Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 70: Yona pi E’bi Ambo ri Be

A’diko 70: Yona pi E’bi Ambo ri Be

MI NE nga agu ’yi alea ’da. Eri e’yo ewaru ma alea ’dini ku ya? Ace were e’bi ’da eri ki! Mi ni agu ’di i ra ya? Eri ma ru Yona i. Ama ma ne nga isu e’yo ewaru ’di ngoni ngoni ari.

Yona ni nabi Yehova ni. Elisa ni drazu ’bo ri ma vutia coti Yehova ’yo Yona tia: ‘Mi mu aku ambo Ninivia. E’yo onzi ’ba ’daa ’diyi ni ri fu dri ku ani mi mu eyi ma bile ndu li.’

Yona pi e’bi ambo ri be

Te Yona leni mu ku. Nga tu o’bo mupi Ninivia ku ri ma alea. Yona ni apazu te risi Yehova o’ani ayikosi ku. Nga fe oli amboru li. Oli nde amboru ani fe o’bo le ’de yi etia. ’Ba obo pe’ba ’diyi ecaki urisi tu ani nga mungu yini ’diyi zi eyima aza kozu.

Asizu Yona nga ’yo eyi ma tia: ‘Ma Yehova Mungu ’bu pi o’bapi nyaku be ri inzi. Te Sawa disi ma aparia azi Yehova ni fe ma ma nga risi!’ ’Ba nde nga zi: ‘Le ama ma ’ye di a’du afa mi rua ecozu oli amboru ’di atrizu ya?’

Yona nga omvi eyi tia: ‘I’be ki ma miri alea ani oli ’di i nga pa so beni.’ ’Ba o’bo pe’ba ’diyi leni yona ni ’be yi alea ku te oli ka mu lita be drile asizu nga eri ’be yi alea ra. Coti oli nga pa so miri eca di ’yere, dika.

Yona ni ’deria yi etia, e’bi amboru nga eri ki ra. Te awini dra ku. O’du pi pi na nga o’a e’bi nde ma alea. Yona o’a di candisi ini azita Yehova ni fe idri muzu Ninivia ri ma vuti obizu ku ri si. Mi ni ’ye a’du e’yo ni’ari ra ya?

Yona nga azakoma zi Yehova vu. Ani Yehova fe e’bi nde ewi Yona ni angu a’wiru ma dria. ’Da ma vutia Yona nga mu Ninivia. ’Di imbani ama e’yo Yehova ni lu amani ’diyi ma vuti obizu ’dini ku ya?

Buku Biblia alea Yona ni.



Zita ki

  • Yona ni a’di i, azini Yehova lu erini ma ’ye a’du afa ni ya?
  • Yona ni le muzu pari Yehova ni le ma mu ria ku risi, nga di a’du afa ye ya?
  • Yona lu ’ba o’bo pepi ’diyi ni ma ’yeki a’du afa ni oli ni ecozu pa sozu?
  • Ekile mini ne e’da ma alea ’dia ri le, a’du e’yo ’ye i Yona be ni erini ’dezu yi tia ’bo ria?
  • Yona o’a e’bi ma alea ’dale o’du si, te ri ’dale a’du afa ’ye?
  • Yona ni efuzu e’bi amboru ’da ma alea risi ’bo ria, mu ngoa, dika ’di imba ama ngoni ya?

Zita o’bazaru ’diyi ki

  • Mi la Yona 1:​1-​17.

    ’Yeta erini ri ni e’da rile, Yona ma egata ndra azi ’bani fe eri dri muzu e’yo oluzu ’ba Ninevia ’diyi ni ri ma dria ri ngoni? (Yona 1:​2, 3; O’be. 3:7; Ekl. 8:​12)

  • Mi la Yona 2:​1, 2, 10.

    E’yo Yona ni dri fuzu eri be ri fe ama ni asi omiza ada ada Yehova ni nga ama zita omvi ra ri ma dria ri ngoni ngoni? (Zab. 22:24; 34:6; 1 Yoh. 5:​14)

  • Mi la Yona 3:​1-​10.

    Asi omiza ama ni esu e’yo Yehova ni Yona ni ayuzu siri tro ndra eri ni gazu muko okori si raka ri ma dria ri ngoni? (Zab. 103:14; 1 Pet. 5:​10)

    Efi ’yaza ecapi e’yo oluza Yona ni olu ’ba Ninevea ’diyi ni ri si ri imba ama e’yo liza ’ba ma dria oko ri si ngoni? (Yona 3:​6-9; Ekl. 11:6; ’Yeta 13:48)