Mi mu e'yo alenia ria

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Mi pe ti Lugbara

A’diko 72: Mungu Ko Opi Hezekia Ma Aza

A’diko 72: Mungu Ko Opi Hezekia Ma Aza

MI NI agu ’diri Yehova ni zi a’du eyo si’ari ra ya? Nga waraga ’diyi ba pari Yehova vile edeta edezuri ma drilia a’du e’yo si ya? Agu nde ma ru Hezekia i. Eri opi suru iri Israeli ni andrale ru ria ri. Azini ovu candi be angiri tu. A’du e’yo si ya?

Opi Hezekia ni izita izi

A’dusikuni asikari Suriani ja suru 10 oruleru iri ’diyi ma dri ’bo. Yehova ku e’yo ’dini i ’yezu a’dusikuni ’ba ’diyi ni ovule onzi ri si. Azini sawa ’disi asikari Suriani ’diyi emuria a’di ’dizu enyati iri ’diyi be.

Opi Suria ni ri ife waraga Opi Hezekia dri sawa ’disi. ’Di yi waraga Hezekia ni ’bale Mungu ma drilea ’diyi. Waraga ’diyi onzo Yehova ma e’yo dria, azini ’yo Hezekia ma ku azi ngaza erini ’diyi ja. ’Diri asisile Hezekia ni Mungu zizu kini: ‘Yehova amani ri La, mi pa ama opi Suriani ri ma driasi fo. ’Dini ’ba dria nyakua ’diyi nga ni ani kini mi i a’dule mi Mungu beni.’ Yehova ni nga e’yo eri Hezekia ma tia ra ya?

Hezekia ni opi mukeni. Ovuni opi 10 enyati Israelia ’diyi le ku, dika ovuni ima ati onzi Ahazi le ku. Hezekia obi Yehova ma azita vuti kililiru. ’Da ma vutia, Hezekia ka Mungu izi de ’bo, nabi Isaya nga eri dri o’duko ’diri eji engazu Yehova dri kini: ‘Opi Suriani ri ngani imu Yerusalemua ku. Asikari eri vu ’diyi ngani imu ogogo ku. Ngani osu aluni gbi aku amboru ria ku.’

Mima ndre nga e’da peji ’di ma alia ’diyi. Mi ni asikari odra ’ba ’bo ’diyi woro ra ya? Eyi ’ba Suria ’diyi. Yehova pe Malaika ini mati, ini alu ma alia malaika o’di asikari Suria ni 185,000. Opi Suria niri nga a’di ’diza ku ja azini nga mvi akua vile.

Asikari Suria ni odrapi ri

Enyati iri Suru ’diyi ma alea ’diyi nga eyi pa ra azini ’ba nga asi anzuru isu sawa were si ra. Te Hezekia ka mu dra ’bo, eri ma mvi Manase nga eca opi ru ni. Manase pi ima mvi Amoni ecapi opi ru eri ma vutia ri be iri tro opi onzi ni ki. ’Dini dika e’yo onzi nga ga angu dria tretre. Opi Amoni vile ati’bori ka mu eri ’di ’bo, eri ma mvi Yosia nga eca opi ru ni enyati iri ’diyi ma alea.

2 Opi 18:1-36; 19:1-37; 21:1-25.



Zita ki

  • Agu e’da ’di ma alea ri a’di i, azini eri e’yo ewa ru ma alea a’du eyo si ya?
  • Waraga Hezekia ni ’ba Mungu ma drilea ’di ki ngoki, dika Hezekia zi Mungu ngoni?
  • Hezekia ni opi ngoleri, azini o’duko Yehova ni fe erini nabi Isaya vusi ri ngoni?
  • Ekile amani ne e’da ma alea ’di le, malaika Yehova ni ’ye a’du ma e’yo ’ba Suria ’diyi vu ya?
  • Enyati iri suru ’da ma alea ’diyi ni tro asianzu isuzu sawa were si ra ti, a’du ma e’yo ’ye i drata Hezekia ni ma vutia ni ya?

Zita o’bazaru ’diyi ki

  • Mi la 2 Opi 18:​1-​36.

    Agu e’yo nzepi Suria ni Rabisake fu a’ita anzi Israelini ’diyi dri ri ngoni ngoni ya? (2 Opi 18:19, 21; Efu. 5:2; Zab. 64:3)

    ’Ba E’yo Eti Nzepi Yehova ni ’diyi ecoki ecata Hezekia ni ri ma vuti obi ngoni ru, sawa eyini dri fuzu inzimatara be ria? (2 Opi 18:36; Zab. 39:1; O’be. 26:4; 2 Tim. 2:​24)

  • Mi la 2 Opi 19:​1-​37.

    ’Ba Yehovani ’diyi ki andrusi eceta Hezekia ni ma vuti obi ewu ewaru ’di ma alea ngono ngoni ya? (2 Opi 19:​1, 2; O’be. 3:​5, 6; Ebr. 10:24, 25; Yak. 5:​14, 15)

    Ndeta pale na Opi Senakeribu ni dri fuzu eri be ri ngo i, dika e’yo ondriza ’di so pa a’di ma paria? (2 Opi 19:​32, 35, 37; Ece. 20:​2, 3)

  • Mi la 2 Opi 21:​1-6, 16.

    Ama ecoki ’yo Manase ni ndra opi azi onzikanyaru Yerusalemua ndepi te ni a’du e’yo si ya? (2 Sur. 33:​4-6, 9)