Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 47: Oguo Israelia

A’diko 47: Oguo Israelia
Akani ni afa erini ogu ri zi

MI MA ndre nga afa agu ’dini sa hema ivile ri ma alia ’di! Bongo ndrizaru tu ri i, azini kali dahabu, mele nyiria ’diyi pie. E’du eyi engazu aku ambo Yerikoni ma alia. Leta adani afa engapi Yerikoa ’disi ’ba ma ’ye a’du afa ni ya? Mi eco ega ra ya?

’Diyi afa ndra ’bani le dri ni ja te ’diyi, azini Dahabu pi mele be ’ba le ndra tani mba Sanduku afa fezani Yehova vile hema alia ria. ‘Ba ’diyi nyo Mungu ma azita. Ogu afa ovupi Mungu ni ’diyi. Agupi ’di ma ru Akani i, ’ba eri pie ’diyi ’ba eri vile akua ’diyi. Ama ma ndre a’du afa ’ye i eyi be ni’ari.

Akani ni afa ’diyi oguzu ’bo ri ma vutia, Yosua pe ’ba azini ’diyi ma ti a’di ’dizu ’ba aku ambo Ayi nia ’diyi be. Te ’ba nde eyi ki teketeke. ’Ba azini ’diyi ’ba o’di eyi ra, eyi ma azi ’diyi nga apa ra. Yosua ovu candi si tu. Nga i la va andreti be a’buzaru nyakua Yehova ni zizu kini: ‘Mi fe eyo ’diyi ni eyi ’yezu ama rua a’du e’yo si ya?’

Yehova nga omvi kini: ‘Mi nga oru! Israeli ’ye onzi ’bo. Nga afa ’bani ndra le drini ja ra ’diyi o’du te azini afa ’bani fe Yehova vile hema ma alia ’diyi be. Ogu bongo ndrizaru ’diyi azini ’ba zi eri ci. Ma ngani tusu co emi dria ku kpere emi ni afa ’diyi ma dri ja ria ’ba afa ’diyi o’du pi ’diyi pie.’ Yehova kini Yosua ni i ’ba onzi ri e’da ra.

Yosua nga ’ba dria yi tra tualu, Yehova nga ’ba onzi Akani ni enze. Akani nga yo kini: ‘Ma nga eza ra. Andre bongo ndrizaru turi i, dahabu azini mele pie. Mani eyi le saaru risi ma nga eyi ’du ra. Emi nga esu asa eyi hama mavule ri ma alia va.’

’Bani afa ’diyi, isuzu azini eyi ejizu Yosua vu ’boria, nga ’yo Akani ni kini: ‘Mi eji amani candi a’du e’yo si ya? Ka ’dini Yehova ni nga candi iji mi dria!’ ’Da ma vutia ’ba nga Akani pi o’be ’ba erivile akua ’diyi pie dria onisi kai. ’Diri eceni kini le ama ma o’du afa ovupi ama ni ku ’diyi ku ya?

’Di ma vutia Israeli nga mu a’di dizu ’Ayini be dika. Sawa ’disi Yehova nga ’ba ivile ’diyi ma aza ko ra, nga ani a’di nde ra.

Yosua 7:1-26; 8:1-29.



Zita ki

  • E’da ’di ma alea, agu lonyi ’bani o’dule Yerikoa ri sapi ’bulea ri a’di i, azini a’dipi eri ma aza ko ni ya?
  • Yeta Akani ni ’ba erivile akua ’diyi pie ri onzi a’du e’yo si ya?
  • Yehova nga omvi ngoni Yosua ni eri zizu ’ba nde ’ba Israelini ’diyi ki a’di Ai be ri ma alea risi te a’du e’yo si ya ria?
  • ’Bani Akani pi ejizu ’ba erivile akua ’diyi pie Yosua vu ria, a’du afa ’ye i eyi pie ni ya?
  • E’yo liza Akani ri fe ama dri imbata angiri ngole ni ya?

Zita o’bazaru ’diyi ki

  • Mi la Yosua 7:​1-​26.

    Yosua ma Mungu ziza ace agyi erini ima o’bapi beri ngoni ya? (Yos. 7:​7-9; Zab. 119:145; 1 Yoh. 5:​14)

    ’Yeta Akani niri e’da ama ni a’du ma e’yo, dika ’diri imbata ru ama ni ngoni ngoni? (Yos. 7:​11, 14, 15; O’be. 15:3; 1 Tim. 5:​24; Ebr. 4:​13)

  • Mi la Yosua 8:​1-​29.

    Azi ama alu alu ni Kanisa kristayo ni ma alea ri ngo i? (Yos. 7:​13; Lev. 5:1; O’be. 28:13)