Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 99: Erini Ovuzu Joa Gorofa si Ri

A’diko 99: Erini Ovuzu Joa Gorofa si Ri

’DI RI di o’du Su ma inisi. Yesu pi ba erini ti opele 12 ’diyi be ngaki fi jo gorofa ru ri ma alea ’bua ’dale Omu Agaza ’Ba Drilea si ri nyazu. Agu mini ne fu pi amve ’da i Yuda Isikariota i. Eri mu lu atalo ni ecoki Yesu ni bi ngoni ruari.

Ondre ta Opi niri

Aje ’dini, Yuda Isikariota mu atalo diki zi kini: ‘Emi nga mani a’du fe aka emi aza ko Yesu ni ebizu ria?’ Omvi ki dini: ‘Ama nga mini silingi fe kali na.’ Ani Isikariota ni bani di mu ’ba ’diki eji Yesu ni bizu. ’Da ovuni eyo azi onzi ’dinile ni ku ada ya?

Ondre ta Agazu ’ba driasi ri de di i ’bo. Yesu nga vini nyaka azi ndu ni e’do ’ba ti opele ’diyi be. Nga mukati ’du fe eyi dri ’yo kini: ‘Emi nya, ’diri ma rua mani owile emi si ri.’ Nga vini okele ’du vino be alea nia ’yo kini: ‘Imvu ki, ’diri ari mani mani ada emi si ri i.’ Biblia omve nyaka di i ‘Ondre ta opi ni ri.’

Omu Agazu ’ba drilea siri anzi Israeli ni ki ega e’yo ndra malaika Munguni ri ni agupi anzi oko Misiria ’diyi ki olizu dria, te aga jo anzi Isiraelini ma driasi ri ma eyo si. Te sawa ’disi Yesu le di ’ba i ma vuti bipi ’diyi ma ega ki e’yo ini ima idri owizu eyisiri. ’Da i bani asisile erini lezu ’ba ma ega ondre ta i ni ’di ma eyo eli dria si ri.

Eyini Ondre ta opi niri nyazu ’bori ma vutia, Yesu nga ’yo ’ba erini ti opele ’diyi ma ovu orikokoru azini okporu a’itasi. Asizu nga ki di ongo ngo Mungu dri vutinia ereki di eyi. Te sawa ’disi sa ali di ini ni azia ma drilea ‘bo. Ani ane ki nga ’ba nde ’diyi mu ki ngoa ri.

Matayo 26:14-30; Luka 22:1-39; Yohana caputa 13 kpere 17; 1 ’Ba Korintoa ’Diyi 11:20.



Zita ki

  • Ekile ama ni ne e’da ma alea ’di le, Yesu pi ’ba eri ma vuti bipi ’diyi be gorofa sia a’du e’yo si ya?
  • Agu fupi amve ’da a’di i, azini eri mu a’du ’ye ya?
  • Nyaka azi ndu Yesu ni e’do ’ba ima vuti bipi ’diyi pie omu Agazu ba driasi ri ma vutia ri ngo i ya?
  • Omu Agazu ba dria si ri anzi Israeli ni ki ega a’du ma e’yo si, dika nyaka ndu ’diri ’ba Yesu ma vuti bipi ’diyi ki ega a’du e’yo si ya?
  • Ondre ta Opi ni ri ma vutia, lu ’ba ima vuti bipi ’diyi ni ngoni, fe ’yeki a’du afa ni ya?

Zita o’bazaru ’diyi ki

  • Mi la Matayo 26:​14-​30.

    Matayo 26:15 e’da Yudasi nya Yesu ma o’di aka ngoni ngoni?

    Asisile iri Yesu ni ima ari adazu ri ki ngo ki? (Mat. 26:​27, 28; Yer. 31:​31-​33; Efe. 1:7; Ebr. 9:​19, 20)

  • Mi la Luka 22:​1-​39.

    Satani fi Yudasi ma alea geri ngoni le ri si ya? (Luka 22:3; Yoh. 13:2; ’Yeta 1:​24, 25)

  • Mi la Yohana 13:​1-​20.

    E’yo buku Yohana 13:​2, ’da si, ’ba eco onu Yudasi ma rua ra ya, dika imbata ati’bo Munguni ’diyi ni oni ’dia ri ngoni? (E’do. 4:7; 2 Kor. 2:​11; Gal. 6:​1; Yak. 1:​13, 14)

    Imbata azi ’ba ma egata otupi Yesu ni imba ri ngoni ya? (Yoh. 13:15; Mat. 23:11; 1 Pet. 2:​21)

  • Mi la Yohana 17:​1-​26.

    ’Bani ’yozu Yesu zi Mungu ’ba ima vuti bipi ’diyi ni “o’azu ala” ’da ma efi ngoni ya? (Yoh. 17:​11, 21-​23; Rum. 13:8; 14:19; Kol. 3:​14)