga amu ni e’yo onizu aci eyini ma dria ku, ama ma oni nga a’du e’yo ebi i ’ye Paulo ma rua ni ari. E’dozu sawa ndra Yesu ni i e’dazu Paulo ni geri Damasikaria kpere sawa disi, eli ali di 17 ’bo.

Mi ne, Paulo ni ndra aci Damasikia ’ba Yesu vuti bipi ’diyi ki inza, te curudo eri ’ba Yesu vuti bipi ’diyi ma azi aluni! ’Di ma vutia ari’bo azi leki Paulo ni fuzu ra a’dusiku le ni e’yo oluza erini Yesu dria ri ku. Te ’ba Yesu vuti bipi azi ’diyi koki Paulo ma aza apazu te. Ngaki eri ’ba ayaka alea eri isuzu derisa si amve erini ecozu apazu aku ambo nde ri ma aleasi te beni.

’Di ma vutia, Paulo nga mu Antioki e’yo oluzu da. ’Diri pale oko ’bani ’ba Yesu vuti bipi ’diyi omvezu Kristayo ki ri. ’Dia ’ba nga Paulo pi ti pe Barinaba be muzu e’yo oluzu e’dozu Antiokia cazu kpere pari ndundu re tu ’diyi pi aleasi. Nga ki mu kpere Lusitera aku ambo Timoteo ni o’azuri alea.

’Diri pale irizu Paulo ni dri edazu Lusitera eli alu vutia ri. Timoteo ni muzu Paulo be azini Barinaba ’boria, mi ni muke ngoa ri ra ya? Ama ma ne nga e’da di i ecozu pari azi eyini acizu di ki onizu.

Okorisi muki pari enyia omvele Ikonia, irizorisi Antiokia. ’Da ma vutisi Troa vutini si Filipia, Tesolonikia azini Berea. Mi eco Atene ni ne e’da alea ra ya? Paulo olu vini e’yo ’daa indi. ’Da ma vutia, duki eli alu nusu, e’yo oluzu Korintoa. Asizu muki Efesoa. Vutinia nga ki dri eda Kaisaria dika Antioki aku ambo Paulo ni o’azuria.

Ani e’yo disi, Timoteo aci mailo turu turu Paulo be “e’yo bari” oluzu dika kanisa Kristayo ni kakau yi e’dozu beni. Mi ka nga mba ’bo, mi nga ovu ati’bo a’ita be Munguni Timoteo le ra ya?

’Yeta 9:19-30; 11:19-26; caputa 13 kpere 17; 18:1-22.

I’da

1. Rumi; 2. Melita; 3. Berea; 4. Tesaloniki; 5. Korinto; 6. Filipi; 7. Atene; 8. Kirete; 9. Troa; 10. Efeso; 11. Mileto; 12. Kolosai; 13. Antioki; 14. Ikonia; 15. Lusitera; 16. Kuporo; 17. Antioki; 18. Kaisaria; 19. Yopa; 20. Damasiki; 21. Yerusalemu; 22. Miri Amboru (Mediterenia)



Zita ki

  • Karileo e’da ma alea ri a’di i ya, eri o’a ngoa ya, erima andri azini idii pi ma ru a’di pi ki?
  • Peteroni eri zizu eco mu i pie azini Sila pie e’yo oluzu pari ziri ri ma alea ra ya ria, Timoteo nga omvi ngoni ya?
  • ’Ba Yesu ma vuti bipi ’diyi ’ba e’do eyi omve ba Kristayo ki ngoa ya?
  • Paulo pi Sila pie azini Timoteo pie Antioki ni kuzu ’bo risi, aku amboru eyini muzu alenia ’diyi ma azi ngoki ya?
  • Timoteo fe azakoza ngoleni Paulo dri, le karileo curu’do ’diyi ma oziki eyi ma ngulupi zita ngole ri ki si ya?

Zita o’bazaru ’diyi ki

  • Mi la ’Yeta 9:​19-​30.

    ’Ba ti pele Paulo ece i onduaru erini inzamatara isule e’yo bari oluria ngoni ngoni? (’Yeta 9:​22-​25, 29, 30; Mat. 10:16)

  • Mi la ’Yeta 11:19-​26.

    E’yo siza ’Yeta 11:19-​21, 26 ma aleari ece geri ngoni le ri si orindi Yehovani ri eri ’ba e’yo olupi ’diyi ma drice azini eyi ma ageyi te ni?

  • Mi la ’Yeta 13:​13-​16, 42-​52.

    ’Yeta 3:​51, 52 ’ba Yesu ma vuti bipi ’diyi feni inzamatara fu eyi ma okpo e’yo oluza niri ku ngoni ngoni ya? (Mat. 10:14; ’Yeta 18:​6; 1 Pet. 4:​14)

  • Mi la ’Yeta 14:​1-6, 19-​28.

    E’yo ’bani ’yo “eyi owiki eyi Yehova dri” ’di eco okpo fe ama ni ecozu ’ba o’diru ’diyi ma aza kozu ngoni ngoni ya? (’Yeta 14:​21-​23; 20:32; Yoh. 6:​44)

  • Mi la ’Yeta 16:​1-5.

    Timoteo ni aizu agale lizu ra ri ida orodri ama ni ama fezu azi “e’yo ba suru ni ri dri ri” ngazu ri ngoni ngoni ya? (’Yeta 16:3; 1 Kor. 9:​23; 1 Tes. 2:​8)

  • Mi la ’Yeta 18:​1-​11, 18-​22.

    ’Yeta 18:​9, 10 ece geri ngonile risi Yesu fe ima ngulupi e’yo oluza ma dri cezu, diri fe amani okpo ngole ni curu’do ya? (Mat. 28:20)

E'YO ONIZA ANGIRI

MI IMBA ANZI MINI ’DIYI

Timoteo Le Ndra ’Ba Yi Ma Azako

Mi eco o’aidri mini ri ma alea ayikosi ekile ndra Timoteo dri rile ngoniru?