Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 91: Yesu ni Ba Imbazu Oni Dria Ri

A’diko 91: Yesu ni Ba Imbazu Oni Dria Ri

MI NE Yesu ri oni Galilia ri ma dria ’ba ki imbaria. ’Ba ripi erivu enyia ogogo ’diyi ki ’ba erini opele 12 i’ma vuti bipi ’diyi. Ope ndra eyi ki ndu i ma vuti ’bizu. Mi ni eyi ma ru ki ra ya?

Yesu ni ’ba imba

Yi ma ru ki Simoni Petero pi adripi erini Andarea be. Yakobo pi adripi erini Yohana be. ’Ba ti opele ’diyi ma azi ndra vini ci iri ru ni ki Yakobo pi Simoni be. Azini yi ndra vini iri ru ni ki iri tro Yuda i. ’Ba omve aluri Yudasi Isikarioteni aziri Yuda Tadayo be. Azini ’diyi ki Filipo pi Natanieli (omvele Baritolomayo) i ri pie, Matayo pie azini Tomasi i.

Yesu ni ingazu Samaria risi ’bori ma vutia, i’do di imbata i ni ’ba imbazu oko e’yo dri pie: ‘Suru Munguni ri di enyia ogogo ri.’ Mi ni suru nde ri a’du afa ni’ari ra ya? Eri gamete Munguni. Opi ni ri Yesu i. Eri nga opi nya ’bua ’dale te eri nga asi anzu iji nyakua. Suru Munguni ri nga wudrikuru ’di i oja woro paradiso ru.

Yesu ni ’dia ba ki imba suru ’da ma dria. Nga ’yo eyi tia kini emi zi dini: ‘Ata amani ovupi buari, ru mini ma ovu inziza ru. Suru mini ma emu. E’yo mini leleri ma ’ye i nyaku ekile buarile.’ ’Ba kakau yi izita ’di omve ‘Aiza opini ri i.’ ’Ba azini yi omve ‘Ama Ata buari i.’ Mi ni izita nde woro ra ya?

Yesu ni vini ’ba yi imba le ma o’aki eyi ma eselea ngonia risi indi. ’Yo eyi tia kini, ‘Emi ma ’ye ’ba yi dri ekile emini le ma ’ye emi dri ri le.’ ’Ba ka ’ye emi vu asi ndriza si, emi leni ku ya? Ani Yesu kini, le emi ’ye vini eyi rua ’dinile indi. Ngani ovu e’yo azi orodriru ni nezu kini ’ba dria ni e’yo onyiru ’ye paradisia ku ya?

Matayo caputa 5 kpere 7; 10:1-4.



Zita ki

  • E’da ’di ma alea, Yesuni ’ba imba ngoa, a’di pi riki eri ma ageyia inyia ni ya?
  • ’Ba ti opele 12 ’diyi ma ru adipi ki ya?
  • Suru Yesuni e’yo oluzu drinia ri ngo i ya?
  • Yesu imba ’ba yini Mungu zizu ngoni ya?
  • Geri ’bani o’azu ’ba azi ’diyi pie ri ma dria Yesu ’yo ngoni ya?

Zita o’bazaru ’diyi ki

  • Mi la Matayo 5:​1-​12.

    Geri ngoni le risi ama ecoki ece kini a’baki asi amani afa orindini ’diyi pi ma dria? (Mat. 5:3; Rum. 10:13-​15; 1 Tim. 4:​13, 15, 16)

  • Mi la Matayo 5:​21-​26.

    E’yo sile Matayo 5:​23, 24 ma aleari ece geri amani o’azu ama adripi pie ri eco geri amani o’azu Mungu beri otura kaniku ezara ngoni ngoni? (Mat. 6:​14, 15; Zab. 133:​1; Kol. 3:​13; 1 Yoh. 4:​20)

  • Mi la Matayo 6:​1-8.

    Geri azi ’bani ’ba ngulupi ’bazu ezata koko le Kristayo ku ja ’diyi ngoki ya? (Luka 18:11, 12; 1 Kor. 4:​6, 7; 2 Kor. 9:7)

  • Mi la Matayo 6:​25-​34.

    Imbata Yesu ni imba asi ’baza Yehova ma dria ri ma dria amani afa rua ni ’diyi nda ria ri ngoni ya? (Efu. 16:4; Zab. 37:25; Fil. 4:​6)

  • Mi la Matayo 7:​1-​11.

    E’yo eceta ru Matayo 7:5 ma alea ri imba ama a’du ’yezu ya? (O’be. 26:12; Rum. 2:1; 14:10; Yak. 4:​11, 12)