Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 49: Etu Nga Pa So Ci

A’diko 49: Etu Nga Pa So Ci

MI MA ndre nga Yosua ni. Eri ’yo ria kini: ‘Etu, mi so pa ci!’ Etu nga pa so ci. Nga ovu agandua iriti ma alia o’du alu pi. Yehova fe erini i ’yezu ni! Te le ama ma ne Yosua le etu ma ka ku a’du e’yo si’a ri.

Etu

Opi towi onzi ’diyi ni e’dozu a’di ’dizu ’ba ‘Gibeonia ’diyi pie ’bo ria, ’ba Gibeonia ’diyi nga ’ba aluni ma ti epe Yosua ni zizu eyi ma azakozu. Nga yo kini: ‘Mi emu ama vu mbele! Mi pa ama! Opi dria angu oni kalea ’diyi dria emu a’di ‘dizu ati’ba emini be.’

Mbeleru Yosua azini ’ba dria a’di ’diba erini ’diyi be nga emu ra. Nga aci ini be ra. Eyi ka eca Gibeonia ’bo, asikari opi towi ’diyi niri nga eca orisi ani nga e’do apa ra. Yehova nga fe si amboru ni o’de engazu bua, asikari kakau nga odra si o’depi eyi ma dria ri si ovuni ’ba Yosuani a’di ’dipi ’diyini a’di ’dizu eyi be risi ku.

Yosua

Yosua nga ndre ace were etu ni ’de. Angu ni nga bi dika, asikari kakau opi onzi towi ’diyi vile ’diyi nga apa ra. ’Diri e’yo Yosua ni Yehova Munguni zizu kini: ‘Etu, mi so pa ci ri i!’ Etu ni pa soria ’bo, ’ba Israelini ’diyi nga a’di nde ’da nde ra.

Opi ’ba Munguni ’diyi ngupi onzi ’diyi Kanania kakau. Nga Yosua pini ’ba erivile a’di ’dipi ’diyi pie eli ’du azia eyini ecozu opi 31 angu ’da ma alea ’diyi ndezu. Eyini ’diyi dezu ’boria, Yosua nga ndre angu Kanani niri di awazaru enyati dria angu lepiri dri.

Eli kakau nga ali, asizu Yosua nga dra de elini 110. ’Ba eri ma agyi ru ’diyi ni ovuzu indriru risi, ’ba nga Yehova ma ti eri ra. Te ’ba muke ’diyi ni odrazu ’bo ria, ’ba ’diyi e’do e’yo onzi ’diyi ye azini nga candi isu ra. ’Diri sawa eyini azakoza lezu engazu Mungu vu ri i.

Yosua 10:6-15; 12:7-24; 14:1-5; ’Ba E’yo Lipi ’Diyi 2:8-13.



Zita ki

  • E’da ’di ma alea, Yosua ni a’du e’yo nze, azini a’du e’yo si ya?
  • Yehova ko Yosua pi ma aza ’ba a’di ’dipi ’diyi pie ngoni ngoni?
  • Yosua nde opi ari’baru ’diyi si, azini ’du sawa ngopi?
  • Yosua nga angu Kanani ni awa a’du e’yo si ya?
  • Yosua ni drazu ria dere eri ma eli si, azini a’du afa nga i ’ye ’da ma vutia ’ba yi pie ni ya?

Zita o’bazaru ’diyi ki

  • Mi la Yosua 10:​6-​15.

    Ama ni nizu Yehova fe etu pini paso mba be ci ’ba Israelini ’diyi niri, curu’do amani okpo ngole ri fe ya? (Yos. 10:​8, 10, 12, 13; Zab. 18:3; O’be. 18:10)

  • Mi la Yosua 12:​7-​24.

    A’di nde adanisi opi 31 Kanania ’diyi ni, azini ’diri ama dri orodriru curu’do a’du e’yo si ya? (Yos. 12:7; 24:11-​13; Azi. 31:8; Luka 21:9, 25-​28)

  • Mi la Yosua 14:​1-5.

    ’Ba awa angu suru ti Israelini ’diyi dri ngoni ngoni, ’diri ece ama dri e’yo angu nyaza Paradisia ri ma dria ngoni ya? (Yos. 14:2; Isa. 65:21; Eze. 47:​21-​23; 1 Kor. 14:33)

  • Mi la ’Ba E’yo Lipi ’Diyi 2:​8-​13.

    Ekile ndra Yosua ni ovule Israelini rile, andrusi a’dipiki imbata inzoru ri atri ni ya? (Lip. 2:​8, 10, 11; Mat. 24:​45-​47; 2 Tes. 2:​3-6; Tito 1:​7-9; Ece. 1:1; 2:​1, 2)